(vovworld) - ໃນຊຸມມື້ນີ້ ທັງໝູ່ບ້ານ ເຍີດເຕີນ ເມືອງ ໄຕໂຮ່ ຮ່າໂນ້ຍ ຄືດັ່ງສວຍງາມກວ່າ ດ້ວຍດອກໄມ້ນາໆຊະນິດພວມເບັ່ງບານສີສັນຫລາກຫລາຍ. ບໍ່ພຽງແຕ່ເປັນບ້ານທີ່ລືຊື່ດ້ວຍດອກຄາຍ ເທົ່ານັ້ນ, ປະຈຸບັນ ໝູ່ບ້ານເຍີດເຕີນ ຍັງແມ່ນເຂດປູກດອກໄມ້ຫລາຍຊະນິດທີ່ສວຍງາມ ເພື່ອສະຫນອງໃຫ້ແກ່ຕະຫລາດ ຮ່າໂນ້ຍ ໃນໂອກາດບຸນປີໃຫມ່ປະຈຳຊາດອີກດ້ວຍ.
ໝູ່ບ້ານດອກໄມ້ ເຍີດເຕີນ
ພາບ:internet
|
ລະດູຫນາວປີນີ້ ອາກາດຫນາວວຽນມາຊັກຊ້າກວ່າຊຸມປີກ່ອນ, ສະນັ້ນ ດອກໄມ້ທຸຸກຊະນິດ ກໍ່ເບັ່ງບານໄວກວ່າ. ໃນຊຸມມື້ນີ້, ຢູ່ສວນດອກໄມ້ຫລາຍແຫ່ງໃນໝູ່ບ້ານ ເຍີດເຕີນ, ດອກໄມ້ຫລາຍຊະນິດໄດ້ເບັ່ງບານອອກ ກາຍເປັນທົ່ງດອກໄມ້ດ້ວຍສີສັນຫຼາຍຫຼາກທີ່ສວຍງາມ. ສຳລັບ ໄວຫນຸ່ມ ຮ່າໂນ້ຍແລ້ວ, ນີ້ແມ່ນໂອກາດເພື່ອໃຫ້ພວກນ້ອງມາຢ້ຽມຢາມ ແລະ ຖ່າຍຮູບຄວາມງາມທີ່ຫາຍາກຢູ່ທີ່ນີ້. ເພື່ອນ ເລຮ່ວຽນ, ນັກສຶກສາມະຫາວິທະຍາໄລທຸລະກິດ ແລະ ເຕັກໂນໂລຊີ ຮ່າໂນ້ຍ ໄດ້ແບ່ງປັນວ່າ:
“ພວກນ້ອງມາແຫ່ງນີ້ ເພື່ອຖ່າຍຮູບດອກຄາຍ. ແລະໃກ້ຈະຮອດບຸນປີໃຫມ່ປະຈຳຊາດແລ້ວ ນ້ອງກໍ່ຢາກໄດ້ຖ່າຍຮູບພ້ອມກັບດອກໄມ້ປະເພນີຂອງຫວຽດນາມ ແລະ ທັດສະນີຍະພາບທີ່ສວຍງາມຢູ່ທີ່ນີ້. ”
ການຮັກສາດອກຄາຍຕໍ່ອາກາດຫນາວ
ພາບ:cpv.org.vn
|
ບາງວິສາຫະກິດດຳເນີນທຸລະກິດ ໄດ້ມາ ໝູ່ບ້ານເຍີດເຕີນ ຖ່າຍຮູບ ເພື່ອຮັກສາເປັນພາບເອກະສານໃຫ້ແກ່ສ່ວນບຸກຄົນ ຫຼື ໂຄສະນາແນະນຳຜະລິດຕະພັນ. ເອື້ອຍ ຫງວຽນຮ່ົງລວານ, ພະນັກງານ ບໍລິສັດ Trung Thanh Foods, ຊຶ່ງແມ່ນວິສາຫະກິດທີ່ເຄ່ື່ອນໄຫວໃນຂົງເຂດປຸງແຕ່ງ ແລະ ດຳເນີນທຸລະກິດເຄື່ອງເທດອາຫານ, ຜະລິດຕະພັນກະເສດ, ໃຫ້ຮູ້ວ່າ:
“ ໃນໂອກາດທ້າຍປີ 2012 ແລະ ຕົ້ນປີ 2013, ບໍລິສັດ ຈູງແທ່ນ ໄດ້ສ້າງພາບສາລະຄະດີ ເພື່ອພິມຈຳຫນ່າຍຫນັງສືພິມໃນໂອກາດບຸນປີໃຫມ່. ພວກຂ້າພະເຈົ້າໄດ້ເລືອກເຟັ້ນສວນດອກໄມ້ ເຍີດເຕີນ, ເພາະວ່າ ໝູ່ບ້ານແຫ່ງນີ້ ຍາມໃດກໍແມ່ນສະຖານທີ່ມີດອກໄມ້ນາໆຊະນີດທີ່ສວຍງາມກວ່າໝູ່ຢູ່ ຮ່າໂນ້ຍ, ເປັນຕົ້ນໃນໂອກາດລະດູບານໃຫມ່ວຽນມາ. ”
ອາຊີບປູກດອກຄາຍ ແມ່ນແຫລ່ງລາຍຮັບຕົ້ນຕໍຂອງ ຊາວບ້ານ ເຍີດເຕີນ, ສາຍເຫດທີ່ເຂົາເຈົ້າເມົາມົວກັບອາຊີບນີ້ ແມ່ນຍ້ອນຢາກບົວລະບັດ, ເບ່ິງແຍງບັນດາຕົ້ນດອກຄາຍໃຫ້ສວຍງາມເພື່ອຮັບໃຊ້ຊາວນະຄອນຫລວງ ຮ່າໂນ້ຍ ຕ້ອນຮັບປີໃຫມ່ປະຈຳຊາດ ດ້ວຍຄວາມເບິກບານມ່ວນຊື່ນ ແລະ ອົບອຸ່ນ. ເຖິງວ່າ ອາກາດບໍ່ເອື້ອອຳນວຍຄວາມສະດວກກໍຕາມ, ແຕ່ປະຊາຊົນໃນໝູ່ບ້ານ ເຍີດເຕີນ ຍາມໃດກໍພະຍາຍາມຈົນສຸດຄວາມສາມາດຂອງຕົນເພື່ອເຮັດໃຫ້ດອກໄມ້ທຸກຊະນິດເບັ່ງບານສວຍງາມທີ່ສຸດ ກົງກັບໂອກາດບຸນປີໃຫມ່ປະຈຳຊາດ.