ເຂດອຸດສາຫະກຳ ດົ່ງວັນ II (ຮ່ານາມ). (ພາບ: TTXVN)

ບໍລິສັດ ແກ້ວປອດໄພ ແລະ ປະຢັດພະລັງງານ ທຽນເຊີນ ຈຳກັດ, ຢູ່ກຸ່ມອຸດສາຫະກຳ, ຫັດຖະກຳຂະໜາດນ້ອຍ ທີເຊີນ, ເມືອງ ກີມບ໋າງ ແຂວງ ຮ່ານາມ  ແມ່ນຫນຶ່ງໃນບັນດາວິສາຫະກິດທີ່ໄດ້ ແລະ ພວມຕັ້ງຫນ້າຜັນຂະຫຍາຍຮູບແບບການຜະລິດສີຂຽວ. ໄລຍະຜ່ານມາ, ຄຽງຂ້າງການສຸມໃສ່ຍູ້ແຮງການຜະລິດ, ຊອກຫາຕະຫລາດຈຳຫນ່າຍໃຫມ່, ທາງບໍລິສັດ ຍາມໃດກໍ່ເອົາໃຈໃສ່ເປົ້າໝາຍຫລຸດຜ່ອນອາຍພິດ, ຫັນປ່ຽນມາຍັງບັນດາມາດຕະການປະຢັດພະລັງງານ, ນຳໃຊ້ວັດຖຸຸດິບທີ່ເປັນມິດກັບສິ່ງແວດລ້ອມ. ທ່ານນາງ ຫງວຽນທິເຫ້ວ, ຜູ້ອຳນວຍການບໍລິສັດ ແກ້ວປອດໄພ ແລະ ປະຢັດພະລັງງານ ທຽນເຊີນ ຈຳກັດ ໃຫ້ຮູ້ວ່າ:

“ນອກຈາກມາດຖານກ່ຽວກັບຄຸນນະພາບ ແລະ ອິດທິພົນຊື່ສຽງ, ພວກຂ້າພະເຈົ້າ ຍັງວາງຄາດໝາຍປົກປັກຮັກສາສິ່ງແວດລ້ອມເປັນແຖວຫນ້າ ຍ້ອນນີ້ແມ່ນທ່າອ່ຽງຈຳເປັນຂອງຕະຫລາດ. ເພື່ອຮັບປະກັນບັນດາບັນຫາກ່ຽວກັບສິ່ງແວດລ້ອມ, ແຫລ່ງວັດຖຸດິບທີ່ເຫລືອຈາກວິວັດການຜະລິດນັ້ນ ພວກຂ້າພະເຈົ້າກໍ່ເກັບມ້ຽນ ແລະ ສົ່່ງໄປບ່ອນສົ້ນເຂົ້າເພື່ອຜະລິດຄືນໃຫມ່. ສຳລັບແຫລ່ງນ້ຳ, ພວກຂ້າພະເຈົ້າໄດ້ສ້າງບັນດາອ່າງເກັບນຳ້, ອ່າງລົງຕະກອນ ເພື່ອນຳໃຊ້ຄືນໃຫມ່ໃນວິວັດການຜະລິດ, ຈາກນັ້ນ ສ້າງຜົນຕາມມາທີ່ດີໃນການຫລຸດຜ່ອນລາຍຈ່າຍໃນການຜະລິດ”.

ໃນຂະນະນັ້ນ ບໍລິສັດ HD Plastic ຈຳກັດ ຊື່ງແມ່ນວິສາຫະກິດເຄີຍຜະລິດບັນດາຜະລິດຕະພັນປະລາສະຕິກ ຮັບໃຊ້ໃຫ້ບັນດາວິສາຫະກິດຜະລິດອຸປະກອນໄຟຟ້າໃຊ້ໃນຄອບຄົວ, ເຄື່ອງໄຟຟ້າສົ່ງອອກ, ຍາມໃດກໍ່ກຳນົດການຜະລິດສີຂຽວແມ່ນມີຄວາມຈຳເປັນທີ່ສຸດ. ສະນັ້ນ ບໍລິສັດມີແຜນນະໂຍບາຍນຳໃຊ້ບັນດາວັດຖຸດິບສົ້ນເຂົ້າທີ່ເປັນມິດກັບສິ່ງແວດລ້ອມ. ນອກນັ້ນ ບໍລິສັດ ກໍ່ນຳໃຊ້ບັນດາມາດຕະການປະຢັດພະລັງງານ. ທ່ານ ເຢືອງວັນຖູຍ, ຮອງຜູ້ອຳນວຍການບໍລິສັດ HD Plastic ໃຫ້ຮູ້ວ່າ:

“ປະຈຸບັນ ທຸກຄົນລ້ວນແຕ່ພວມນຳໃຊ້ພະລັງງານສີຂຽວ, ພະລັງງານສະອາດ. ເພາະສະນັ້ນ ຜະລິດຕະພັນທັງໝົດຂອງບໍລິສັດພວກຂ້າພະເຈົ້າເມື່ອຜະລິດອອກ ລ້ວນແຕ່ຕ້ອງບັນລຸມາດຖານສີຂຽວ, ສະອາດ. ແຫລ່ງວັດຖຸດິບຊື່ງພວກຂ້າພະເຈົ້ານຳເຂົ້າເພື່ອຜະລິດອອກບັນດາຜະລິດຕະພັນທີ່ສົ່ງໄປຂາຍຢູ່ຕະຫລາດ ລ້ວນແຕ່ມີຕົ້ນກຳເນີດຂອງສິນຄ້າ, ມີມາດຖານທີ່ບໍ່ມີທາດຫ້າມຢ່າງຄົບຖ້ວນ”.

