(VOVWORLD) - ស្រុកព្រៃភ្នំ A Luoi ខេត្ត Thua Thien Hue ដែលបានធម្មជាតិអំណោយផលឲ្យមានទេសភាពស្រស់បំព្រងជាច្រើន ដូចជា៖ ព្រៃស្រោង A Roang, ល្បាក់ទឹក A Nôr, ទឹកជ្រោះ A Lin និងទឹកជ្រោះ Pâr Le ជាដើម។ នៅលើទីធ្លាដ៏ធំល្វឹងល្វើយនៃភ្នំ Truong Son នេះ អ្នកនឹងរីករាយបានត្រាំខ្លួនក្នុងទឹកជ្រោះដ៏ត្រជាក់ និងគយគន់ទឹកជ្រោះធ្លាក់បែកពពុះពណ៌សក្បោះ ដែលហូរចុះពីកម្ពស់រាប់រយម៉ែត្រផងដែរ។

(VOVWORLD) - ខេត្ត Lang Son ដែលមានចម្ងាយប្រហែល ១៨០ គីឡូម៉ែត្រពីហាណូយ គឺជាទឹកដីសម្បូរដោយសក្តានុពលទេសចរណ៍នៅភាគឦសាននៃប្រទេស វៀតណាម។ ដោយមានបេតិកភណ្ឌប្រវត្តិសាស្រ្ត រមណីដ្ឋាន វត្តអារ៉ាម និងទីសក្ការៈបូជារាប់មិនអស់ ហេតុដូច្នេះ ពេលមកដល់ខេត្ត Lang Son អ្នកទស្សនានឹងមានជម្រើសជាច្រើនដើម្បីទស្សនានិងស្វែងយល់ផងដែរ។ លក្ខណៈសម្បូរបែបនៃវប្បធម៌របស់ជនជាតិភាគតិចនៅទីនេះ ក៏ជាលក្ខណៈពិសេសមួយដែលទាក់ ទាញភ្ញៀវទេសចរមកទស្សនាខេត្ត Lang Son នៅរដូវទាំង ៤នៃឆ្នាំផងដែរ។

(VOVWORLD) - នៅខេត្ត Kon Tum តំបន់ខ្ពង់រាបភាគកណ្ដាលវៀត ណាម នៅលើខ្សែ ព្រំដែនចំនួន២៩២គីឡូម៉ែត្រជាប់ជាមួយកម្ពុជានិងឡាវនោះ មានទីតាំងដ៏ ពិសេសមួយដែល “សូម្បីតែមាន់រងារនៅប្រទេសទាំងបីសុទ្ធតែលឺបានដែរ”។ នៅទីនេះ កាលពីឆ្នាំ២០០៧ អាស្រ័យដោយមានស្មារតីសហប្រតិបតិ្តការរបស់រដ្ឋា ភិបាលនិងប្រជាជននៃប្រទេសទាំងបី វៀតណាម កម្ពុជានិងឡាវ ក្នុងការ ដោះស្រាយបញ្ហាពាក់ព័ន្ធដល់ព្រំដែន ដែនដីនោះ បង្គោលព្រំដែនត្រីភាគី មួយត្រូវបានកសាងឡើង។ នេះជានិមិត្តរូបនៃជំនឿទុកចិត្ត សាមគ្គីភាពក្នុង ការកសាងខ្សែព្រំដែនប្រកបដោយសន្តិភាពនិងមិត្តភាពរវាងប្រទេសទាំងបី វៀតណាម កម្ពុជា និងឡាវ។

(VOVWORLD) - នាពេលថ្មីៗនេះ ប្រជាជននិងអាជ្ញាធរតំបន់បានរកឃើញវាលបង្គោល ដែលមានអាយុកាលជិត១០០០ឆ្នាំ តាមដងទន្លេ Bach Dang នៅលើវាលស្រែ Cao Quy ឃុំ Lien Khe ស្រុក Thuy Nguyen ទីក្រុង Hai Phong ភាគខាង ជើងវៀតណាម។ មជ្ឈដ្ឋានអ្នកវិទ្យាសាស្ត្របានវាយតម្លៃ ថា ការរកឃើញ វាលបង្គោល Cao Quy ជាព្រឹត្តិការណ៍ដ៏សំខាន់ ដែល បើកចេញទិសដៅ ស្រាវជ្រាវថ្មី ហើយអាចផ្លាស់ប្ដូរការយល់ដឹងអំពីជ័យជំនះប្រវត្តិសាស្ត្រ Bach Dang ឆ្នាំ១២៨៨ផងដែរ។

(VOVWORLD) - Yen Tu (អៀន ទឹ) និង Ngoa Van (ង្វា វ៉ិន) ជារមណីយដ្ឋានចំនួន២ ស្ថិតនៅតំបន់ Dong Trieu (ខេត្ត Quang Ninh) ដែលសុទ្ធតែមានអត្ថន័យ ដ៏ពិសេសក្នុងដំណើរការបួសរៀននិងចូលបរិនិព្វានរបស់ព្រះបាទ Tran Nhan Tong (ត្រឹនញឹនតុង) (ឆ្នាំ១២៥៨-ឆ្នាំ១៣០៨) ជាព្រះមហា ក្សត្រ ដែលបានលះបង់ចោលរាជបល្ត័ង្គដើម្បីពូនជ្រុំឲ្យព្រលឹង វប្បធម៌របស់ប្រជាជាតិវៀតណាម។ ប្រសិនបើ Yen Tu ជាកន្លែងបួសរៀនរបស់ព្រះបាទ ទ្រង់នោះ គឺ Ngoa Van ជាកន្លែងចូលបរិនិព្វានរបស់ព្រះបាទដែលបាន បង្កើតឡើងនិកាយសមាធិ Truc Lam Yen Tu (ទ្រូក ឡឹម អៀន ទឺ) ដែល ជាមោទនភាពរបស់ពុទ្ធសាសនាវៀតណាម។

