Vov5.vn- ຊຸມມື້ທ້າຍປີ, ບັນດາຜູ້ເຖົ້າເຮັດວຽກຢູ່ສາລາ ແລະ ຊາວບ້ານຊໍທີ່ເມືອງກ໋ວກອວາຍຮ່າໂນ້ຍ ມີຄວາມປະຫຼາດໃຈຕ້ອນຮັບທ່ານເອກອັກຄະລັດຖະທູດ ຝ້າມແຊງເຈົາ ນຸ່ງຊຸດເສື້ອຍາວຫວຽດນາມມາຢ້ຽມຢາມ.
ໃກ້ຈະຮອດບຸນເຕັດ, ໃຜໆກໍຂ້ອງຄາກັບວຽກງານຫຼາຍຢ່າງ, ແຕ່ທ່ານເອກອັກຄະລັດຖະທູດ ຝ້າມແຊງເຈົາຍັງສະຫງວນເວລາເພື່ອພ້ອມກັບຊາວບ້ານທຳພິທີຖະຫວາຍທູບທຽນບູຊາ ແລະ ພ້ອມກັນປຶກສາວຽກງານກະກຽມຈັດພິທີຕ້ອນຮັບບຸນເຕັດຢູ່ທີ່ນີ້.
ບຸນເຕັດປີນີ້, ທ່ານເອກອັກຄະລັດຖະທູດ ຝ້າມແຊງເຈົາ ເຈາະຈິ້ມກັບກຸ່ມສະມາຊິກສາລາບ້ານຫວຽດກ່ຽວກັບເນືອໃນເຊີດຊູ ແລະ ໂຄສະນາຊຸດເສື້ອຍາວຫວຽດນາມເວົ້າລວມ ແລະ ເສື້ອຍາວຂອງເພດຊາຍເວົ້າສະເພາະ.
ເສື້ອຍາວຂອງເພດຊາຍໄດ້ປະກົດຕົວກ່ອນເສື້ອຍາວຂອງເພດຍິງ ແລະ ເຄີຍເປັນຊຸດອາພອນປະຈຳຊາດຂອງເພດຊາຍຫວຽດຍາມ. ໃນຂະນະທີ່ເສື້ອຍາວຂອງເພດຍິງໄດ້ຮັບການດັດແປງ, ອອກແບບໃໝ່ຢ່າງຕໍ່ເນື່ອງນັ້ນ, ເສື້ອຍາວຂອງເພດຊາຍພັດຖືກຫຼົງລືມ ແລະ ຊ້ຳບໍໜຳຍັງຖືກຖືເປັນເຄື່ອງນຸ່ງສະໄໝສັກດີນາ.
ທ່ານເອກອັກຄະລັດຖະທູດ ຝ້າມແຊງເຈົາ ໄດ້ນຸ່ງຊຸດເສື້ອຍາວຫວຽດນາມມາເປັນເວລາ 10 ກວ່າປີໃນການພົບປະທາງການທູດທີ່ສຳຄັນ.
ທ່ານເອກອັກຄະລັດຖະທູດ ຝ້າມແຊງເຈົາ ໃຫ້ຮູ້ວ່າ “ ຂ້າພະເຈົ້າເຫັນວ່າ ຊຸດເສື້ອຍາວຫວຽດນາມງາມຫຼາຍ. ເມື່ອກ່ອນນີ້ , ບັນດາຜູ້ເຖົ້າຜູ້ແກ່ກໍໄດ້ນຸ່ງງາມຫຼາຍ ແລະ ຂ້າພະເຈົ້າຊົມຊອບຄວາມງາມນີ້ທີ່ສຸດ”
ທ່ານເອກອັກຄະລັດຖະທູດ ຝ້າມແຊງເຈົາ : “ ຈົ່ງພ້ອມກັນເຊີດຊູເສື້ອຍາວເພດຊາຍຫວຽດນາມໃນໂອກາດບຸນເຕັດປີນີ້”
ທ່ານຝ້າມແຊງເຈົາ - ຜູ້ສະໝັກເລືອກຕັ້ງເປັນຜູ້ອຳນວຍການໃຫຍ່ UNESCO ແບ່ງປັນວ່າ : “ ເມື່ອໄປຕ່າງປະເທດ, ພວກເຮົາຕ້ອງຢັ້ງຢືນສີສັນວັດທະນະທຳຫວຽດນາມຢ່າງຈະແຈ້ງກວ່າ. ຍ້ອນເຫດນີ້ເອງ, ຂ້າພະເຈົ້າຈຶ່ງນຸ່ງຊຸດເສື້ອຍາວຫວຽດນາມເພື່ອເຂົ້າຍື່ນສານຕາຕັ້ງຫຼືໃນວັນບຸນໃຫຍ່ຕ່າງໆຫຼືພົບປະກັບປະມຸກລັດຂອງປະເທດຕ່າງໆໃນໂລກ”
ທ່ານເອກອັກຄະລັດຖະທູດ ນຸ່ງຊຸດເສື້ອຍາວຫວຽດນາມ, ມີຜ້າພັນຫົວຕາມປະເພນີ.
