ຈາກແອັດສະປາຍ, ທ່ານ José Ignacio Cos Lezama ແບ່ງປັນວ່າ: ລາຍການ “ໂອ້ລົມກັບຜູ້ຟັງ” ຍາມໃດກໍ່ແມ່ນຈຸດນັດພົບທີ່ລຶ້ງເຄີຍຂອງຜູ້ຟັງ ແລະ ຜູ້ມັກຮັກລາຍການ. ນີ້ແມ່ນບ່ອນທີ່ພວກຂ້າພະເຈົ້າພ້ອມກັນແບ່ງປັນເລື່ອງລາວໃນຊີວິດ, ບັນດາຄວາມໄຝ່ຝັນ ແລະ ຄວາມຫວັງ ຍາມໃດກໍ່ຍັງຮ່ວມເດີນທາງກັບຊີວິດຂອງແຕ່ລະຄົນ.
ທ່ານ Stefan Druschke ມາຈາກ ເຢຍລະມັນ ໄດ້ຂຽນວ່າ: ຂ້າພະເຈົ້າມັກຟັງວິທະຍຸກະຈາຍສຽງ ຫວຽດນາມ ຜ່ານຄື້ນສັ້ນ. ຜ່ານນັ້ນ, ຂ້າພະເຈົ້າກໍ່ໄດ້ຮູ້ຕື່ມກ່ຽວກັບ ຫວຽດນາມ. ລາຍການມື້ນີ້ກໍ່ດີຫຼາຍ. ຂ້າພະເຈົ້າມັກບົດຂຽນກ່ຽວກັບວັນບຸນ ເຫຼົາເຊີນຈ່າງ. ດີຫຼາຍເມື່ອບັນດາລາຍການພວກເພື່ອນໄດ້ສະໜອງຂໍ້ມູນກ່ຽວກັບປະຫວັດສາດບັນດາເຜົ່າທີ່ແຕກຕ່າງກັນຢູ່ ຫວຽດນາມ.
ທ່ານ Heng Kosal ຢູ່ Kampong Som, ກຳປູເຈຍ ໄດ້ຂຽນວ່າ: ຂ້າພະເຈົ້າບໍ່ເຄີຍໄປ ຫວຽດນາມ, ແຕ່ຂ້າພະເຈົ້າມັກບັນດາບົດຂຽນກ່ຽວກັບ ຮ່າໂນ້ຍ, ນິງບິ່ງ, ດ່ານັ້ງ ຜ່ານເວັບໄຊ ຂອງ VOV. ຂ້າພະເຈົ້າປາດຖະໜາວ່າຈະມີໂອກາດມາທ່ຽວບັນດານະຄອນທີ່ສວຍງາມນີ້.
ເພື່ອນ ດວງໃຈ, ຢູ່ແຂວງ ວຽງຈັນ ໄດ້ສົ່ງອີເມວເຖິງລາຍການໂດຍຢາກຖາມກ່ຽວກັບເຂດປູກຕົ້ນໝາກອາງຸ່ນຢູ່ແຂວງ ນິງທ້ວນ, ເພື່ອນໃຫ້ຮູ້ວ່າ: ຂ້້າພະເຈົ້າ ແລະ ເອື້ອຍ ມັກກິນໝາກອາງຸ່ນຫຼາຍ, ມື້ກ່ອນ, ຊາວຫວຽດ ຄົນໜຶ່ງຢູ່ບ້ານໃກ້ຄຽງໄດ້ມອບໝາກອາງຸ່ນ ແລະ ໝາກກະທັນມາໃຫ້, ຖາມແລ້ວຈຶ່ງຮູ້ວ່າ ໝາກໄມ້ສອງຊະນິດນີ້ປູກຢູ່ ຫວຽດນາມ. ຂ້າພະເຈົ້າຢາກຮູ້ແຈ້ງກ່ຽວກັບເຂດປູກໝາກອາງຸ່ນນີ້ຕື່ມອີກ?
