ເລີ່ມລົງມືປະຕິບັດໂຄງ ການ “ບຳບັດມົນລະພິດ ສິ່ງແວດລ້ອມ ດີໂອຊິນ” ຢູ່ສະໜາມບິນ ດ່າໜັງ
ບຳບັດທາດພິດ ດີໂອຊີນ ຢູ່ສະໜາມບິນ ດ່າໜັງ
(ພາບ: ອີນເຕີເນັດ)
(vovworld) - ຕອນເຊົ້າວັນທີ 9/8 ຢູ່ນະຄອນ ດ່າໜັງ, ກະຊວງປ້ອງກັນປະເທດຫວຽດນາມ ແລະ ອົງການພັດທະນາສາກົນ ອາເມລິກາ (ຫຼື USAID) ໄດ້ຈັດຕັ້ງພິທີເລີ່ມລົງມືປະຕິບັດໂຄງການບຳບັດມົນລະພິດສິ່ງແວດລ້ອມ ດີໂອຊີນ ຢູ່ ບໍລິເວນສະໜາມບິນ ດ່າໜັງ. “ໂຄງການບຳບັດມົນລະພິດສິ່ງແວດລ້ອມ ດີໂອຊີນ ຢູ່ສະໜາມບິນ ດ່າໜັງ” ໄດ້ຮັບການໜູນຊ່ວຍຈາກລັດຖະບານ ອາເມລິກາ ຈຳນວນເງິນ 41 ລ້ານ USD ແລະ ແຫຼ່ງທຶນສົມທົບຈາກລັດຖະບານຫວຽດນາມ ປະມານ 35 ຕື້ດົ່ງ. ເມື່ອໂຄງການໄດ້ຮັບການປະຕິບັດສຳເລັບ ຈະປະກອບສ່ວນເຮັດໃຫ້ເນື້ອທີ່ດິນ ເກືອບ 30 ha ທີ່ນຳໃຊ້ໃຫ້ແກ່ຈຸດປະສົງເສດຖະກິດ, ການຄ້າມີຄວາມສະອາດ, ຫຼຸດຜ່ອນສະພາບແຜ່ມົນລະພິດອອກສູ່ສິງແວດລ້ອມ ແລະ ແຫຼ່ງນ້ຳ, ປົກປັກຮັກສາສຸຂະພາບໃຫ້ແກ່ປະຊາຊົນ. ກ່າວຄຳເຫັນທີ່ພິທີລົງມືປະຕິບັດໂຄງການ, ທ່ານ ພົນໂທ Nguyen Chi Vinh, ລັດຖະມົນຕີຊ່ວຍວ່າການກະຊວງປ້ອງກັນປະເທດ ເນັ້ນໜັກວ່າ:
“ຜົນງານຂອງໂຄງການໄດ້ນຳມາເຊິ່ງແງ່ຫວັງບຳບັດມົນລະພິດທາດພິດສີສົ້ມ/ ດີໂອຊີນຢູ່ ສະໜາມບິນ ດ່າໜັງ ແລະ ຢູ່ສະຖານທີ່ອື່ນໆຢ່າງເດັດຂາດ. ຂ້າພະເຈົ້າ ຂໍຂອບອົກຂອບໃຈ ແລະ ຫວັງວ່າຈະສືບຕໍ່ໄດ້ຮັບການສະໜັບສະໜູນຈາກປະຊາຄົມໂລກ ແລະ ລັດຖະບານ ອາເມລິກາ ໃນການໜູນຊ່ວຍບຳບັດມົນລະພິດສິ່ງແວດລ້ອມຢູ່ບັນດາຈຸດຮ້ອນ ແລະ ແກ້ໄຂຜົນຮ້າຍພາຍຫຼັງສົງຄາມ.”