ນັກກິລາແລ່ນແລະລານ ຫງວຽນທິແອັວງ

    ຫງວຽນທິແອັວງ ບ້ານເກີດຢູ່ແຂວງ ບັກຢາງເກີດປີ 1995, ເມື່ອຄາວອາຍຸ 15 ປີ ແອັວງ ໄດ້ຖືກຄັດເລືອກເຂົ້າໂຮງຮຽນພອນສະຫວັນກິລາກາຍຍະກຳແຂວງບັກຢາງ. ພາຍຫຼັງບັນດາຜົນສຳເລັດໃນບັນດາງານແຂ່ງຂັນຂະບວນການ. ແອັວງ ໄດ້ຖືກຄັດເລືອກເຂົ້າທີມແລ່ນແລະລານແຫ່ງຊາດຫວຽດນາມ. ດ້ວຍຮູບຮ່າງນ້ອຍແຕ່ ຫງວຽນທິແອັວງ ມີສຸຂະພາບແຂງແຮງແລະທົນທານ,ນາງເຄີຍແຂ່ງຂັນຢູ່ໃນລະດັບ 1.500 ແມັດ, 5.000 ແມັດ, 3. 000 ແມັດ.ໂດຍຄວາມມານະພະຍາຍາມແລະມານະອົດທົນຂອງແອັວງ ດັ່ງນັ້ນແອັວງ ສາມາດຄວ້າໄດ້ ຫຼຽນຄຳຫຼາຍຫຼຽນທີ່ງານແຂ່ງຂັນຊີງຊະນະເລີດນັກກິລາໜຸ່ມອາຊິຕາເວັນອອກສຽງໃຕ້ປີ 2013 ງານແຂ່ງຂັນຊີງຊະນະເລີດນັກກິລາໜຸ່ມອາຊີ 2014. ວັນທີ 18 ທັນວາປີ 2013 ຢູ່ ມຽນມາ ຫງວຽນທິແອັວງ ໄດ້ສ້າງຂີດໝາຍທີ່ເວທີແຂ່ງຂັນກິລາໃຫຍ່ກວ່າໝູ່ໃນພາກພື້ນອາຊີຕາເວັນອອກສຽງໃຕ້ ດ້ວຍການຄວ້າຫຼຽນເງິນ ໃນລາຍການແລ່ນຂ້າມຮົ້ວ 3.000 ແມັດ. ດ້ວຍຜົນງານເຫຼົ່ານັ້ນກໍ່ຄິດວ່າແອັວງ ມີການເລີ່ມຕົ້ນທີ່ສະດວກ, ເຫດຮ້າຍໄດ້ເກີດຂຶ້ນເມື່ອທ້າຍປີ 2014ຂະນະທີ່ ແອັວງຖືກຕິດພະຍາດອັກເສບໝາກໄຂ່ຫຼັງ ມີຄວາມສ່ຽງຕ້ອງປະລະພາລະກິດກິລາ. ແຕ່ຍ້ອນຄວາມມານະພະຍາຍາມຄວາມມານະອົດທົນໃຫຍ່ຫຼວງແອັວງ ໄດ້ສາມາດຊະນະຕໍ່ໂລກພະຍາດ. ແອັວງ ເວົ້າວ່າ:

       "ສິ່ງທີ່ກີດຂວາງໃຫຍ່ທີ່ສຸດ ທີ່ນ້ອງຕ້ອງໄດ້ຜ່ານຜ່ານັ້ນແມ່ນພະຍາດອັກເສບໝາກໄຂ່ຫຼັງທີ່ນ້ອງໄດ້ຕິດເມື່ອປີ 2014. ເວລານັ້ນນ້ອງຕ້ອງຢຸດການຝຶກແອບແລະຕ້ອງພັກຜ່ອນ.ນັ້ນແມ່ນຊ້ວງເວລາທີ່ນ້ອງຖືກໝົດຫວັງຍ້ອນສຸຂະພາບຂອງນ້ອງອ່ອນແອທີ່ສຸດ. ແຕ່ສຸດທ້າຍດ້ວຍຄວາມຮັກກິລາແລະຄວາມມານະອົດທົນເມົາມົວເດີນຕາມກິລາດັ່ງນັ້ນຜົນສຳເລັດໄດ້ມາຫານ້ອງ”.

