(VOVWORLD) - ថ្ងៃទី ១១ ខែកញ្ញាឆ្នាំ ២០២១ ជាថ្ងៃគូសគម្រប់ ២០ ឆ្នាំ ចាប់តាំងពីការវាយប្រហារភេរវកម្មគួរឱ្យរន្ធត់នៅចំកណ្តាលសហរដ្ឋអាមេរិក។ អស់ រយៈពេល ២០ ឆ្នាំបានកន្លងផុតទៅ ប៉ុន្តែការឈឺចាប់បណ្តាលពីការបាត់បង់ដោយសារការវាយប្រហារភេរវកម្មថ្ងៃទី ១១ ខែកញ្ញាឆ្នាំ ២០០១ នៅតែដិតជាប់ក្នុងអារម្មណ៍របស់ប្រជាជនអាមេរិកនិងសហគមន៍ពិភពលោក ដោយរំលឹកមនុស្សជាតិគ្រប់រូបអំពីមេរៀនដែលមិនត្រូវបំភ្លេចបានឡើយ។

(VOVWORLD) - ចាប់តាំងពីជំងឺរាតត្បាតកូវីដ ១៩ បានផ្ទុះឡើង ហើយគំរាមកំហែងយ៉ាងធ្ងន់ធ្ងរដល់អាយុជីវិតមនុស្សនិងការអភិវឌ្ឍសេដ្ឋកិច្ច-សង្គមរបស់ប្រទេសជាតិ បក្ស រដ្ឋនិងរដ្ឋាភិ បាលវៀតណាមបានអនុវត្តគោលនយោបាយនិងដំណោះស្រាយសមស្របជាច្រើន ដើម្បីអភិវឌ្ឍន៍សេដ្ឋកិច្ចផងនិងការបង្ការប្រយុទ្ធប្រឆាំងជំងឺរាតត្បាតប្រកបដោយប្រសិទ្ធភាពផង ដោយធ្វើយ៉ាងម៉េចដើម្បី “គ្មាននរណាម្នាក់ត្រូវបានបំភ្លេចចោល” នៅក្នុងគ្រារាតត្បាតនេះទាល់តែសោះ។ ក្នុងរលកឆ្លងរាលដាលជំងឺលើកទី ៤ នេះ បាវចនា“គ្មាននរណាម្នាក់ត្រូវបានបំភ្លេចចោល” នៅតែបន្តបានអនុវត្តដើម្បីធានាសិទ្ធិរស់រានមានជីវិតនិងការអភិវឌ្ឍរបស់ប្រជាពលរដ្ឋម្នាក់ៗ និងសហគមន៍សង្គមទាំងមូល។

(VOVWORLD) - ក្នុងរយៈពេលប៉ុន្មានថ្ងៃថ្មីៗនេះ ការវិវឌ្ឍន៍នានានៅឆាកនយោបាយជប៉ុន ក្រោយពីការប្រកាសលាលែងពីតំណែងរបស់នាយករដ្ឋមន្រ្តី លោក Yoshihide Suga បានទាក់ទាញចំណាប់អារម្មណ៍យ៉ាងខ្លាំងក្លាពី សាធារណៈមតិក្នុងតំបន់និងអន្តរជាតិ។ ក្នុងនោះ បញ្ហាដែលថា តើអ្នកណានឹងមកជំនួសលោក Suga ហើយថ្នាក់ដឹកនាំថ្មីនឹងប្រឈមមុខនឹងការលំបាកនា ពេលបច្ចុប្បន្នដូចម្ដេច គឺត្រូវបានគេចាប់អារម្មណ៍យ៉ាងពិសេសផងដែរ។

(VOVWORLD) - គណៈកម្មការកិច្ចការបរទេស (VOV៥) វិទ្យុសម្លេង វៀតណាម ដោយមានកម្មវិធីផ្សាយសម្លេងជាភាសាបរទេស ត្រូវបានចាក់ផ្សាយលើកដំបូងនៅថ្ងៃទី៧ ខែកញ្ញា ឆ្នាំ១៩៤៥ គម្រប់ ៧៦ ឆ្នាំមុននេះ។ ចាប់តាំងពីពេលនោះមក បណ្ដាអ្នកសារព័ត៌មាន អ្នកនិពន្ធ VOV៥ ពីជំនាន់មួយទៅជំនាន់មួយ បានខិតខំប្រឹប្រែង សិក្សារៀនសូត្រ ច្នៃប្រឌិតដោយឥតឈប់ឈរ ដើម្បីអភិវឌ្ឍន៍ VOV៥ ឲ្យសក្តិសមជាទីភ្នាក់ងារសារព័ត៌មានកិច្ចការបរទេសជួរមុខរបស់បក្ស រដ្ឋាភិបាល ព្រមទាំងជាស្ពានតភ្ជាប់វៀតណាមជាមួយមិត្តភក្តិអន្តរជាតិផងដែរ។

