ພວກເຮົາມີຄວາມພາກພູມໃຈເປັນຢ່າງຍິ່ງທີ່ໄດ້ກັບມາພົບກັບທ່ານຜູ້ຟັງຜູ້ອ່ານຂອງວິທະຍຸກະຈາຍສຽງຫວຽດນາມ ພາກພາສາລາວ. ໃນລາຍການມື້ນີ້, ພວກເຮົາຂໍແນະນຳບາງຄຳເຫັນຂອງທ່ານຜູ້ຟັງຜູ້ອ່ານທີ່ໄດ້ຝາກມາລາຍການຂອງພວກເຮົາໃນອາທິດຜ່ານມາ.
(ພາບປະກອບ:nhipsongso.tuoitre.vn)
ໃນອາທິດຜ່ານມາ, ພວກເຮົາໄດ້ຮັບຈົດໝາຍຫຼາຍສະບັບ ແລະ ໂທລະສັບຫຼາຍຄັ້ງຈາກບັນດາທ່ານຊື່ງໄດ້ອວຍພອນລາຍການໃນໂອກາດວັນສື່ມວນຊົນປະຕິວັດຫວຽດນາມ ຄືວັນທີ 21/6. ເພື່ອນຄຳກິ່ງ, ອຸໄທລັດ ຢູ່ແຂວງບໍ່ແກ້ວ ໄດ້ຝາກບັດອວຍພອນ ແລະ ບັນດາຄຳອວຍພອນໄຊອັນປະເສີດທີ່ສຸດມາຍັງພວກເຮົາໃນໂອກາດນີ້. ໃນຈົດໝາຍຝາກເຖິງລາຍການ, ອ້າຍສັງຄົມໄຊຢູ່ແຂວງສາລະວັນ ໄດ້ຂຽນວ່າ: ໃນໂອກາດ 88 ປີແຫ່ງວັນສື່ມວນຊົນຫວຽດນາມ, ຂ້າພະເຈົ້າຂໍອວຍພອນພວກອ້າຍເອື້ອຍນັກຂ່າວ ນັກບັນນາທິການຂອງວິທະຍຸກະຈາຍສຽງຫວຽດນາມ ພາກພາສາລາວ ຈົ່ງມີສຸຂະພາບແຂງແຮງ, ມີແຕ່ຄວາມສຸກ ແລະ ຄວາມສົມຫວັງຕະຫຼອດປີ ແລະ ຂໍພວຍພອນໃຫ້ລາຍການນັບມື້ນັບປະສົບຜົນສຳເລັດໃນໜ້າທີ່ວຽກງານຂອງຕົນ“
ເພື່ອນຄຳກິ່ງ, ອະໄທລັດ, ສັງຄົມໄຊ ແລະ ທ່ານຜູ້ຟັງຜູ້ອ່ານທີ່ເຄົາລົບ, ຂໍຂອບອົກຂອບໃຈພວກເພື່ອນໄດ້ອວຍພອນພວກເຮົາ ແລະ ຫວັງວ່າ ພວກເພື່ອນຈະສືບຕໍ່ຕິດຕາມລາຍການຂອງພວກເຮົາເປັນປະຈຳ ກໍ່ຄືປະກອບບັນດາຄຳເຫັນປະກອບໃຫ້ລາຍການ.
