ລະບົບກະຈາຍສຽງພາກພາສາຕ່າງປະເທດແຫ່ງຊາດ (VOV5)

ລະບົບກະຈາຍສຽງພາກພາສາຕ່າງປະເທດແຫ່ງຊາດ (VOV5) ຂອງວິທະຍຸກະຈາຍສຽງຫວຽດນາມ ແມ່ນຊ່ອງກະຈາຍສຽງສະຫງວນໃຫ້ຊາວຫວຽດນາມ ແລະ ຊາວຕ່າງປະເທດຢູ່ປະເທດຕ່າງໆໃນໂລກ, ເຊິ່ງອອກອາກາດໃນລະບົບຄື້ນສັ້ນ ແລະ ຄື້ນກາງດ້ວຍ 12 ພາສາຄື: ພາສາອັງກິດ, ຝລັ່ງ, ລັດເຊຍ, ແອັດສະປາຍ, ຍີ່ປຸ່ນ, ປັກກິ່ງ, ເຢັຍລະມັນ, ລາວ, ໄທ, ກຳປູເຈຍ, ອິນໂດເນເຊຍ ແລະ ພາສາຫວຽດນາມ ທີ່ສະຫງວນໃຫ້ຊາວຫວຽດນາມຢູ່ຕ່າງປະເທດ.

VOV5 ຍັງອອກອາກກາດບັນດາລາຍການກະຈາຍສຽງເປັນ 12 ພາສາດັ່ງກ່າວໃນຄື້ນ FM ຢູ່ຮ່າໂນ້ຍ, ກວາງນິງ, ນະຄອນໂຮ່ຈີມິນ ແລະ ບັນດາເຂດອ້ອມຂ້າງ ເພື່ອຮັບໃຊ້ໃຫ້ປະຊາຄົມຊາວຕ່າງປະເທດທີ່ພວມດຳລົງຊີວິດ ແລະ ເຮັດວຽກຢູ່ຫວຽດນາມ ແລະ ຊາວຫວຽດນາມ ຮູ້ພາສາຕ່າງປະເທດ.

ພາຍຫຼັງປະທານ ໂຮ່ຈີມິນ ອ່ານຖະແຫຼງປະກາດເອກະລາດ ສະຖາປະນາປະເທດ ສາທາລະນະລັດ ປະຊາທິປະໄຕ ຫວຽດນາມ, ປະຈຸບັນແມ່ນປະເທດສາທາລະນະລັດ ສັງຄົມນິຍົມ ຫວຽດນາມ ເປັນເວລາ 5 ວັນ, ວັນທີ 7 ກັນຍາປີ 1945 ລະບົບ VOV5 ໄດ້ອອກອາກາດລາຍການທຳອິດເປັນພາສາຝລັ່ງ, ພາສາອັງກິດ, ພາສາກວາງຕຸ້ງ, ຕໍ່ມາມີພາສາປັກກິງ (ຈີນ), ພາສາສາກົນ (Esperanto) ຕື່ມອີກ. ໃນຕະຫຼອດໄລຍະແຫ່ງການຕໍ່ຕ້ານຕ້ານຝລັ່ງ (1945-1954), ວິທະຍຸກະຈາຍສຽງຫວຽດນາມ ສືບຕໍ່ອອກອາກາດບັນດາລາຍການກະຈາຍສຽງເປັນພາສາຝລັ່ງ, ອັງກິດ, ກວາງຕຸ້ງ, ປັກກິງ. ປີ 1954 ອອກອາກາດຕື່ມອີກລາຍການກະຈາຍສຽງພາກພາສາລາວ ແລະ ບໍ່ອອກອາກາດລາຍການກະຈາຍສຽງເປັນພາສາສາກົນອີກ. ໃນຊຸມປີສົງຄາມຕ້ານອາເມລິກາ (1955-1975), VOV5 ໄດ້ອອກອາກາດຕື່ມອີກບັນດາລາຍການກະຈາຍສຽງເປັນພາສາໄທ, ຍີ່ປຸ່ນ, ອິນໂດເນເຊຍ, ກຳປູເຈຍ, ແອັດສະປາຍ, ລັດເຊຍ, ເກົາຫຼີ. ລາຍການກະຈາຍສຽງເປັນພາສາຫວຽດນາມ ທີ່ສະຫງວນໃຫ້ຊາວຫວຽດນາມ ຢູ່ຕ່າງປະເທດເລີ່ມອອກອາກາດໃນວັນທີ 16 ສິງຫາປີ 1981 ແລະ ວັນທີ 1 ມີນາປີ 2006, VOV5 ໄດ້ອອກອາກາດຕື່ມອີກລາຍການກະຈາຍສຽງເປັນພາສາເຢັຍລະມັນ.