(VOVWORLD) - ប្រធានរដ្ឋសភាវៀតណាមលោក Vuong Dinh Hue កំពុងធ្វើដំណើរទៅចូលរួមកិច្ចប្រជុំប្រធានរដ្ឋសភាពិភពលោកលើក ទី៥ (WCSP5) នៅសាធារណៈរដ្ឋ អូទ្រីស ក្នុងរយៈពេល៣ថ្ងៃចាប់ពីថ្ងៃទី៣ដល់ ទី៦ ខែកញ្ញា។ បន្ទាប់មក លោកប្រធានរដ្ឋសភា Vuong Dinh Hue នឹងអញ្ជើញទៅបំពេញទស្សនកិច្ចការងារនៅសភាអឺរ៉ុប (EP) ចក្រភព បែលហ្ស៊ិក និងទៅបំពេញទស្សនកិច្ចជាផ្លូវការនៅសាធារណៈរដ្ឋហ្វាំងឡង់ចាប់ពីថ្ងៃទី៧ដល់ទី១១ ខែកញ្ញា។ នេះជាដំណើរទស្សនកិច្ចការងារដែលមានអត្ថន័យនយោបាយដ៏សំខាន់ សំដៅបង្ហាញសារ រូបភាពអំពីប្រទេស វៀតណាម ដោយមានការទទួលខុសត្រូវ ម្ចាស់ការ និងសកម្មក្នុងកិច្ចសហប្រតិបត្តិការពហុភាគី ដោយមានគោលនយោបាយកិច្ចការបរទេសបើក ចំហ មានបំណងប្រាថ្នាអភិវឌ្ឍ ខិតខំប្រឹងប្រែងឈានឡើងក្នុងបរិបទនៃជម្ងឺកូវីដ ១៩។

(VOVWORLD) - លោកប្រធានហូជីមិញ វីរបុរសរំដោះជាតិ ជនល្បីល្បាញខាងវប្បធម៌ពិភពលោក ហើយជាឥស្សរជនប្រវត្តិសាស្ត្រ ដែលត្រូវបានគេស្គាល់ដល់នៅលើទ្វីបទាំង ៥ មិនត្រឹមតែដោយសារមានទេពកោសល្យដ៏ឆ្នើម ប៉ុណ្ណោះទេ ថែមទាំងដោយសារមានចរិយាសម្បត្តិសីលធម៌បរិសុទ្ធ និងរាល់គុណតម្លៃដ៏ល្អប្រសើរនៃវប្បធម៌ប្រជាជាតិវៀតណាមទៀតផង។ អស់រយៈពេល ៥២ ឆ្នាំ កន្លងទៅ ចាប់តាំងពីពេលលោកបានលាចាកលោកទៅ (២ កញ្ញាឆ្នាំ ១៩៦៩ - ២ កញ្ញាឆ្នាំ ២០២១) ប្រជាជនវៀតណាម និងមិត្តភក្តិអន្តរជាតិនៅតែរំលឹកដល់លោកដោយការគោរពដ៏ឧត្តងឧត្តម។

(VOVWORLD) - កាលពី ៧៦ ឆ្នាំមុន នាថ្ងៃទី ២ ខែកញ្ញាឆ្នាំ ១៩៤៥ នៅទីលាន Ba Dinh លោកប្រធានហូជីមិញបានអានសេចក្តីប្រកាសឯករាជ្យ ចាប់បដិសន្ធិវៀតណាមសាធារណរដ្ឋប្រជាធិបតេយ្យ ដែលបច្ចុប្បន្នជាសាធារណរដ្ឋសង្គមនិយមវៀតណាម។ ទន្ទឹមនឹងអត្ថន័យពិសេសនៃការប្រកាសដល់ពិភពលោកអំពីការចាប់បដិសន្ធិរដ្ឋវៀត ណាមឯករាជ្យនិងសេរីភាពនោះ សេចក្តីប្រកាសឯករាជ្យក៏មានគុណតម្លៃជាប្រវត្តិសាស្ត្រនិងជាក់ស្តែងដ៏ធំធេង ដែលបង្ហាញពីប្រាជ្ញានិងចក្ខុវិស័យដ៏ឈ្លាសវៃរបស់លោកប្រធានហូជីមិញ។