       ທີ່ງານແຂ່ງຂັນຊີເກມ 29 ຢູ່ມາເລເຊຍ, ການແຂ່ງຂັນທີ່ລື້ງເຄີຍຂອງແອັວງ ແມ່ນບໍ່ມີໃນລາຍການແຂ່ງຂັນດັ່ງນັ້ນຄະນະຄູຝຶກໄດ້ຈົດທະບຽນໃຫ້ ແອັວງ ແຂ່ງຂັນໃນສອງລາຍການແລ່ນ 1.500 ແມັດແລະ 5.000 ແມັດ. ໝາກຜົນທີ່ເປັນໜ້າປະຫຼາດໃຈຂະນະທີ່ ແອັວງ ສາມາດແຂ່ງຂັນຢ່າງດີເດັ່ນແລະຄວ້າໄດ້ຫຼຽນຄຳໃນສອງລາຍການແຂ່ງຂັນນີ້.ທີ່ງານມະຫາກຳກິລາອາຊີ 2018 ທີ່ຈັດຂຶ້ນຢູ່ ອິນໂດເນເຊຍ, ແອັວງ ສາມາດຄວ້າໄດ້ຫຼຽນທອງໃນລາຍການແລ່ນຂ້າມຮົ້ວ 3.000 ແມັດ. ແອັວງ ເວົ້າຄວາມໃນໃຈສູ່ຟັງວ່າ:
      “ນັບແຕ່ເມື່ອຝຶກແອບຂ້າພະເຈົ້າໄດ້ຊົມຊອບລາຍການແລ່ນຂ້າມຮົ້ວ 3.000 ແມັດ. ຂ້າພະເຈົ້າເຫັນວ່າລາຍກາຍແລ່ນຂ້າມຮົ້ວກໍ່ຕ້ອງເຮັດໃຫ້ເຮົາຕັ້ງໃຈຫຼາຍກວ່າ. ຫາກໄດ້ແຂ່ງຂັນໃນລາຍການນີ້ ຈຶ່ງຈະເຫັນຄວາມດູດດື່ມຂອງມັນ, ແຕ່ກໍ່ມີຄວາມລຳບາກພໍສົມຄວນ ເພາະວ່າຕ້ອງຝຶກແອບໜັກພໍສົມຄວນເພື່ອສາມາດຂ້າມແຕ່ລະຮົ້ວກໍ່ຕ້ອງໃຊ້ກຳລັງແຮງຫຼາຍກວ່າລາຍການແລ່ນທຳມະດາ ຕ້ອງມີຄວາມມານະອົດທົນແລະເຈດຈຳນົງເພື່ອຜ່ານຜ່າ”.

      ໃນ ຊີເກມ 31 ທີ່ຈັດຂຶ້ນຢູ່ ຫວຽດນາມແອັວງ ກໍ່ສາມາດຄວ້າໄດ້ຫຼຽນຄຳ ຂະນະທີ່ໄດ້ເອົາຊະນະໃນລາຍການແລ່ນ 1.500 ແມັດ ແລະ  5.000 ແມັດ ແລະແລ່ນຂ້າມຮົ້ວ 3.000 ແມັດພ້ອມທັງສາມາດທຳລາຍສະຖີຕິຊີເກມໂດຍນາງໄດ້ສ້າງຂຶ້ນເມື່ອປີ 2019  ຢູ່ ຊີເກມ 30 ທີ່ຈັດຂຶ້ນຢູ່ ຟິລິບປິນ. ຫງວຽນທິແອັວງ ໃຫ້ຮູ້ອີກວ່າ:

     “ເມື່ອເຂົ້າຮ່ວມການແຂ່ງຂັນນ້ອງໄດ້ລະດົມໃຈຕົນເອງແລະມີຄວາມຕັດສິນໃຈພະຍາຍາມຈົນສຸດຄວາມສາມາດຂອງຕົນ. ນ້ອງສຸມຈົນໝົດກຳລັງແຮງເພື່ອແລ່ນຮອດເປົ້າແລະສາມາດທຳລາຍສະຖີຕິຊີເກມ. ໃນຊີເກມ 31 ທີ່ຈັດຂຶ້ນຢູ່ ຫວຽດນາມແອັວງ ສາມາດປ້ອງກັນລາງວັນຊະນະເລີດໃນບັນດາລາຍການທີ່ເຮົາໄດ້ເຄີຍເຂົ້າຮ່ວມແຂ່ງຂັນ. ຜ່ານັ້ນໄດ້ເສີມຂະຫຍາຍແລະຍົກສູງຜົນງານຂອງຕົນ”.

      ຢູ່ອາຊີຕາເວັນອອກສຽງໃຕ້ນັກກິລາຫງວຽນທິແອັວງ ເບິ່ງຄືວ່າບໍ່ມີຄູ່ແຂ່ງໃນລາຍກາຍແລ່ນ 1.500 ແມັດ, 5.000 ແມັດແລະແລ່ນຂ້າມຮົ້ວ 3.000 ແມັດ. ແອັວງ ແມ່ນໜຶ່ງໃນບັນດານັກກິລາແລ່ນແລະລານຂອງຫວຽດນາມທີ່ປະສົບຜົນສຳເລັດທີ່ສຸດໃນເວທີແຂ່ງຂັນຊີເກມ. ຫງວຽນທິແອັວງ ສົມກັບເປັນນັກກິລາດີເດັ່ນຂອງປະເພດກິລາແລ່ນແລະລານຫວຽດນາມ.