ປີ 1998, ລາຍການກະຈາຍສຽງອອກອາກາດໃນລະບົບ FM ທີ່ສະຫງວນໃຫ້ຊາວຕ່າງປະເທດດຳລົງຊີວິດ ແລະ ເຮັດວຽກຢູ່ຫວຽດນາມ ໄດ້ຮັບການສ້າງຕັ້ງຂຶ້ນ. ໄລຍະທຳອິດ ພຽງແຕ່ອອກອາກາດລາຍການກະຈາຍສຽງເປັນພາສາອັງກິດ ແລະ ພາສາຝລັ່ງ ເທົ່ານັ້ນ, ຕໍ່ມາໄດ້ອອກອາກາດທັງ 12 ພາສາຢູ່ຮ່າໂນ້ຍ, ນະຄອນໂຮ່ຈີມິນ ແລະ ແຂວງ ກວາງນິງ.

ປະຈຸບັນ VOV5 ລວມມີ 12 ລາຍການກະຈາຍສຽງເປັນພາສາ: ອັງກິດ, ຝລັ່ງ, ລັດເຊຍ, ແອັດສະປາຍ, ຍີ່ປຸ່ນ, ປັກກິ່ງ, ເຢັຍລະມັນ, ລາວ, ໄທ, ກຳປູເຈຍ, ອິນໂດເນເຊຍ ແລະ ພາສາຫວຽດນາມ ທີ່ສະຫງວນໃຫ້ຊາວຫວຽດນາມ ຢູ່ຕ່າງປະເທດ. ບັນດາລາຍການອອກອາກາດໃນລະບົບ FM ດ້ວຍຄວາມຖີ່ 105.5 MHz ຢູ່ຮ່າໂນ້ຍ ແລະ 105.7 MHz ຢູ່ນະຄອນໂຮ່ຈີມິນ ແລະ ແຂວງກວາງນິງ. VOV5 ອອກອາກາດໃນລະບົບຄື້ນສັ້ນ, ຄື້ນກາງໄປຍັງເອີລົບ, ອາເມລິກາຕາເວັນອອກສ່ຽງເໜືອ, ອາເມລິກາຕາເວັນຕົກສ່ຽງເໜືອ, ບາງເຂດຢູ່ອາເມລິກາກາງ, ອາຊີຕາເວັນອອກສ່ຽງໃຕ້, ອາຊີຕາເວັນອອກສ່ຽງເໜືອ, ບາງເຂດຢູ່ອາຟະລິກາ ແລະ ທາງອິນເຕີແນດໃນເວັບໄຊ http//vovworld.vn ຫຼື http//vov5.vn (ເວັບໄຊຂອງລະບົບກະຈາຍສຽງພາກພາສາຕ່າງປະເທດ). ເວັບໄຊ vovworld.vn ມີບັນດາລາຍການກະຈາຍສຽງປະຈຳວັນເປັນ 12 ພາສາ: ຫວຽດນາມ, ອັງກິດ, ຝລັ່ງ, ລັດເຊຍ, ແອັດສະປາຍ, ຍີ່ປຸ່ນ, ປັກກິງ, ເຢັຍລະມັນ, ລາວ, ໄທ, ກຳປູເຈຍ, ອິນໂດເນເຊຍ, ທັງອອກອາກາດບັນດາລາຍການກະຈາຍສຽງອອນລາຍ, ຍັງແນະນຳບັນດາລາຍການກະຈາຍສຽງປະຈຳວັນອີກດ້ວຍ. ນອກນັ້ນໃນເວັບໄຊ vovworld.vn ຍັງແນະນຳຂ່າວພາບ, ພາບສາລະຄະດີ, ວີດີໂອຄລີບ ແນະນຳກ່ຽວກັບປະເທດຊາດ, ວັດທະນະທຳ, ຊາວຫວຽດນາມ, ຮີດຄອງປະເພນີບັນດາເຜົ່າຢູ່ ຫວຽດນາມ…ໃນເວັບໄຊຍັງມີບັນດາຄໍລຳ ເພື່ອແນະນຳບັນດາເຫດການພິເສດຂອງປະເທດ   ແລະ ແຕ່ລະລາຍການກະຈາຍສຽງກໍ່ມີບັນດາຄໍລຳສະເພາະເພື່ອສະຫງວນໃຫ້ແກ່ຜູ້ຟັງ ຜູ້ຊົມລາຍການຂອງຕົນຄືຄໍລຳ: ຊາຍຄາອາຊຽນ, ສອນພາສາຫວຽດນາມ, ສຸຂະພາບຂອງເພື່ອນ, ຊາວຫວຽດນາມ ຢູ່ໃນໂລກ, ສອນວິທີແຕ່ງກິນ, ພາສາຝລັ່ງ… ເວັບໄຊ vovworld.vn ໄດ້ເຊື່ອມຕໍ່ລາຍການກະຈາຍສຽງເປັນພາສາຕ່າງປະເທດຂອງວິທະຍຸກະຈາຍສຽງຫວຽດນາມ ເຖິງເຂດຕ່າງໆຢູ່ໃນໂລກ ເຊິ່ງລະບົບຄື້ນສັ້ນບໍ່ຕອບສະໜອງໄດ້. ເວັບໄຊ vovworld.vn ກໍ່ປະກອບສ່ວນເຮັດໃຫ້ທ່ານຜູ້ຟັງມີຄວາມໃກ້ຊິດຕິດແທດກັບວິທະຍຸກະຈາຍສຽງຫວຽດນາມ ກໍ່ຄືເພີ່ມທະວີການເຊື່ອມຕໍ່ລະຫວ່າງທ່ານຜູ້ຟັງກັບຜູ້ຈັດລາຍ ການກວ່າ.

