ຜູ້ຕາງໜ້າ​ສະຖານທູດ​ຫວຽດນາມ​ປະຈຳ​ເຢຍລະ​ມັນ​ກ່າວ​ຄຳ​ເຫັນ​ທີ່​ພິທີ

(ພາບ: baomoi.com)

 (vovworld)- ດ້ວຍ​ຫົວ​ເລື່ອງ​ວັດທະນະທຳ​ ​ແລະ ​ເຊື່ອ​ມ​ໂຍງ, ວັນ​ທີ 23/2, ​ສະມາຄົມ​ຊາວ​ຫວຽດນາມ ຢູ່​ນະຄອນ Leipzig ຂຶ້ນ​ກັບ​ລັດ Sachsen-ສະຫະພັນເຢຍລະ​ມັນ ​ໄດ້​ຈັດຕັ້ງງານ​ບຸນ​ວັດທະນະທຳ​ບັນດາ​ຊົນ​ເຜົ່າ​ຫວຽ​ດນາມ ຢູ່​ງານ​ຕະຫຼາດ​ທີ່​ນະຄອນ​ດັ່ງ​ກ່າວ. ງານ​ບຸນ​ວັດທະນະທຳ​ຫວຽດນາມ ​ໄດ້​ດຶງ​ດູດ​ແຂກ​ທ່ອງ​ທ່ຽວ​ເຢຍລະ​ມັນ ​ແລະ ສາກົນ​ເຂົ້າຮ່ວມ​ເປັນ​ຈຳນວນ​ຫຼວງ​ຫຼາຍ. ບັນດາ​ລາຍການ​ສະ​ແດງ​ສິລະ​ປະ​​ໂດຍ​ບັນດາ​ສະມາຄົມ​ຊາວ​ຫວຽດນາມ ອາ​ໄສ​ໃນ​ທົ່ວ​ປະ​ເທດ​ເຢຍລະ​ມັນສະ​ແດງ ​ໄດ້​ຮັບ​ການ​ຊົມ​ເຊີຍ​ຈາກ​ຜູ້​ຊົມ, ພິ​ເສດ​ແມ່ນ​ລາຍການ​ສະ​ແດງ​ຕີມວຍ, ພິນ​ສາຍ​ດຽວ ​ແລະ ຟ້ອນ​ພື້ນ​ເມືອງ. ນີ້​ກໍ່​ແມ່ນ​ໂອກາດ​ໂຄສະນາ​ບັນດາ​ຈຸດ​ວັດທະນະທຳ​, ສີສັນ​ວັດທະນະທຳອັນ​ດີງາມຂອງ​ຫວຽດນາມ ກັບ​ເພື່ອນມິດສາ​ກົນ./.