(VOVWORLD) - ជនជាតិចាមជាជនជាតិមួយក្នុងចំណោមជនជាតិទាំង៥៤នៅប្រទេសវៀតណាម។ ជនជាតិចាមរស់នៅភាគច្រើននៅក្នុងខេត្តប៉ែកខាងត្បូងភូមិភាគកណ្តាល និងភូមិភាគខាងត្បូង រួមទាំងខេត្ត Ninh Thuan (បច្ចុប្បន្នត្រូវបានរួមបញ្ចូលទៅក្នុងខេត្ត Khanh Hoa)។ ជនជាតិចាមមានប្រពៃណីវប្បធម៌ដ៏វិសេសវិសាល តាំងពីយូរលង់មកហើយ ដែលបង្ហាញក្នុងសិល្បៈ ច្រៀង រាំ តន្ត្រី អក្សរសាស្ត្រ ពិធីបុណ្យ សិល្បៈស្ថាបត្យកម្ម។ល។

(VOVWORLD) - ការច្រៀងចម្រៀង Xam ដែលជាទម្រង់សិល្បៈប្រជាប្រិយដ៏វិសេសវិសាល ដែលពេញនិយមនៅតំបន់ដីសណ្តភាគខាងជើង រួមទាំងទីក្រុងហាណូយ ជារឿយៗត្រូវបានសម្តែងនៅទីសាធារណៈ។ ថ្មីៗនេះ ការច្រៀង Xam ត្រូវបានសម្ដែងលើឆាកថ្មីថ្មោងមួយនោះគឺឡានក្រុងពីរជាន់។

(VOVWORLD) - ដោយមានបំណងចង់រួមចំណែកថែរក្សា ផ្សព្វផ្សាយ និងលើកតម្កើងតម្លៃវប្បធម៌ប្រពៃណីរបស់ប្រជាជាតិ ព្រមទាំងបង្កើតទីធ្លាលេងដើម្បីជួបប្រាស្រ័យ និងសិក្សាគ្នាទៅវិញទៅមករវាងនិស្សិត សាកលវិទ្យាល័យ Can Tho ខាងត្បូង ទើបតែបានរៀបចំកម្មវិធី “សូរសំឡេងនៃតំបន់បេតិកភ័ណ្ឌ”។ កម្មវិធីនេះបានរួមបញ្ចូលការសម្តែងសិល្បៈ ជាមួយនឹងការសម្ដែងល្ខោន បង្កើតឡើងវិញនូវបេតិកភ័ណ្ឌវប្បធម៌អរូបីជាតិ និងអន្តរជាតិនៃភូមិភាគទាំងបី ខាងជើង-កណ្តាល-ខាងត្បូង។

(VOVWORLD) - ការច្រៀង Then (ថែន) គឺជាទម្រង់សំដែងប្រជាប្រិយដ៏វិសេសវិសាលរបស់ជនជាតិ Tay និង Nung នៅខេត្តភាគឦសានមួយចំនួនដូចជា Lang Son, Cao Bang... ជនជាតិ Tay នៅឃុំ Khanh Xuan ស្រុក Loc Binh ខេត្ត Lang Son កំពុងខិតខំប្រឹងប្រែងស្តារ អភិរក្ស និងពង្រីកតម្លៃនៃការច្រៀង then តាមរយៈសកម្មភាពជាច្រើន។

(VOVWORLD) - សំឡេង Don ca tai tu (ឌឺនកាតៃតឺ) លាន់លឺបន្ទរ តាមដងទន្លេ Vam Co មិនត្រឹមតែជាដួងព្រលឹងនៃតំបន់ស្រុកស្រែ Long An ប៉ុណ្ណោះទេ ថែមទាំងជា«កូនសោមាស» ដើម្បីបើកផ្លូវសម្រាប់ការអភិវឌ្ឍទេសចរណ៍នៅមូលដ្ឋានទៀតផង។ ដោយការរួមផ្សំសិល្បៈប្រពៃណីជាមួយនឹងខ្សែផ្លូវទឹក ខេត្ត Long An បានបង្កើត "ផលិតផលទេសចរណ៍ថ្មី" ក្នុងបំណងនាំភ្ញៀវទេសចរឱ្យខិតទៅជិតបទពិសោធន៍វប្បធម៌នៃតំបន់ដីសណ្តទន្លេខាងលិច។

