ຮັກສາສັນຕິພາບ,ສະຖຽນລະພາບຢູ່ທະເລຕາເວັນອອກແມ່ນຈຸດໝາຍ,ຜົນປະໂຫຍດ ຂອງທຸກປະເທດ
ກຳປັ່ນຮົບຂອງຈີນ
ພາບ:internet
|
(vovworld)- ວັນທີ 28/05, ຕໍ່ຫນ້າການຜັນແປ່ເຄັ່ງຕຶງຢູ່ທະເລຕາເວັນອອກ, ຢູ່ ສິງກະໂປ ໄດ້ດຳເນີນກອງປະຊຸມສຳມະນາພາຍໃຕ້ຫົວຂໍ້ວ່າ:“ສະພາບເຄັ່ງຕຶງເພີ່ມຂຶ້ນຢູ່ທະເລຕາເວັນອອກ ແລະ ບັນດາຜົນກະທົບເຖິງຄວາມໝັ້ນຄົງພາກພື້ນ” ໂດຍສູນຄົ້ນຄ້ວາ ຍຸດທະສາດ ອາຊີ ຂອງອິນເດຍ ຈັດຕັ້ງຂຶ້ນກ່ອນດຳເນີນກອງປະຊຸມ Shangrila. ເຂົ້າຮ່ວມກອງປະຊຸມສຳມະນາ ມີນັກຮຽນຮູ້ມາຈາກບັນດາປະເທດ ອາຊຽນ ແລະ ບັນດາຄູ່ຮ່ວມມື ອາເມລິກາ, ອິນເດຍ, ອົດສະຕາລີ.
ທີ່ກອງປະຊຸມສຳມະນາ, ບັນດານັກຮຽນຮູ້ໄດ້ຕີລາຄາກ່ຽວກັບບັນດາການຜັນແປໃຫມ່ເຮັດໃຫ້ຄວາມເຄັ່ງຕຶງເພີ່ມຂຶ້ນຢູ່ທະເລຕາເວັນອອກ ໂດຍຈີນເພີ່ມທະວີຄຳຮຽກສິດສຳລັບອະທິປະໄຕເສັ້ນທາງ 9 ຕອນ ທີ່ໄຮ້ເຫດຜົນ ແລະ ຜິດກົດໝາຍ ເພື່ອຢຶດຄອງທະເລຕາເວັນອອກໃຫ້ແກ່ຕົນເອງ. ພິເສດ ແມ່ນເລື່ອງຈີນ ຕັ້ງຮ້ານເຈາະນ້ຳມັນຢ່າງຜິດກົດໝາຍຢູ່ເຂດເສດຖະກິດຈຳເພາະ ແລະ ເຂດໄຫລ່ທະວີບຂອງຫວຽດນາມ ແຕ່ວັນທີ 2/5 ມາຮອດປະຈຸບັນ. ການກະທຳດັ່ງກ່າວຂອງຈີນ ແມ່ນລະເມີດກົດໝາຍສາກົນກ່ຽວກັບທະເລ, ກໍ່ຄວາມເຄັ່ງຕຶງ, ເຮັດໃຫ້ສະພາບການສັບສົນ, ນາບຂູ່ເຖິງສັນຕິພາບ, ສະຖຽນລະພາບ, ກໍ່ໄພຈະເກີດການປະທະກັນ, ການຊ່ວງເສງອາວຸດ, ຂາດຄວາມປອດໄພໃນການເດີນທະເລ, ການຂົນສົ່ງທາງອາກາດຢູ່ທະເລຕາເວັນອອກ. ບັນດານັກຮຽນຮູ້ໄດ້ຢືນຢັນຄວາມສຳຄັນຢູ່ທະເລຕາເວັນອອກສຳລັບພາກພື້ນ ແລະ ສາກົນ, ຢືນຢັນການຮັກສາສັນຕິພາບ, ສະຖຽນລະພາບຢູ່ທະເລຕາເວັນອອກແມ່ນຈຸດໝາຍ, ຜົນປະໂຫຍດຂອງທຸກປະເທດສະມາຊິກ ອາຊຽນ, ບັນດາປະເທດມີຜົນປະໂຫຍດຄື: ອາເມລິກາ ແລະ ບັນດາປະເທດມະຫາອຳນາດຄື: ຍີ່ປຸ່ນ, ອິນເດຍ, ອົດສະຕາລີ.