ບໍລິສັດ ແກ້ວປອດໄພ ແລະ ປະຢັດພະລັງງານ ທຽນເຊີນ ຈຳກັດ ແມ່ນວິສາຫະກິດ ໄດ້ ແລະ ພວມຕັ້ງຫນ້າຜັນຂະຫຍາຍຮູບແບບການຜະລິດສີຂຽວ. (ພາບ: Thiên Sơn Glass)

ໃນຊຸມປີຜ່ານມາ, ບັນດາວິສາຫະກິດຢູ່ບໍລິເວນແຂວງ ຮ່ານາມ ມີຄວາມເປັນເຈົ້າການໃນການປະຕິບັດບັນດາມາດຕະການຄື: ຫລຸດຜ່ອນການປ່ອຍອາຍພິດ, ຫັນປ່ຽນມາຍັງບັນດາມາດຕະການປະຢັດພະລັງງານ, ນຳໃຊ້ວັດຖຸດິບທີ່ເປັນມິດກັບສິ່ງແວດລ້ອມ ຫລື ເຮັດຮູບແບບເສດຖະກິດໝູນວຽນ. ທ່ານນາງ ເລທິຖູຍຮ່າວ, ຜູ້ອຳນວຍການບໍລິສັດ ນ້ຳນົມ Friesland Campin HD Plastic a ໃຫ້ຮູ້ວ່າ:

“ນອກຈາກການສຸມໃສ່ເຂົ້າໃນການຜະລິດ ແລະ ພັດທະນາການດຳເນີນທຸລະກິດ, ພວກຂ້າພະເຈົ້າສືບຕໍ່ສຸມໃສ່ເຂົ້າໃນໂຄງການພັດທະນາແບບຍືນຍົງ ເພື່ອສາມາດນຳມາເຊິ່່ງບັນດາຜະລິດຕະພັນທີ່ມີຄຸນນະພາບສູງທີ່ສຸດໃຫ້ແກ່ຜູ້ບໍລິໂພກ. ໂຄງການພັດທະນາແບບຍືນຍົງຂອງພວກຂ້າພະເຈົ້າ ສຸມໃສ່ບັນດາຈຸດສຸມ, ລວມມີ: ການນຳໃຊ້ການຫຸ້ມຫໍ່ທີ່ເປັນມິດກັບສິ່ງແວດລ້ອມ, ຫລຸດຜ່ອນຜົນກະທົບຂອງການປ່ຽນແປງຂອງດິນຟ້າອາກາດ, ປະກອບສ່ວນຫນູນຊ່ວຍ, ປັບປຸງຊີວິດການເປັນຢູ່ຂອງບັນດາຄອບຄົວສະມາຊິກ”.

ທ່ານນາງ ເລທິຖູຍຮ່າວ, ຜູ້ອຳນວຍການບໍລິສັດ ນ້ຳນົມ Friesland Campin HD Plastic a . (ພາບ: Truyền hình Hà Nam)

ເພື່ອຊຸກຍູ້ບັນດາວິສາຫະກິດມຸ່ງໄປເຖິງການຜະລິດສີຂຽວ, ຄຽງຂ້າງບັນດາໂຄງການຫນູນຊ່ວຍຂອງສູນກາງ, ໄລຍະຜ່ານມາ, ແຂວງ ຮ່ານາມ ກໍ່ໄດ້ສຸມໃສ່ປະຕິບັດວຽກງານໂຄສະນາເປັນຢ່າງດີ, ຊີ້ນຳບັນດາພະແນກ, ຂະແຫນງການ, ທ້ອງຖິ່ນ ຫນູນຊ່ວຍບັນດາຮາກຖານ, ວິສາຫະກິດຜະລິດດຳເນີນທຸລະກິດທີ່ມີຂອບຂະຫນາດນ້ອຍ ແລະ ກາງ ເພື່ອສ້າງລະບົບການຜະລິດສະອາດຕາມແຕ່ລະຂົງເຂດ. ພ້ອມກັນນັ້ນ ກໍ່ການຖ່າຍທອດ ແລະ ໝູນໃຊ້ບັນດາເຕັກໂນໂລຊີທີ່ກ້າວຫນ້າ, ເຕັກໂນໂລຊີອຸດສາຫະກຳ 4.0 ຮັບໃຊ້ການຜະລິດສະອາດກວ່າໃນອຸດສາຫະກຳ, ສ້າງ, ຍົກລະດັບ ປັບປຸງສຳເລັດບັນດາກົນໄກ, ນະໂຍບາຍການຄຸ້ມຄອງ, ບໍລິຫານ, ແນະນຳການປະຕິບັດແຜນການດຳເນີນງານ. ພິເສດແມ່ນກ່ຽວກັບວຽກງານສິ່ງແວດລ້ອມ, ນີ້ແມ່ນຫນຶ່ງໃນບັນດາປັດໄຈສຳຄັນ ປະກອບສ່ວນຊ່ວຍແຂວງ ຮ່ານາມ ບັນລຸໄດ້ບັນດາ