ໂຄງປະກອບການຈັດຕັ້ງ

ຊື່ແລະນາມສະກຸນ

ເບີໂທຫ້ອງການ

ຜູ້ອຳນວຍການ ຫວຽນຕ໋ຽນລອງ

(04)38 35 78 70

ຮອງອຳນວຍການ ເລກວົກຮືງ

(04)38 25 57 61

ຮອງອຳນວຍການ ຟໍ໋ເກີມຮວາ (04)38 24 19 45

ພະແນກບໍລິຫານ - ສັງລວມ

(04)38 26 68 09

ພະແນກເລຂາບັນນາທິການ

(04)38 25 68 62

(04)38 26 50 29

ລາຍການກະຈາຍສຽງເປັນພາສາ ອັງກິດ

(04)38 25 44 82

ລາຍການກະຈາຍສຽງເປັນພາສາ ຝລັ່ງ

(04)38 24 19 45

ລາຍການກະຈາຍສຽງເປັນພາສາ ຍີ່ປຸ່ນ

(04)38 25 36 31

ລາຍການກະຈາຍສຽງເປັນພາສາ ປັກກິ່ງ

(04)38 26 68 06

ລາຍການກະຈາຍສຽງເປັນພາສາ ລັດເຊຍ

(04)38 25 66 33

ລາຍການກະຈາຍສຽງເປັນພາສາ ເຢັຍລະມັນ

(04)39 36 52 18

ລາຍການກະຈາຍສຽງເປັນພາສາ ແອັດສະປາຍ

(04)39 34 28 94

ລາຍການກະຈາຍສຽງເປັນພາສາ ອິນໂດເນເຊຍ

(04)38 25 47 98

ລາຍການກະຈາຍສຽງເປັນພາສາ ລາວ

(04)38 25 66 31

ລາຍການກະຈາຍສຽງເປັນພາສາ ໄທ

(04)38 25 57 63

ລາຍການກະຈາຍສຽງເປັນພາສາ ກຳປູເຈຍ

(04)38 26 68 08

ລາຍການກະຈາສຽງເປັນພາສາຫວຽດ ສະຫງວນໃຫ້ຊາວຫວຽດນາມຢູ່ຕ່າງປະເທດ

(04)38 25 20 70