(VOVWORLD) - ស្ថិតនៅលើឆ្នេរនៃឈូងសមុទ្រ Ha Long ដែលត្រូវបានអង្គការ UNESCO ទទួលស្គាល់ជាបេតិកភ័ណ្ឌធម្មជាតិពិភពលោក២លើក Ha Long ជាទីក្រុងទេសចរណ៍ដ៏ល្បីល្បាញនៅភាគខាងជើងប្រទេសវៀត ណាម ដោយមានទេសភាពធម្មជាតិស្រស់ត្រកាលនិងហេដ្ឋារចនាសម្ព័ន្ធទំនើបៗ។ ដោយសេដ្ឋកិច្ចសង្គមកាន់តែរីកចម្រើនពីមួយថ្ងៃទៅមួយថ្ងៃ ទីក្រុង Ha Long បាននិងកំពុងតែរក្សាយ៉ាងរឹងមាំនូវតួនាទីជាកម្លាំងចលករអភិវឌ្ឍ នៃខេត្ត Quang Ninh ព្រមទាំងរួមចំណែកនាំរូបភាព វៀតណាមខិតមកជិត មិត្តភក្តិអន្តរជាតិផងដែរ។

(VOVWORLD) - ខេត្ត Ninh Binh ជាតំបន់ដីដ៏ពិសិដ្ឋមួយ ដែលមានកេរ្តិ៍ដំណែលប្រវត្តិ សាស្ត្រនិងរមណីយដ្ឋានល្បីល្បាញជាច្រើនសន្ធឹកសន្ធាប់។ ទីនេះក៏ជាតំបន់ដែលត្រូវបាន ជ្រើសរើសដើម្បីទទួលរៀបចំឆ្នាំទេសចរណ៍ជាតិ ២០២០ដោយប្រធានបទ “Hoa Lu - អតីតរាជធានីរាប់ពាន់ឆ្នាំ” ផងដែរ។

(VOVWORLD) - ទួលដុងដាជាកេរ្តិ៍ដំណែលប្រវត្តិសាស្ត្រដែលផ្សាភ្ជាប់នឹងជ័យជំនះ ង៊ុកហូយ-ដុងដា (Ngoc Hoi – Dong Da) របស់ព្រះមហាក្សត្រ ក្វាងឈុង (Quang Trung) - ងៀនហ្វេ (Nguyen Hue) រួមជាមួយកងទ័ព តីស៊ឺន (Tay Son) បាន វាយបរាជ័ងខ្មាំងសត្រូវឈ្លានពាន ឈីង (Qing) នានិទាឃរដូវឆ្នាំ១៧៨៩។ នា ថ្ងៃទី២៤ធ្នូឆ្នាំ២០១៨ នាយករដ្ឋមន្រ្តីរដ្ឋាភិបាលវៀតណាមបានចេញសេចក្ដី សម្រេចចិត្តទទួលស្គាល់កេរ្តិ៍ដំណែលប្រវត្តិសាស្ត្រទួលដុងដាជាកេរ្តិ៍ដំណែលជាតិពិសេស។

(VOVWORLD) - តំបន់កេរ្តិ៍ដំណែលអតីតរាជធានី Hue ដែលជាបេតិកភ័ណ្ឌវប្បធម៌ ពិភពលោកនៅទីក្រុង Hue ខេត្ត Thua Thien Hue រហូតដល់សព្វថ្ងៃនេះនៅ តែបានធ្វើការអភិរក្សជាមួយនឹងសំណង់ជាច្រើនប្រកបដោយតម្លៃដ៏វិសេសវិសាល។ រាល់សំណង់ដ៏សម្បូរបែបនៅក្នុងតំបន់កេរ្តិ៍ដំណែលនេះពោរពេញទៅ ដោយអត្តសញ្ញាណប្រពៃណីជាតិផង មានតម្លៃពិសេសខាងប្រវត្តិសាស្ត្រ វប្បធម៌និងសិល្បៈទៀតផង។

(VOVWORLD) - Krong Ana ជាស្រុកដែលមានទេសភាពធម្មជាតិដ៏ស្រស់ត្រកាលបំផុតនៃ ខេត្ត Dak Lak ដោយមានផលិតផលដ៏សម្បូរបែប វាលស្រែខៀវស្រងាត់ ល្បាក់ ទឹកធំៗនិងព្រៃព្រេងធំល្វឹងល្វើយ។ តំបន់នេះជាប់នឹងស្រុក Krong No នៃខេត្ត Dak Nong ដែលជាកន្លែងមានភ្នំភ្លើង Chu Bluk ដែលកំពុងត្រូវបានកសាងក្លាយ ទៅជាឧទ្យានភូគម្ភសាស្ត្រ។ រាល់លក្ខណៈធម្មជាតិដ៏អំណោយផលនេះ គឺជាបុព្វ បទដើម្បីអោយ Krong Ana ក្លាយទៅជាគោលដៅទេសចរណ៍គួរអោយទាក់ទាញ ចំពោះភ្ញៀវទាំងជាតិនិងអន្តរជាតិ។