(vovworld) – ແຜນຮ່າງ 896 ຂອງນາຍົກລັດຖະມົນຕີ ຫຼືເອີ້ນວ່າ: ແຜນຮ່າງສັງລວມຫັນລະບຽບການບໍລິຫານຂອງພົນລະເມືອງ ແລະ ບັນດາພື້ນຖານຂໍ້ມູນທີ່ກ່ຽວຂ້ອງເຖິງການຄຸ້ມຄອງພົນລະເມືອງເປັນງາຍດາຍໄລຍະ 2013 – 2020.
ກ່າວຄຳເຫັນສະຫລຸບທີ່ກອງປະຊຸມຜັນຂະຫຍາຍແຜນຮ່າງ 896 ຖືກຈັດຂຶ້ນໃນຕອນເຊົ້າວັນທີ 11/2, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຫງວຽນຊວນຟຸກ, ຫົວໜ້າຄະນະຊີ້ນຳແຜນຮ່າງ 896, ສະເໜີໃຫ້ບັນດາສະມາຊິກໃນຄະນະ ເອົາໃຈໃສ່ຜັນຂະຫຍາຍໜ້າທີ່ໄດ້ຮັບມອບໝາຍຢ່າງຄົບຊຸດ, ສົມທົບກັບການສ້າງສຳເລັດພື້ນຖານດ້ານນິຕິກຳ, ຮັບປະກັນການເຂົ້າຮ່ວມຢ່າງຕັ້ງໜ້າຂອງບັນດານັກຊ່ຽວຊານທັງພາຍໃນ ແລະ ຕ່າງປະເທດເພື່ອຮັບປະກັນໃຫ້ແຜນການບັນລຸຜົນສຳເລັດ. ບົນຈິດໃຈນັ້ນ, ທ່ານຮອງນາຍົກລັດຖະມົນຕີ ສະເໜີກະຊວງຕຳຫຼວດສ້າງສຳເລັດແຜນການທີ່ມີຄວາມສາມາດເປັນໄປໄດ້ກ່ຽວກັບສຳເນົາເອກະສານແຫ່ງຊາດ ກ່ຽວກັບພົນລະເມືອງໂດຍໄວ ແລະ ຍືນສະເໜີໃຫ້ລັດຖະບານອະນຸມັດຜ່ານໂດຍໄວ. ພິເສດ, ທ່ານຮອງນາຍົກລັດຖະມົນຕີ ຮຽກຮ້ອງໃຫ້ບັນດາກະຊວງ, ຂະແໜງການ, ທ້ອງຖີ່ນຕ່າງໆຮັບປະກັນການປະຕິບັດຖືກຕາມຄຳຮຽກຮ້ອງ, ຄວາມຄືບໜ້າ, ຄຸນນະພາບບັນດາເນື້ອໃນວຽກງານ, ແກ້ໄຂບັນດາຂໍ້ຕິດຂັດໃນວິວັດການຜັນຂະຫຍາຍໜ້າທີ່ຂອງແຜນຮ່າງ.