ໂຄງການຂັບ ແຈ່ວ ໄດ້ເລີ່ມປະຕິບັດນັບແຕ່ເດືອນ ເມສາ ປີ 2026 ເພື່ອມຸ່ງໄປສູ່ການນຳສິລະປະຂັບ ແຈ່ວ ຍັບເຂົ້າໃກ້ກັບໄວໜຸ່ມ ໂດຍຜ່ານແຟຣດຟອມດີຈີຕອນ ແລະ ບັນດາການເຄື່ອນໄຫວຊອກຮູ້ໂດຍກົງ. ອົງການໄດ້ສຸມໃສ່ບັນດາເນື້ອໃນສັ້ນ, ໃກ້ຊິດສະໜິດສະໜົມຜ່ານສື່ສັງຄົມເຟດບຸກ ແລະ ຕິກຕ໊ອກ. ໜຶ່ງໃນບັນດາການເຄື່ອນໄຫວທີ່ພົ້ນເດັ່ນຂອງໂຄງການແມ່ນລາຍການ “ແຕ່ວ ຮຽນຂັບແຈ່ວ” ເຊິ່ງມີການຮ່ວມເດີນທາງຂອງນັກສິລະປິນດີເດັ່ນ ຫງອກແອັ໊ງ. ນາງ ຫວູຮວ່ຽນຈີ ຫົວໜ້າຄະນະຈັດຕັ້ງໂຄງການ ຂັບແຈ່ວ ໃຫ້ຮູ້ວ່າ:
“ເມື່ອປະຕິບັດໂຄງການ, ພວກຂ້ພະເຈົ້າໄດ້ຮັບການສະໜັບສະໜູນຈາກໂຮງລະຄອນແຈ່ວ ຮ່າໂນ້ຍ. ພ້ອມກັນນັ້ນກຸ່ມພວກຂ້າພະເຈົ້າກໍ່ມີຄວາມເປັນເອກະພາບກັນ ທັງໝົດກໍ່ມີບົດຮຽນປະສົບການໃນການເຄື່ອນໄຫວໂຄສະນາສື່ສານ. ແຕ່ພວກຂ້າພະເຈົ້າກໍ່ຍັງປະສົບກັບຄວາມຫຍຸ້ງຍາກຂະນະທີ່ຕ້ອງປະຕິບັດວຽກງານໃໝ່. ພິເສດໃນວຽກງານໂຄສະນາສື່ສານ ຂະນະທີ່ເອົາລົງທາງສື່ສັງຄົມທີ່ແຕກຕ່າງກັນ”.
ພາຍຫຼັງທີ່ໄດ້ເອົາລົງທາງສື່ສັງຄົມເປັນເວລາສອງເດືອນ, ລາຍການ “ແຕ່ວ ຮຽນຂັບແຈ່ວ” ໄດ້ມີຜູ້ເຂົ້າຊົມນັບແສນ ເທື່ອ. ນາງ ຫວູຮວ່ຽນຈີ ໃຫ້ຮູ້ຕື່ມອີກວ່າ:
“ຄວາມຫວັງຢ່າງຍິ່ງຂອງພວກຂ້າພະເຈົ້າ ແມ່ນບັນດາເພື່ອນໜຸ່ມອາດຈະເຫັນໄດ້ເຖິງຂັບແຈວ ບໍ່ແມ່ນປະເພດສິລະປະທີ່ບໍ່ນິຍົມໃນມວນຊົນ. ພາຍຫຼັງທີ່ໄດ້ຊັ່ງຊາ, ພວກຂ້າພະເຈົ້າໄດ້ຊອກເຫັນທິດກ້າວເດີນໃໝ່ ແທນທີ່ການແບ່ງປັນບົດຮຽນວິຊາສະເພາະນັ້ນ ພວກຂ້າພະເຈົ້າໄດ້ຊອກຫາວິທີເຂົ້າເຖິງໃໝ່”.
