ບັນດາວິລະກຳ, ຜົນງານ ແລະ ການເສຍສະຫຼະຂອງທະຫານອາສາສະໝັກ ແລະ ນັກຊ່ຽວຊານການທະຫານ ຫວຽດນາມ ໄດ້ສ້າງເປັນນ້ຳໃຈຢ່າງເລິກເຊິ່ງ ແລະ ຄວາມເຄົາລົບນັບຖືພິເສດໃນໃຈຂອງປະຊາຊົນລາວບັນດາເຜົ່າ, ຖືກກັບຄຳຍ້ອງຍໍສັນລະເສີນຂອງການນຳພັກ, ລັດ ແລະ ປະຊາຊົນລາວ: “ໃນດິນແດນລາວ, ບໍ່ມີບ່ອນໃດບໍ່ມີຮອຍຕີນຂອງທະຫານອາສາສະໝັກຫວຽດນາມ, ບໍ່ມີໄຊຊະນະໃດບໍ່ມີການເສຍສະຫຼະ, ການປະກອບສ່ວນຂອງທະຫານອາສາສະໝັກ ຫວຽດນາມ”.

ທ່ານພົນເອກ ຟານວັນຢາງ ກຳມະການກົມການເມືອງ, ຮອງເລຂາຄະນະພັກກອງທັບສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ກ່າວຄຳເຫັນທີ່ການພົບປະ (ພາບ: qdnd)

ບໍ່ພຽງແຕ່ເທົ່ານັ້ນ, ໃນສົງຄາມ, ທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ຍັງໄດ້ປະກອບສ່ວນເຂົ້າໃນພາລະກິດແຫ່ງການກໍ່ສ້າງປະເທດລາວ, ກໍ່ສ້າງຫຼາຍພື້ນຖານໂຄງລ່າງສຳຄັນຄື: ໂຮງຮຽນ, ໂຮງໝໍ, ສຸກສາລາ, ລະບົບຊົນລະປະທານ, ຄົມມະນາຄົມ. ເຂົາເຈົ້າທັງແມ່ນນັກຮົບ, ທັງແມ່ນນັກເຕັກນິກ, ທ່ານໝໍ, ຄູສອນ - ເປັນເພື່ອນມິດທີ່ດີ ຍາມໃດກໍ່ຊ່ວຍເຫຼືອປະເທດລາວ ຢ່າງສຸດຈິດສຸດໃຈ. ໄປຄຽງຄູ່ກັນນັ້ນ, ຫວຽດນາມ ຍັງຈັດສົ່ງນັກຊ່ຽວຊານກະສິກຳໄປຍັງລາວ, ໄປຍັງເຂດຊົນນະບົດ, ເຂດຫ່າງໄກສອກຫຼີກຂອງລາວ, ຊ່ວຍເຫຼືອປະຊາຊົນປູກຝັງລ້ຽງສັດ, ຮັບປະກັນຄວາມໝັ້ນຄົງດ້ານສະບຽງອາຫານ ແລະ ສ້າງເງື່ອນໄຂປັບປຸງຊີວິດການເປັນຢູ່.

ມີທ່ານໝໍ, ພະຍາບານຫວຽດນາມ ຫຼາຍຄົນໄດ້ເຮັດວຽກຢ່າງບໍ່ຮູ້ອິດບໍ່ຮູ້ເມື່ອຍ, ນຳຄວາມຮູ້ ແລະ ທັກສະດ້ານເຕັກນິກທີ່ທັນສະໄໝມາຊ່ວຍເຫຼືອປະຊາຊົນລາວ ໃນການປ້ອງກັນ, ຕ້ານພະຍາດ.  ດ້ວຍການຊ່ວຍເຫຼືອຢ່າງຈິງໃຈນັ້ນ, ທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ໄດ້ຮັບນ້ຳໃຈຄວາມຮັກແພງທີ່ຈິງໃຈຈາກປະຊາຊົນລາວ. ທ່ານ ຈັນສະໝອນ ຈັນຍາລາດ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດລາວ ໃຫ້ຮູ້ວ່າ:

ບໍ່ມີກອງທັບຂອງປະເທດໃດ ໄດ້ຮັບຄວາມຮັກແພງເບິ່ງແຍງດູແລຊ່ວຍເຫຼືອຄືທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ. ສຳລັບພັກ, ລັດ, ປະຊາຊົນ, ກອງທັບກຳລັງປະກອບອາວຸດຂອງລາວແລ້ວ, ພວກເຮົາບໍ່ພຽງແຕ່ແມ່ນສະຫາຍຮ່ວມຂຸມຄອງດຽວກັນເທົ່ານັ້ນ ຫາກຍັງແມ່ນອ້າຍນ້ອງໃນຄອບຄົວດຽວກັນ. ພວກເຮົາຊ່ວຍເພື່ອນດ້ວຍຈິດໃຈເພື່ອນມິດມູນເຊື້ອ, ອ້າຍນ້ອງຄີງໆ, ມີຕົ້ນກຳເນີດດຽວກັນ ພາຍໃຕ້ການຊີ້ນຳນຳພາຂອງພັກກອມມູນິດ ອິນໂດຈິນ ມີສັດຕູໂຕດຽວກັນ, ຮ່ວມຂຸມຄອງດຽວກກັນ. ຊ່ວຍເຫຼືອແບບໄຮ້ເຫດຜົນ, ບໍ່ເຫັນແກ່ຕົວ, ໃສແຈ້ງ, ເຄົາລົບນັບຖື, ຮັກແພງເພື່ອນ, ບໍ່ເຫັນແກ່ຕົວນັບແຕ່ໃນແນວຄິດເທົ່ານັ້ນ.

ຫຼາຍປີຜ່ານມາ, ຄຸນງາມຄວາມດີຂອງທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ຢູ່ລາວ ໄດ້ປະກອບສ່ວນປັບປຸງການພົວພັນມິດຕະພາບ, ຄວາມສາມັກຄີແບບພິເສດລະຫວ່າງສອງປະເທດ. ນັ້ນແມ່ນນ້ຳໃຈສັກກະລະບູຊາ, ຄວາມສະໜິດຕິດພັນຜ່ານຜ່າທຸກສິ່ທ້າທາຍ, ພ້ອມກັນກໍ່ສ້າງອະນາຄົດທີ່ສົດໃສ. ການເສຍສະຫຼະ, ການອຸທິດສ່ວນຂອງເຂົາບໍ່ພຽງແຕ່ແມ່ນຄວາມເອກອ້າງທະນົງໃຈຂອງປະຊາຊົນຫວຽດນາມ ເທົ່ານັ້ນຫາກຍັງແມ່ນພະຍານຫຼັກຖານທີ່ມີຊີວິດຊີວາໃຫ້ແກ່ນ້ຳໃຈຖານອ້າຍນ້ອງແບບພິເສດລະຫວ່າງ ຫວຽດນາມ ແລະ ລາວ ອີກດ້ວຍ.