(ພາບປະກອບ)
(vovworld) - ວັນທີ 04/06, ຢູ່ນະຄອນຫຼວງ Montevideo ຂອງ Uruguay ໄດ້ຈັດພິທີເປີດສະຫຼອງຫ້ອງການການຄ້າກຸ່ມຕະຫຼາດລວມອາເມລິກາໃຕ້ (MERCOSUR) - ອາຊຽນ. ກ່າວຄຳເຫັນທີ່ພິທີ, ທ່ານລັດຖະມົນຕີວ່າການກະຊວງການຕ່າງປະເທດ Uruguay, Rodolfo Nin Novoa ໄດ້ຕີລາຄາສູງກາລະໂອກາດຮ່ວມມືດ້ານເສດຖະກິດ, ການຄ້າ ແລະ ການລົງທຶນລະຫວ່າງບັນດາປະເທດອາເມລິກາໃຕ້ ກັບ 10 ປະເທດອາຊຽນ. ທ່ານເນັ້ນໜັກວ່າ, ເລື່ອງສ້າງຕັ້ງຫ້ອງການການຄ້າ MERCOSUR-ອາຊຽນ ຈະປະກອບສ່ວນຊຸກຍູ້ການແລກປ່ຽນລະຫວ່າງ 2 ກຸ່ມ, ເພີ່ມທະວີການເຊື່ອມໂຍງຢ່າງເລິກເຊິ່ງ, ກວ້າງຂວາງ, ເປີດບັນດາແງ່ຫວັງໃນການຮ່ວມມື ແລະ ຈະແມ່ນສະຖານທີ່ສະໜອງຂໍ້ມູນກ່ຽວກັບກາລະໂອກາດດຳເນີນທຸລະກິດຢູ່ບັນດາປະເທດອາຊີຕາເວັນອອກສ່ຽງໃຕ້ ໃຫ້ບັນດາວິສາຫະກິດອາເມລິກາໃຕ້.