ເພື່ອນ ດວງໃຈ ທີ່ຮັກແພງ, ແຂວງ ແຄ້ງຮ່ວາ - ເຂດດິນແດນແຄມທະເລຂອງພາກກາງຕອນໃຕ້ ຫວຽດນາມ ທີ່ມີແດດ ແລະ ຊາຍຂາວຫຼາຍ, ເປັນທີ່ຮູ້ຈັກກັນດີແມ່ນເຂດປູກຕົ້ນໝາກອາງຸ່ນ. ຕົ້ນອາງຸ່ນໄດ້ກາຍເປັນຕົ້ນປູກຜະລິດເປັນສິນຄ້າ ແລະ ແມ່ນປະເພດໝາກໄມ້ທີ່ມີລົດຫວານແຊບ, ມີກິ່ນຫອມທີ່ດຶງດູດແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດຫຼາຍຄົນ. ປັດຈຸບັນ, ໃນບໍລິເວນແຂວງ ແຄ້ງຮວ່າ ມີເນື້ອທີ່ປູກອາງຸ່ນ 1.300 ເຮັກຕາ, ປະລິມານການຜະລິດ 40.000ໂຕນ/ປີ. ຕາມແຜນການ, ຮອດປີ 2030 ທົ່ວແຂວງຈະມີເນື້ອທີ່ປູກອາງຸ່ນ 2.000 ເຮັກຕາ ດ້ວຍປະລິມານການຜະລິດ 72.000 ໂຕນ/ປີ. ໃນນັ້ນ, ທ້ອງຖິ່ນສະຫງວນ 300 ເຮັກຕາ ດ້ວຍປະລິມານການຜະລິດ 8.000 ໂຕນເພື່ອຮັບໃຊ້ການສົ່ງອອກ. ດັ່ງນັ້ນ, ຜົນສຳເລັດຂອງອາງຸ່ນ ແຄ້ງຮ່ວາ ໃນຊຸມປີຜ່ານມາບໍ່ພຽງແຕ່ຢູ່ລະດັບປັດຈຸບັນເທົ່ານັ້ນ ຫາກຍັງສາມາດບືນຕົວຂຶ້ນສູງກວ່າໃນຫຼາຍປີຈະມາເຖິງ. ສະຕິເຈດຈຳນົງ ແລະ ຄວາມສາມັກຄີຂອງຜູ້ປູກອາງຸ່ນທີ່ໄດ້ດີຢູ່ແລ້ວນັ້ນ, ປັດຈຸບັນຕ້ອງດີກວ່າ. ພິເສດຕ້ອງເພີ່ມການໝູນໃຊ້ວິທະຍາສາດເຕັກໂນໂລຢີເຂົ້າໃນການຜະລິດກະສິກຳ, ຍ້ອນວ່າໃນຕົວຈິງ, ແຄ້ງຮ່ວາ ຍັງມີໜ້າພຽງທີ່ບໍ່ທັນບັນລຸລະດັບສູງໃນຂົງເຂດນີ້.
ໄປຄຽງຄູ່ກັນນັ້ນ, ແຄ້ງຮ່ວາ ກໍ່ສືບຕໍ່ມຸ່ງໄປເຖິງບັນດາຜົນສຳເລັດໃໝ່. ບັນດາວິສາຫະກິດກໍ່ຕັ້ງໜ້າຊອກຫາຕະຫຼາດ, ຕັ້ງໜ້າປະສານສົມທົບກັບພໍ່ແມ່ປະຊາຊົນໃນຂັ້ນຕອນເກັບຮັກສາ, ຈຳໜ່າຍຜະລິດຕະພັນ. ປັດຈຸບັນບັນດາອົງການຄຸ້ມຄອງແຫ່ງລັດ ພວມເພີ່ມທະວີການກຳນົດທິດ, ເຈລະຈາເຊື່ອມຕໍ່ກັບບັນດານັກລົງທຶນພາຍໃນ ແລະ ຕ່າງປະເທດ, ພ້ອມກັນນັ້ນແມ່ນການນຳຖັນແຖວພະນັກງານເຕັກນິກເຂົ້າມາແນະນຳ, ຝືກອົບຮົບຢ່າງລະອຽດໃຫ້ແກ່ພໍ່ແມ່ປະຊາຊົນ. ທຸກວຽກງານດັ່ງກ່າວຈະນຳໝາກອາງຸ່ນ ແຄ້ງຮ່ວາ ໃຫ້ບືນຕົວອອກໄປໄກ.