(VOVWORLD) - ចាប់តាំងពីថ្ងៃបង្រួបបង្រួមប្រទេសជាតិ (ថ្ងៃទី ៣០ ខែមេសា ឆ្នាំ ១៩៧៥) រហូតមកដល់បច្ចុប្បន្ន ការអភិវឌ្ឍនៃសិល្បៈល្ខោនរដ្ឋធានីហាណូយ ជានិច្ចកាលអមដំណើរប្រវត្តិសាស្ត្ររបស់ប្រទេសជាតិ។ ឆ្លងកាត់រយៈពេលជាងកន្លះសតវត្ស ល្ខោនរដ្ឋធានីសម្រេចបានសមិទ្ធិផលដ៏ត្រចះត្រចង់ ដែលបន្សល់ទុកនូវសញ្ញាសម្គាល់ដ៏ជាក់ច្បាស់ក្នុងជីវភាពវប្បធម៌ និងសិល្បៈនៃប្រទេសទាំងមូល។

(VOVWORLD) - ទីក្រុងហូជីមិញមានសារមន្ទីរចំនួន ១៧ ក្នុងនោះមានសារមន្ទីរឯកជនចំនួន ៦។ សារមន្ទីរនីមួយៗតាំងបង្ហាញ និងថែរក្សាប្រធានបទផ្សេងៗគ្នាដូចជា ប្រវត្តិសាស្ត្រ វិចិត្រសិល្បៈ សង្គ្រាម អាវផាយ នារី ជាដើម។ សារមន្ទីរបានអភិវឌ្ឍន៍យ៉ាងខ្លាំងក្លាបន្តិចម្តងៗ ក្លាយជាចំណុចតភ្ជាប់ប្រកបដោយភាពច្នៃប្រឌិតរវាងបេតិកភណ្ឌវប្បធម៌ និងសាធារណ ជន។

(VOVWORLD) - ក្នុងបេតិកភណ្ឌវប្បធម៌ខាងស្មារតីដែលលោកប្រធានហូជីមិញបានបន្សល់ទុកមក និងត្រូវបានទទួលស្គាល់ជារតនៈសម្បត្តិជាតិរបស់វៀតណាមនោះ ទិនានុលេខន៍គឺជាបេតិកភណ្ឌដ៏ពិសេសបំផុត។ រហូតមកដល់បច្ចុប្បន្ន រួមជាមួយរឿងនិទាននាង Kieu របស់អ្នកនិពន្ធ Nguyen Du នោះ ទិនានុលេខន៍ក្នុងពន្ធនាគារ គឺជាស្នាដៃអក្សរសាស្ត្រវៀតណាមដែលត្រូវបានបកប្រែជាភាសាបរទេសច្រើនបំផុត។ ថ្មីៗនេះ សៀវភៅ "ទិនានុលេខន៍ក្នុងពន្ធនាគារជាភាសាបរទេស" ដែលប្រមូលនិងឧទ្ទេសនាមដោយភាសាវិទូ អ្នកបកប្រែ លោកបណ្ឌិត Vo Xuan Que (បច្ចុប្បន្នកំពុងរស់នៅ និងធ្វើការនៅប្រទេសហ្វាំងឡង់) ត្រូវបានបង្ហាញមុខអ្នកអានវៀតណាម។

(VOVWORLD) - នាដើមខែឧសភាកន្លងទៅ ភ្ញៀវទេសចរ និងប្រជាពលរដ្ឋខេត្ត Binh Dinh ចំនួន ១០០ នាក់ បានទទួលយកបទពិសោធន៍ជិះរថភ្លើងដោយមានឈ្មោះថា “ដំណើរវប្បធម៌ទៅកាន់ទឹកដីនៃក្បាច់គុន”។

(VOVWORLD) - ថ្មីៗនេះ ភាពយន្តវៀតណាមអំពីប្រធានបទសង្គ្រាមបដិវត្តន៍បានបង្ហាញនូវទស្សនវិស័យថ្មីថ្មោង ពហុទិដ្ឋភាព មានការទាក់ទាញទាំងផ្នែកកម្សាន្ត និងសិល្បៈ ហើយបានទាក់ទាញទស្សនិកជនយ៉ាងច្រើនកុះករ។