Giang Trinh -
(VOVWORLD) - ລະດູການຂອງດອກເດຊີໄດ້ກັບມາອີກວາລະໜຶ່ງ. ດອກເດຊີບານໃນປະມານ 3 ອາທິດເທົ່ານັ້ນ. ເມື່ອລະດູດອກເດຊີວຽນມາ ກໍ່ແມ່ນສັນຍານທີ່ບອກເຕືອນວ່າ ລະດູໜາວມາແລ້ວ.
 |
| ຢູ່ຮ່າໂນ້ຍ ມີດອກໄມ້ຫຼາຍຊະນິດ, ແຕ່ໃຜໆກໍ່ລໍຄອຍລະດູດອກເດຊີ, ສ່ວນໜຶ່ງຍ້ອນລະດູຂອງດອກເດຊີສັ້ນ, ພຽງໃນເວລາ 3 ອາທິດເທົ່ານັ້ນ |
 |
| ດອກເດຊີ ໄດ້ປູກສ່ວນຫຼາຍແມ່ນຢູ່ສວນດອກໄມ້ ເຍີດເຕີນ, ໄຕຕື້ວ ແລະ ອີກ 2, 3 ແຫ່ງເທົ່ານັ້ນ ແຕ່ຈຳນວນກໍ່ບໍ່ຫຼາຍປານໃດ. ບັນດາຜູ້ເລາະຂາຍດອກໄມ້ກໍ່ໄປຊື້ຢູ່ສວນດອກໄມ້ ເຍີດເຕີນ, ຫຼັງຈາກນັ້ນໄດ້ໄປເລາະຂາຍທົ່ວທຸກແຫ່ງຢູ່ໃຈກາງນະຄອນຫຼວງຮ່າໂນ້ຍ. |
 |
| ປີນີ້, ລາຄາດອກເດຊີໃນປີນີ້ສູງກ່ວາຫຼາຍເມື່ອທຽບໃສ່ປີ 2017. ມັດໃຫຍ່ປະກອບດ້ວຍ 3 ມັດນ້ອຍຈະມີລາຄາແຕ່ 160.000 – 200.000 ດົ່ງ. ພິເສດ, ໃນຕົ້ນລະດູການ, ມີຮ້ານຂາຍມັດນ້ອຍກໍ່ມີລາຄາ 80.000 – 100.000 ດົ່ງ. ຄາດວ່າ, ແຕ່ລະລະດູການ, ຜູ້ປູກດອກເດຊີ ກໍ່ຫາໄດ້ລາຍຮັບແຕ່ 60 – 100 ລ້ານດົ່ງ. |
 |
| ຊ່ວງເວລາທ້າຍເດືອນພະຈິກ ແມ່ນຈຸດເວລາທີ່ອາກາດສະດວກທີ່ສຸດ ເພື່ອໃຫ້ບັນດານາງສາວຮ່າໂນ້ຍ ໄປຖ່າຍຮູບຢູ່ສວນປູກດອກເດຊີ. |
 |
| ຢູ່ທົ່ວທຸກແຫ່ງຂອງຮ່າໂນ້ຍ, ຢູ່ບ່ອນໃດກໍ່ເຫັນຜູ້ຂີ່ລົດຖີບເລາະຂາຍດອກເດຊີ |
 |
| ດ້ວຍບັນດາຮູບພາບຜູ້ເລາະຂາຍດອກໄມ້, ພິເສດແມ່ນດອກເດຊີ ຄືແນວນີ້, ພວກເຮົາເຫັນວ່າ ຮ່າໂນ້ຍ ຄືດັ່ງສວຍງາມກ່ວາ. |
Giang Trinh