ທ່ານ ນາງ ຈັນທິດາ ບົວສອນ, ມາຈາກແຂວງ ຄຳມ່ວນ ໄດ້ສົ່ງຈົດໝາຍມາຍັງລາຍການ, ເພື່ອນໃຫ້ຮູ້ວ່າ: ເດືອນພະຈິກປີນີ້ ຂ້າພະເຈົ້າຈະໄປຢາມເພື່ອນຢູ່ແຂວງ ດຽນບຽນ, ຫວຽດນາມ. ຫວັງວ່າ ບັນນາທິການລາຍການຈະແນະນຳກ່ຽວກັບກິດຈະກຳວັນບຸນຈຳນວນໜຶ່ງທີ່ຈະດຳເນີນໃນເດືອນພະຈິກ ຢູ່ບັນດາແຂວງເຂດພູສູງທາງທິດເໜືອ ໃຫ້ຂ້າພະເຈົ້າດ້ວຍ, ເພື່ອຖ້າມີໂອກາດຂ້າພະເຈົ້າຈະເຂົ້າຮ່ວມ.
ເພື່ອນ ຈັນທິດາ ບົວສອນ ທີ່ຮັກແພງ, ເດືອນພະຈິກ ແມ່ນຈຸດເວລາທີ່ດີທີ່ສຸດໃນປີເພື່ອຄົ້ນຫາບັນດາແຂວງເຂດພູສູງທາງທິດເໜືອ ດ້ວຍຈຸດພົ້ນເດັ່ນແມ່ນວັນບຸນດອກບັກວິດ ຢູ່ ຕຽນກວາງ, ພ້ອມກັບບັນດາການເຄື່ອນໄຫວສະແດງວັດທະນະທຳທີ່ພົ້ນເດັ່ນຢູ່ ລາວກາຍ ແລະ ລາຍເຈົາ. ໃນນັ້ນມີບັນດາການເຄື່ອນໄຫວທີ່ພົ້ນເດັ່ນ ລວມມີ:
ວັນບຸນ ດອກບັກວິດ: ຈັດຂຶ້ນໃນເດືອນພະຈິກ, ແມ່ນເຫດການປະຈຳປີໃຫຍ່ທີ່ສຸດ ໂດຍເຊີດຊູຄວາມງາມຂອງດອກໄມ້ທີ່ເປັນເອກະລັກສະເພາະຂອງເຂດພູພຽງຫີນ. ແຂກທ່ອງທ່ຽວອາດສາມາດຮັບຊົມທົ່ງດອກໄມ້ທີ່ມີສີສັນສວຍງາມ ແລະ ລົງຕົວຈິງບັນດາຕະຫຼາດນັດເຂດພູສູງ, ດັງໄຟຕັ້ງຄ້າຍ ພ້ອມກັບບັນດາບົດຟ້ອນທີ່ເປັນມູນເຊື້ອ.
Festival ແມ່ນ້ຳແດງ (ລາວກາຍ): ເຄີຍຈັດຂຶ້ນໃນກາງເດືອນພະຈິກ, ລວມມີບັນດາກິດຈະກຳວາງສະແດງພາບຖ່າຍ “ວັດທະນະທຳແມ່ນ້ຳແດງ - ສີສັນເຕົ້າໂຮມກັນ”, ການວາງສະແດງມໍລະດົກ, ລາຍການສະແດງສິລະປະ ແລະ ສົ່ງເສີມການຄ້າການທ່ອງທ່ຽວ.
ວັນບຸນໂຄສະນາຜະລິດຕະພັນກະເສດ (ລາຍເຈົາ): ຈັດຂຶ້ນໃນກາງເດືອນພະຈິກເພື່ອແນໃສ່ເຊີດຊູ, ແນະນຳບັນດາຜະລິດຕະພັນຂອງພໍ່ແມ່ປະຊາຊົນບັນດາເຜົ່າສ່ວນໜ້ອຍ, ເຊື່ອມຕໍ່ການພົບປະແລກປ່ຽນຄ້າຂາຍ ແລະ ພັດທະນາການທ່ອງທ່ຽວທ້ອງຖິ່ນ.
