(VOVWORLD) - ຖະໜົນ ຫງວຽນວັນບິ່ງ, ຕັ້ງຢູ່ຂ້າງໂບດ ດຶກບ່າ, ຢູ່ໃຈກາງນະຄອນໂຮ່ຈິມິນ ໄດ້ກາຍເປັນຖະໜົນປື້ມ ດ້ວຍການເຄື່ອນໄຫວຫຼາຍຢ່າງເພື່ອເຊີດຊູວັດທະນະທຳການອ່ານ. ໂຮງພິມຈຳໜ່າຍໃນທົ່ວປະເທດເກືອບ 20 ແຫ່ງ ໄດ້ມີຮ້ານວາງສະແດງຢູ່ຖະໜົນສາຍນີ້ຄື: ໂຮງພິມຈຳໜ່າຍສັງລວມນະຄອນໂຮ່ຈິມິນ, ໂຮງພິມຈຳໜ່າຍວັດທະນະທຳ - ສິລະປະ, ໂຮງພິມຈຳໜ່າຍ ກິມດົ່ງ, ໂຮງພິມຈຳໜ່າຍສຶກສາ… ຈຸດພິເສດ, ໃນຖະໜົນສາຍດັ່ງກ່າວໄດ້ມີເຂດດຶ່ມກາເຟ ອ່ານປື້ມ 2 ເຂດ, ເຊິ່ງແມ່ນບ່ອນທີ່ຜູ້ອ່ານສາມາດລະຫຼີ້ນ, ພັກຜ່ອນ, ເຊືຶ່ອມຕົວເຂົ້າກັບບັນດາການເຄື່ອນໄຫວອ່ານປື້ມ, ຢືມປື້ມ, ບັນດາລາຍການແນະນຳປື້ມເຫຼັ້ມໃໝ່, ການພົບປະແລກປ່ຽນບົດປະພັນ, ເພື່ອນຜູ້ອ່ານ, ຄຽງຂ້າງນັ້ນແມ່ນເຂດວາງສະແດງແນະນຳປື້ມ, ໜັງສື່ພິມ, ພາບແຕ້ມ, ວັດຖຸທາງດ້ານວັດທະນະທຳຕາມຫົວຂໍ້ຂອງແຕ່ລະເດືອນ, ເຂດຊື້ຂາຍ, ເຂດແລກປ່ຽນປື້ມເກົ່າ, ບັນດາສຸດສິ່ງພິມທີ່ຫາຍາກ…
Minh Duc