ປັດຈຸບັນລາຍການ “ແຕ່ວ ຮຽນຂັບແຈ່ວ” ໄດ້ຈຳໜ່າຍສີ່ພາກດ້ວຍຄຳວິຈານທີ່ຕັ້ງໜ້າ ເຊິ່ງເປັນຫຼັກຖານຢັ້ງຢືນໃຫ້ພະລັງຊີວິດແບບທົນທານຂອງສິລະປະຂັບ ແຈ່ວ ຂະນະທີ່ໄດ້ເຂົ້າເຖິງດ້ວຍແບບວິທີໃໝ່. ຕາມສິລະປິນດີເດັ່ນ ຫງອກແອັ໊ງ, ໂຮງລະຄອນແຈ່ວ ຮ່າໂນ້ຍ ເຊິ່ງແມ່ນຜູ້ຮ່ວມເດີນທາງພ້ອມກັບໂຄງການ, ການປ່ຽນແປງໃໝ່ວິທີເຂົ້າເຖິງ ຈະປະກອບສ່ວນແຜ່ກະຈາຍຄຸນຄ່າຂອງເວທີສິແດງພື້ນເມືອງ ພ້ອມທັງປະຕິບັດເປົ້າໝາຍອະນຸລັກ ແລະ ເສີມຂະຫຍາຍສີສັນວັດທະນະທຳແຫ່ງຊາດ ໃນຊີວິດຍຸກທັນສະໄໝ. ນາງ ຫງອກແອັ໊ງ ໃຫ້ຮູ້ວ່າ:
“ນີ້ແມ່ນໜຶ່ງໃນບັນດາວິທີປະຕິບັດ ນຳສິລະປະຂັບ ແຈ່ວ ຍັບເຂົ້າໃກ້ກັບຜູ້ຊົມ. ກຸ່ມປະຕິບັດໂຄງການໄດ້ນຳໃຊ້ທັກສະ ເຊິ່ງບັນດາເພື່ອນໄດ້ຮຽນກ່ຽວກັບສື່ມວນຊົນ, ໂຄສະນາສື່ສານ ເພື່ອເອົາລົງບັນດາແຟຣດຟອມດີຈີຕອນ ແລະ ບັນດາເພື່ອນກໍ່ໄດ້ປະຕິບັດເປັນຢ່າງດີ ແລະ ບັນລຸປະສິດທິຜົນ”.
ບໍ່ພຽງແຕ່ຢຸດຢູ່ໃນລາຍການສະແດງທາງອອນລາຍເທົ່ານັ້ນ, ໂຄງການຂັບ ແຈ່ວ ຍັງສ້າງໂອກາດ ເພື່ອໃຫ້ມວນຊົນໄດ້ຄົ້ນຫາສິລະປະຂັບ ແຈ່ວ ຜ່ານການເຄື່ອນໄຫວກະທົບຕອບພ້ອມກັບລາຍການສະແດງ. ເພື່ອນ ຫງວຽນສີດວ່ານ ຢູ່ ຮ່າໂນ້ຍ ໃຫ້ຮູ້ວ່າ:
“ຂ້າພະເຈົ້າກໍ່ຍັງຮູ້ຫຼາຍກ່ຽວກັບສິລະປະຂັບ ແຈ່ວ ແລະ ກໍ່ເປັນເທືອ່ທຳອິດໄດ້ຮັບຊົມລາຍການຂັບ ແຈ່ວໂດຍກົງ. ພາຍຫຼັງໄດ້ເຊື່ອມຕົວເຂົ້າກັບບັນຍາກາດຂອງລາຍການສະແດງ, ນ້ອງຮູ້ສຶກໄດ້ເຖິງບັນດາຄຸນຄ່າຂອງລາຍການສິລະປະຂອງຂັບ ແຈ່ວ ແມ່ນມີຄວາມໝາຍທີ່ສຸດ. ນ້ອງເຫັນວ່າ ນີ້ກໍ່ແມ່ນປະເພດສິລະປະທີ່ເປັນໜ້າຈັບໃຈ ເຊິ່ງເຮົາສາມາດໄດ້ຮັບຊົມ ແລະ ຊອກຮູ້ກໍ່ໍ່ຄືຮັກສາຄຸນຄ່າວັດທະນະທຳຂອງຊາດ”.
ຈາກ ກຣິບວີດີໂອສັ້ນທາງແຟຣດຟອມດີຈີຕອນຕະຫຼອດຮອດເວທີສະແດງຕົວຈິງ, ໂຄງການຂັບ ແຈ່ວ ໄດ້ສະແດງໃຫ້ເຫັນຄວາມມານະພະຍາຍາມຂອງໄວໜຸ່ມ ໃນການປ່ຽນແປງໃໝ່ວິທີເຂົ້າເຖິງກັບສິລະປະຂັບ ແຈ່ວ ເພື່ອໃຫ້ປະເພດສິລະປະນີ້ໃກ້ຊິດສະໜິດສະໜົມກັບຊີວິດທັນສະໄໝ.
