ສະຫະພາບ ເອິລົບ (ອີຢູ) ໄດ້ເຫັນດີຕໍ່ແຜນການສ້າງຕັ້ງສູນປະສານງານກູ້ໄພກູ້ຊີບທາງທະເລ(MRCC) ຢູ່ນະຄອນ Benghazi ທາງພາກຕາເວັນອອກ ລີບີ ເພື່ອແນໃສ່ເພີ່ມທະວີກຳລັງຄວາມສາມາດກູ້ໄພກູ້ຊີບ ແລະ ຄຸ້ມຄອງການເຄື່ອນໄຫວອົບພະຍົບໃນເສັ້ນທາງຂ້າມທະເລເມດີຕາລາເນ ຊື່ງແມ່ນໜຶ່ງໃນບັນດາເສັ້ນທາງອົບພະຍົມຫຼາຍກ່ວາໝູ່ເຂົ້າ ເອີລົບ.
ວັນທີ 30 ກໍລະກົດ, ທ່ານ Nicola Orlando ເອກອັກຄະລັດຖະທູດ ອີຢູ ປະຈຳ ລີບີ ໃຫ້ຮູ້ວ່າ: ທຸກຝ່າຍໄດ້ສຳເລັດບັນດາລະບຽບການເພື່ອສ້າງຕັ້ງສູນ ດ້ວຍແຫຼ່ງເງິນອຸປະຖຳຈາກ Italy ແລະ Malta. ແຕ່ເຖິງແນວນັ້ນກໍ່ຕາມ, ບັນດາອົງການມະນຸດສະທຳ ໄດ້ຕຳໜິຕິຕຽນແຜນການສ້າງຕັ້ງສູນປະສານງານກູ້ໄພກູ້ຊີບຢູ່ນະຄອນ Benghazi ຍ້ອນຖືວ່າ: ເລື່ອງເພີ່ມທະວີກຳລັງຄວາມສາມາດດ້ານການເດີນທະເລໃຫ້ແກ່ ລີບີ ອາດຈະພາໄປເຖິງເລື່ອງກຳປັ່ນຂົນສົ່ງຊາວອົບພະຍົບຫຼາຍລຳຈະຖືກສົ່ງຄືນ ລີບີ, ບ່ອນທີ່ ສປຊ ແລະ ບັນດາອົງການຈັດຕັ້ງສາກົນໄດ້ຮັບຮູ້ເປັນຫຼາຍເທື່ອວ່າ ສະພາບຊາວອົບພະຍົບ ແລະ ຊາວລົບໄພຖືກກັກຂັງໂດຍບໍ່ມີເຫດຜົນ.
