ຕອນເຊົ້າວັນທີ 11 ສິງຫາ, ຕາມເວລາທ້ອງຖິ່ນ, ໃນຂອບເຂດການຢ້ຽມຢາມທາງລັດຖະກິດຢູ່ ອົດສະຕາລີ, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລິມ ມີການພົບປະເຈລະຈາກັບທ່ານນາຍົກລັດຖະມົນຕີ ອົດສະຕາລີ Australia Anthony Albanese ຢູ່ຫໍສະພາແຫ່ງຊາດ ອົດສະຕາລີ. ທີ່ການເຈລະຈາ, ທ່ານເລຂາທິການໃຫຍ່, ປະທານປະເທດ ໂຕເລິມ ແລະ ທ່ານນາຍົກລັດຖະມົນຕີ ເຫັນດີເປັນເອກະພາບເພີ່ມທະວີການແລກປ່ຽນຄະນະຜູ້ແທນຂັ້ນສູງ ແລະ ທຸກຂັ້ນ, ເຮັດໃຫ້ການພົວພັນດ້ານປ້ອງກັນຊາດ ປ້ອງກັນຄວາມສະຫງົບເລິກເຊິ່ງກວ່າອີກ, ເປີດກວ້າງການຮ່ວມມືໄປສູ່ຂົງເຂດອຸດສາຫະກຳປ້ອງກັນຊາດ, ຄວາມໝັ້ນຄົງທາງດິນເຕີເນັດ, ປ້ອງກັນຕ້ານອາດຊະຍາກຳຂ້າມຊາດ ແລະ ຮັບມືກັບບັນດາສິ່ງທ້າທາຍຕໍ່ຄວາມໝັ້ນຄົງແບບເກົ່າ. ໃນການຮ່ວມມືດ້ານເສດຖະກິດ, ການຄ້າ ແລະ ການລົງທຶນ, ການນຳສອງທ່ານໄດ້ເຫັນດີເປັນເອກະພາບຕໍ່ເລື່ອງເນັ້ນໜັກວ່າຕ້ອງເພີ່ມທະວີການຂຸດຄົ້ນ ລັກສະນະໜູນຊ່ວຍກັນຂອງສອງພື້ນຖານເສດຖະກິດຢ່າງມີປະສິດທິຜົນ, ຍາດແຍ່ງບັນດາສັນຍາການຄ້າເສລີເຊິ່ງສອງປະເທດພ້ອມກັນເຂົ້າຮ່ວມ, ແກ້ໄຂຮົ້ວກີດຂວາງ ແລະ ສ້າງຄວາມສະດວກໃຫ້ແກ່ວິສາຫະກິດ.
ການນຳສອງທ່ານກໍ່ເຫັນດີເປັນເອກະພາບນຳວິທະຍາສາດ ເຕັກໂນໂລຢີ, ນະວັດຕະກຳ ແລະ ການຫັນເປັນດີຈີຕອນກາຍເປັນກຳລັງໜູນໃໝ່ຂອງການພົວພັນສອງປະເທດ, ເປີດກວ້າງການຮ່ວມມືໃນບັນດາຂົງເຂດຍຸດທະສາດຄື: ປັນຍາປະດິດ, ເຄິ່ງຊັກນຳໄຟຟ້າ, ເຕັກໂນໂລຢີ quantum, ເຕັກໂນໂລຢີຊີວະສາດ, ການແພດ, ຄົ້ນຄ້ວາທະເລ, ຂຸດຄົ້ນແຮ່ທາດທີ່ຈຳເປັນ ແລະ hydrogen ສີຂຽວ, ຊຸກຍູ້ບັນດາໂຄງການຄົ້ນຄ້ວາລວມ,. ເຊື່ອມຕໍ່ລະຫວ່າງບັນດາມະຫາວິທະຍາໄລ, ສະຖາບັນຄົ້ນຄ້ວາ ແລະ ວິສາຫະກິດ, ມຸ່ງໄປເຖິງການສ້າງສະຖານທີ່ເຊື່ອມຕໍ່ເຕັກໂນໂລຢີ ຫວຽດນາມ - ອົດສະຕາລີ ແລະ ພັດທະນາແຫຼ່ງຊັບພະຍາກອນມະນຸດທີ່ມີຄຸນນະພາບສູງ