(ພາບປະກອບ:Internet)
ໃນອາທິດທີ່ຜ່ານມາ, ເພື່ອນຄຳຜຸຍ ຢູ່ແຂວງບໍລິຄຳໄຊ ໄດ້ຝາກຈົດໝາຍມາຍັງລາຍການຊື່ງຢາກຊອກຮູ້ ກ່ຽວກັບສະພາບການສື່ມວນຊົນ ຢູ່ຫວຽດນາມ. ພວກເຮົາຂໍຕອບຄຳຖານຂອງເພື່ອນຄຳຜຸຍຄືດັ່ງນີ້:
ປະຈຸບັນ, ຢູ່ຫວຽດນາມ ມີ 812 ອົງການສື່ມວນຊົນດ້ວຍ 1084 ສື່ສິ່ງພິມ. ໃນນັ້ນໜັງສືພິມມີ 197 ອົງການ (84 ອົງການຂື້ນກັບສູນກາງ ແລະ 113 ອົງການຂຶ້ນກັບທ້ອງຖິ່ນ). ວາລະສານມີ 615 ອົງການ (488 ວາສລະສານຂຶ້ນກັບສູນກາງ ແລະ 127 ວາລະສານຂຶ້ນກັບທ້ອງຖິ່ນ). ຫວຽດນາມ ມີ 67 ສະຖານນີວິທະຍຸ ກະຈາຍສຽງ-ໂທລະພາບ, 62 ອົງການ ສື່ເອເລກໂຕນິກ. ປະຈຸບັນຫວຽດນາມ ມີນັກຂ່າວເກືອບ 17.000 ຄົນພວມເຄື່ອນໄຫວໃນທຸກເຂດພາກຂອງປະເທດຊາດ ແລະ ຢູ່ຕ່າງປະເທດ. ສື່ມວນຊົນປະຕິບັດພາລະ ໜ້າທີ່ທັງແມ່ນອົງການ ກະບອກສຽງຂອງພັກ, ລັດ, ທັງແມ່ນເວທີປາໄສຂອງປະຊາຊົນ, ປະກອບສ່ວນຢ່າງຕັ້ງໜ້າໃນການຮັກສາດ້ານການເມືອງໃຫ້ໝັ້ນຄົງ, ເພີ່ມທະວີການປ້ອງກັນຊາດປ້ອງກັນຄວາມສະຫງົບ, ຊຸກຍູ້ການພັດທະນາເສດຖະກິດສັງຄົມ. ອົງການສື່ມວນຊົນເກືອບທັງໝົດໄດ້ຕິດພັນກັບສະພາບຕົວຈິງຊີວິດສັງຄົມ, ປະຕິບັດຕາມການຊີ້ນຳນຳພາ, ກຳນົດທິດຂອງພັກ, ລັດ, ໃຫ້ຂ່າວຢ່າງໄວວາ, ທັນການ, ຄົບຖ້ວນ, ຮອບດ້ານກ່ຽວກັບທຸກທການຜັນແປ່ໃນຊີວິດການເມືອງ, ເສດຖະກິດສັງຄົມຢູ່ພາຍໃນ ແລະ ຕ່າງປະເທດ, ພິເສດແມ່ນບັນດາເຫດການໃຫ່ຍ, ຕອບສະໜອງສິດໄດ້ຮັບຂໍ້ມູນຂ່າວຂອງປະຊາຊົນເປັນຢ່າງດີ.
ເພື່ອນເພັດສະໝອນ ນັກສຶກສາປີທີ 4 ມະຫາວິທະຍາໄລແຫ່ງຊາດລາວ ໃຫ້ຮູ້ວ່າ: ເພື່ອນມັກລາຍການ “ຊີວິດສັງຄົມຫວຽດນາມ“ ຂອງວິທະຍຸກະຈາຍສຽງຫວຽດນາມ ພາກພາສາລາວທີ່ສຸດ. ເພື່ອນມັກຟັງບັນດາບົດໄດ້ອອກອາກາດໃນໄລຍະຜ່ານມາຄື: “ຄວາມຮັກແພງລະຫວ່າງທະຫານ ແລະ ປະຊາຊົນໃນເຂດຊາຍແດນ”, “ສ້າງຄວາມໄວ້ເນື້ອເຊື່ອໃຈໃຫ້ແກ່ເດັກພິການ”, “ເພື່ອໃຫ້ເດັກມີລະດູພັກແລ້ງທີ່ຟົດຟື້ນ ແລະ ມີປະໂຫຍດ”… ຕາມເພື່ອນແລ້ວ, ບັນດາບົດດັ່ງກ່າວໄດ້ສ້າງຄວາມປະທັບໃຈທີ່ສຸດ, ມັນຊ່ວຍໃຫ້ເພື່ອນເຂົ້າໃຈຕື່ມອີກກ່ຽວກັບຫລາຍດ້ານ, ຫລາຍແງ່ມຸມໃນຊີວິດສັງຄົມຂອງຫວຽດນາມ.
