​ວັນ​ທີ 27 ສິງ​ຫາ, ທຳ​ນຽບຂາວໄດ້ຢັ້ງຢືນວ່າ ອາເມລິກາ ແລະ ອີຣານ ໃນປັດຈຸບັນ ບໍ່ໄດ້ດຳເນີນບັນດາການເຈລະຈາແນໃສ່ຢຸດຕິການ​ປະ​ທະ​ກັນ, ໂດຍບໍ່ສົນໃຈຕໍ່ບັນດາຄວາມພະຍາຍາມເປັນກາງໄກ່​ເກ່ຍໂດຍ​ ກາ​ຕາ ແລະ ປະເທດໃນພາກ​ພື້ນ​ພວມຈຳນວນໜຶ່ງທີ່​ຊຸກ​ຍູ້. ກ່າວຄໍາເຫັນລາຍການຂອງ Fox News, ທ່ານ​ນາງ Karoline Leavitt ໂຄສົກທຳນຽບຂາວ ໃຫ້ຮູ້ວ່າ ໃນປັດຈຸບັນບໍ່ມີການເຈລະຈາໃດໆເກີດຂຶ້ນ ແລະ ສະພາບການນີ້ຈະສືບຕໍ່ຈົນ​ຮອດ​ເວ​ລາ ທ່ານປະທານາທິບໍດີ ອາເມລິກາ Donald Trump ເຫັນວ່າ ອີຣານ ພ້ອມທີ່ຈະກັບຄືນສູ່ໂຕະເຈລະຈາຢ່າງແທ້ຈ​ິງ. ຕາມທ່ານນາງ Karoline Leavitt ແລ້ວ, ຮອດປັດຈຸບັນ ວໍຊິງຕັນ ຍັງບໍ່ທັນເຫັນສິ່ງດັ່ງກ່າວເທື່ອ. ໂຄສົກທຳ​ນຽບຂາວ ກໍໃຫ້ຮູ້ວ່າ ຈຸດປະສົງຫຼັກຂອງ ທ່ານ Donald Trump ຍັງແມ່ນການຮັບປະກັນ ບໍ່ໃຫ້ ອີຣານ ສາມາດກຳ​ມະ​ສິດອາວຸດ ນິວເຄຼຍ.