“ ຂ້າພະເຈົ້ານຸ່ງຊຸດເສື້ອຍາວຫວຽດນາມເພື່ອໃຫ້ໂລກສັງເກດເຫັນແຈ້ງກວ່າກ່ຽວກັບຊາວຫວຽດນາມພ້ອມແລ້ວເຊື່ອມໂຍງເຂົ້າກັບສາກົນ ”
ທ່ານເອກອັກຄະລັດຖະທູດ ຝ້າມແຊງເຈົາ ອະທິບາຍກ່ຽວກັບການເລືອກເອົາຊຸດອາພອນປະຈຳຊາດ ທີ່ຍັງບໍ່ທັນຮອດຍາມສິ້ນສຸດ ເພາະປະສົບກັບຄງາຫຍຸ້ງຍາກໃນການເລືອກເອົາ ຊຸດເສື້ອຍາວຫວຽດນາມຫຼືຊຸດສາກົນ. ຍັງມີເພດຊາຍຫຼາຍຄົນໜ້າອາຍເມື່ອນຸງຊຸດເສື້ອຍາວ. ຂ້າພະເຈົ້າຖືວ່າ: “ພວກເຮົາຕ້ອງກ້າຫານ, ຕ້ອງມີຊີວິດແບບມີອຸດົມຄະຕິ, ມີການກະທຳອັນແຮງກ້າ, ປະກອບສ່ວນເຂົ້າໃນຄວາມມີຫຼາກຫຼາຍສີສັນທາງດ້ານວັດທະນະທຳຂອງໂລກ”
ທ່ານເອກອັກຄະລັດຖະທູດ ຝ້າມແຊງເຈົາ ສະແດງຄວາມຫວັງວ່າ ໃນອະນາຄົດອັນໃກ້ໆນີ້, ເສື້ອຍາວເພດຊາຍໄດ້ຮັບຄວາມນິຍົມຄືນ ແລະ ກາຍເປັນຊຸດອາພອນປະຈຳຊາດ, ປະກອບສ່ວນສ້າງສີສັນຊາດຫວຽດນາມກັບໂລກພາຍນອກ.
ທ່ານເອກອັກຄະລັດຖະທູດ ຝ້າມແຊງເຈົາ ແບ່ງປັນວ່າ : “ ຂ້າພະເຈົ້ານິຍົມຊົມຊອບຕໍ່ຂໍ້ລິເລີ່ມສ້າງຕັ້ງກຸ່ມສາລາບ້ານຫວຽດ. ຫວຽດນາມມີຫຼາຍໆຄົນສຸດຈິດສຸດໃຈກັບມູນເຊື້ອວັດທະນະທຳແຫ່ງຊາດ ແລະ ພ້ອມແລ້ວເຂົ້າຮ່ວມການຮັກສາ, ເຊີດຊູ ແລະ ໂຄສະນາມໍລະດົກເຫຼົ່ານັ້ນ”
ໃກ້ຈະຮອດບຸນເຕັດ, ໃຜໆກໍຂ້ອງຄາກັບວຽກງານຫຼາຍຢ່າງ, ແຕ່ທ່ານເອກອັກຄະລັດຖະທູດ ຝ້າມແຊງເຈົາຍັງສະຫງວນເວລາລົງໄປບ້ານຊໍເພື່ອພ້ອມກັບຊາວບ້ານທຳພິທີຖະຫວາຍທູບທຽນບູຊາ ແລະ ພ້ອມກັນປຶກສາວຽກງານກະກຽມຈັດພິທີຕ້ອນຮັບບຸນເຕັດຢູ່ທີ່ນີ້.
ອາກາດໜາວເຢັນບວກກັບຝົນຝອຍ, ຍິ່ງເຮັດໃຫ້ທັດສະນີຍະພາບສາລາບ້ານຊໍເພີ່ມຄວາມຈັບອົກຈັບໃຈ.
ທ່ານເອກອັກຄະລັດຖະທູດ ຝ້າມແຊງເຈົາພ້ອມກັບກຸ່ມສະມາຊິກສາລາບ້ານຫວຽດກ້າວເຂົ້າສາລາບ້ານເພື່ອທຳພິທີຖະຫວາຍທູບທຽນບູຊາ.
ບັນດາສະມາຊິກກຸ່ມສາລາບ້ານຫວຽດມີຄວາມເຄົາລົບນັບຖືຕໍ່ການເຂົ້າຮ່ວມຂອງທ່ານເອກອັກຄະລັດຖະທູດ ຝ້າມແຊງເຈົາ, ສະມາຊິກຄົນທີ 7000 ຂອງກຸ່ມ ແລະ ເວົ້າວ່າ : ທ່ານເອກອັກຄະລັດຖະທູດ ຝ້າມແຊງເຈົາ ແມ່ນຜູ້ເບິ່ງສາລາບ້ານຫວຽດນາມ.
ດ້ວຍການນຳໜ້າ ແລະ ຄວາມເມົາມົວ,. ເຊີດຊູຊຸດເສື້ອຍາວຫວຽດ, ຫຼາຍຄົນເອີ້ນທ່ານເອກອັກຄະລັດຖະທູດ ຝ້າມແຊງເຈົາ ວ່າ “ເອກອັກຄະລັດຖະທູດເສື້ອຍາວ ”
ບັນດາສະມາຊິກໃນກຸ່ມສາລາບ້ານຫວຽດ ຕ່າງກໍນຸ່ງຊຸດເສື້ອຍາວຫວຽດນາມທີ່ລຽບງ່າຍຕາມປະເພນີ, ອັນໄດ້ພາໃຫ້ຄົນເຮົາຮູ້ສຶກຄືໄດ້ກັບຄືນສູ່ສະໄໝກ່ອນ