ເພື່ອນເພັດສະໝອນທີ່ຮັກແພງ! ຂໍຂອບໃຈເພື່ອນໄດ້ຮັບຟັງລາຍການຂອງພວກເຮົາເປັນປະຈຳ. ໃນລາຍການ “ຊີວິດສັງຄົມຫວຽດນາມ“ ອອກອາກາດໃນວັນທີ 23/6 ຈະມາເຖິງນີ້, ເຊີນເພື່ອນຮັບຟັງບົດທີ່ມີຫົວຂໍ້ວ່າ: ການປ່ຽນແປງຢູ່ຕາແສງເຕີນເທື້ອງ-ເມືອງຢີລິງ-ແຂວງເລີມດົ່ງ.
ໃນອາທິດ, ພວກເຮົາຍັງໄດ້ຮັບອີແມວຈາກເພື່ອນກວາງຮ່າ ຢູ່ແຂວງທາຍບິງ ແລະ ເພື່ອນຕວນແອງ, ພະນັກງານສະຖາບັນວິທະຍາສາດສັງຄົມຫວຽດນາມ ໂດຍໃຫ້ຮູ້ວ່າ: ພວກເຮົາແມ່ນອະດີດນັກສຶກສາມະຫາວິທະຍາໄລແຫ່ງຊາດລາວ ແລະ ໄດ້ຮັບຟັງລາຍການວິທະຍຸກະຈາຍສຽງຫວຽດນາມ ພາກພາສາລາວ ເປັນປະຈຳ. ພວກເຮົານິຍົມລາຍການເພງທີ່ສຸດ, ໂດຍສະເພາະແມ່ນລາຍການເພງອອກອາກາດໃນໄລຍະມໍ່ໆມານີ້ ແນະນຳບັນດານັກຮ້ອງທີ່ມີຊື່ສຽງຂອງຫວຽດນາມຄື: ຮົ່ງຍູງ, ແທງລາມ, ມີ໋ລິນ… ແລະ ຫວັງວ່າ ໃນລາຍການເພງຕໍ່ໄປຈະໄດ້ຮັບຟັງສຽງຮ້ອງເພງຂອງນັກຮ້ອງມີ໋ເຕີມ, ໂຮ່ງອກຮ່າ… ຊື່ງແມ່ນບັນດານັກຮ້ອງທີ່ພວກເພື່ອນນິຍົມທີ່ສຸດ. ພວກເຮົາຍິນດີຕອບສະໜອງຕາມຄຳຂໍຂອງພວກເພື່ອນ ແລະ ເຊີນພວກເພື່ອນຮັບຟັງລາຍການເພງຂອງພວກເຮົາແຕ່ວັນອັງຄານເຖິງວັນເສົາໃນທຸກໆອາທິດ!
ທ່ານຜູ້ຟັງຜູ້ອ່ານທີ່ເຄົາລົບ! ທີ່ກ່າວມາແມ່ນການຕອບຄຳຖາມຂອງພວກເຮົາ ກ່ຽວກັບບາງບັນຫາທີ່ທ່ານສົນໃຈ. ພວກທ່ານສາມາດອ່ານ/ຟັງຂ່າວ ແລະ ບົດຕ່າງໆທີ່ທ່ານນິຍົມຜ່ານເວັບໄຊຂອງພວກເຮົາ ດ້ວຍລະຫັດ: www.vovworld.vn ຖ້າທ່ານຜູ້ໃດມີຄຳຖາມ ກະລຸນາຝາກມາຍັງລາຍການຂອງພວກເຮົາຕາມທີ່ຢູ່: ວິທະຍຸກະຈາຍສຽງຫວຽດນາມ ພາກພາສາລາວ, ເຮືອນເລກທີ 45 ຖະໜົນບ່າຈຽວຮ່າໂນ້ຍ- ເບີໂທ: 844.04.38256631-, ຫລືສົ່ງຈົດໝາຍທາງອີແມວ:Laovov@yahoo.com. ຂໍຂອບໃຈທີ່ທ່ານໄດ້ຕິດຕາມຮັບຟັງ ແລະ ຊົມລາຍການຂອງພວກເຮົາ!