(vovworld) – ກ່າວຄຳເຫັນທີ່ການພົບປະກັບທ່ານເລຂາທິການໃຫຍ່ອາຊຽນ ເລເລືອງມິນ ຫວ່າງແລ້ວນີ້, ທ່ານລັດຖະມົນຕີວ່າການກະຊວງການຕ່າງປະເທດ ແລະ ຮ່ວມມື ແຫ່ງສາທາລະນະລັດ, ປະຊາທິປະໄຕ Timor-Leste, Harnani Coelho da Silva, ໄດ້ຢືນຢັນຄືນໃໝ່ວ່າ, ອາຊຽນ ແມ່ນບຸລິມະສິດສຳຄັນໃນນະໂຍບາຍການຕ່າງປະເທດຂອງ Timor-Leste. ທ່ານລັດຖະມົນຕີ Harnani Coelho da Silva ໄດ້ເນັ້ນໜັກເຖິງຄຳໝັ້ນສັນຍາ ພ້ອມແລ້ວທີ່ຈະເຂົ້າເປັນສະມາຊິກຂອງອາຊຽນ. ປະຈຸບັນ Timor-Leste ພວມມານະພະຍາຍາມປະຕິບັດບັນດາມາດຕະການແກ້ໄຂ ເພື່ອແນໃສ່ເພີ່ມທະວີຄວາມສາມາດລະບອບລະບຽບການ ແລະ ແຫຼ່ງຊັບພະຍາກອນມະນຸດ ເພື່ອເຂົ້າຮ່ວມການເຄື່ອນໄຫວຕ່າງໆຂອງອາຊຽນ. ທ່ານລັດຖະມົນຕີ Harnani Coelho da Silva ໃຫ້ຮູ້ວ່າ, Timor-Leste ປາດຖະໜາຢາກເຂົ້າເປັນສະມາຊິກອາຊຽນ ໂດຍໄວ. ສ່ວນທ່ານເລຂາທິການໃຫຍ່ອາຊຽນ ເລເລືອງມິງ ໄດ້ຕີລາຄາສູງຂໍ້ຕົກລົງຍຸດທະສາດຂອງ Timor-Leste ເພື່ອເຂົ້າເປັນສະມາຊິກອາຊຽນ; ຢືນຢັນຄຳໝັ້ນສັນຍາຂອງອາຊຽນ ແລະ ບັນດາປະເທດສະມາຊິກພ້ອມແລ້ວທີ່ຈະໜູນຊ່ວຍ Timor-Leste, ພິເສດແມ່ນໃນການພັດທະນາແຫຼ່ງຊັບພະຍາກອນມະນຸດ ແລະ ກໍ່ສ້າງລະບອບລະບຽບການ.