(VOVWORLD) - ការប្រយុទ្ធប្រឆាំងនឹងជំងឺរាតត្បាតកូវីដ -១៩ នៅ វៀតណាមកំពុងឈានចូលដំណាក់កាលដ៏លំបាកនិងឧបសគ្គជាច្រើន។ អាជ្ញាធរគ្រប់ជាន់ថ្នាក់ កងកម្លាំងដែលចូលរួមដោយផ្ទាល់ក្នុងការបង្ការនិងប្រយុទ្ធប្រឆាំងជំងឺរាតត្បាត ហើយប្រជាជនគ្រប់ស្រទាប់វណ្ណៈក៏ខិតខំប្រឹងប្រែងទាំងយប់ទាំងថ្ងៃ ដើម្បីគ្រប់គ្រងការរីករាលដាលនៃជំងឺនេះ។ នៅពេលដែល “ការប្រយុទ្ធ” នេះ ត្រូវការការខិតខំប្រឹងប្រែង ការរួមកម្លាំងកាយចិត្តយ៉ាងច្រើនក៏មានអង្គការនិងបុគ្គលដែលតែងតែព្យាយាមប្រើពាក្យសម្តីមូលបង្កាច់ បំប្លែងការពិត ដើម្បីបំផ្លិចបំផ្លាញរាល់សមិទ្ធផលរបស់បក្ស រដ្ឋនិងប្រជាជនក្នុងការបង្ការនិងទប់ស្កាត់ការរីករាលដាលនៃជំងឺដ៏កាចសាហាវនេះ។

(VOVWORLD) - នៅថ្ងៃទី៣០ ខែសីហា ទាហានអាមេរិកចុងក្រោយបំផុតបានចាកចេញពីអាហ្គានីស្ថានពីព្រលានយន្តហោះអន្តរជាតិ Hamid Karzai នៅរដ្ឋធានីកាប៊ូល បញ្ចប់ជាផ្លូវការយុទ្ធនាការជម្លៀសមនុស្សនិងដកកងកម្លាំងប្រយុទ្ធអាមេរិកទាំងស្រុងចាកចេញពីអាហ្គានីស្ថានតាមការសន្យា។

(VOVWORLD) - នាថ្ងៃទី២៩ ខែសីហា នាយករដ្ឋមន្រ្តីវៀតណាមលោក Pham Minh Chinh ប្រធានគណៈកម្មការជាតិទទួលបន្ទុកការបង្ការ ប្រយុទ្ធប្រឆាំងជម្ងឺកូវីដ ១៩ បានអញ្ជើញដឹកនាំកិច្ចប្រជុំតាមប្រព័ន្ធវីដេអូ ជាមួយខេត្ត ក្រុងក្រោមឱវាទមជ្ឈឹមចំនួន ២០ ខ័ណ្ឌ ស្រុក ទីរួមខេត្តចំនួន ២០៩ និងឃុំ សង្កាត់ ទីរួមស្រុកចំនួន១០៦០ អំពីការងារបង្ការប្រឆាំងជម្ងឺរាតត្បាត។ នេះជាកិច្ចប្រជុំតាមអនឡាញដោយមានការចូលរួមរបស់ថ្នាក់ដឹកនាំមូលដ្ឋាន យ៉ាងច្រើនបំផុត ជាមួយគណៈកម្មការជាតិទទួលបន្ទុកការបង្ការ ប្រយុទ្ធប្រឆាំងជម្ងឺកូវីដ ១៩ បន្ទាប់ពីគណៈកម្មការត្រូវបានសុក្រិត។ កិច្ចប្រជុំបានបង្ហាញឲ្យឃើញការស្រុះចិត្តគំនិត ការប្ដេជ្ញាសម្រេចឲ្យបានគោលដៅគ្រប់គ្រងជម្ងឺរាតត្បាតយ៉ាងឆាប់រហ័សរបស់វៀត ណាម។