(vovworld) - ວັນທີ 20/12, ສະຫະພາບເອີລົບ (EU) ອະນຸບັດຜ່ານບ້ວງເງິນຊ່ວຍເຫຼຶອສ້າງໂຄງປະກອບທຶນຄືນໃໝ່ທີ່ມີມູນຄ່າ 2,480 ຕື້ USD, ໃຫ້ແກ່ທະນາຄານ 4 ແຫ່ງຂອງແອດສປາຍ (ທະນາຄານ Liberbank, ທະນາຄານ Banco CEISS, ທະນາຄານ Caja3 ແລະ ທະນາຄານ Benco Mare Nostrum). ນີ້ຖືກຖືວ່າແມ່ນພາກສ່ວນໜຶ່ງໃນຄວາມມານະພະຍາຍາມຂອງເອີລົບ ເພື່ອຮັກສາຄວາມເປັນປົກກະຕິຂອງລະບົບທະນາຄານທີ່ພວມມີໄພລົ້ມລະລາຍ ຢູ່ປະເທດນີ້. ຕາມທ່ານຮອງປະທານຄະນະກຳມະການເອີລົບ (EC) Joaquin Almunia ແລ້ວ, ແຜນການສ້າງໂຄງປະກອບທຶນຄືນໃໝ່ດັ່ງກ່າວ ຈະຊ່ວຍໃຫ້ທະນາຄານໃຫຍ່ 4 ແຫ່ງຂອງແອດສປາຍ ສາມາດຄົງຕົວຢ່າງເປັນເອກະພາບ.
ແລະກໍໃນວັນດຽວກັນ, ສະພາຕໍ່າ ແອດສປາຍ ໄດ້ອະນຸບັດຜ່ານການຫຼຸດຜ່ອນບ້ວງລາຍຈາຍທີ່ຂຶ້ນເຖິງ 52 ຕື້ USD ໂດຍບໍ່ຫົວຊາຕໍ່ການຄັດຄ້ານຢ່າງແຮງຈາກປະຊາຊົນ. ບັນດາອົງການກຳມະບານໄດ້ຮຽກຮ້ອງດຳເນີນບັນດາການແຫ່ຂະບວນປະທ້ວງຄັ້ງໃໝ່ໃນທົ່ວປະເທດ. ກ່ອນໜ້ານັ້ນ, ມີຜູ້ແຫ່ຂະບວນປະທ້ວງນັບພັນຄົນໄດ້ລົງຖະໜົນຫົນທາງຢູ່ນະຄອນຫຼວງ Madrid ປະເທດ ແອດສະປາຍ ເພື່ອຄັດຄ້ານນະໂຍບາຍຮັດເຂັມຄັດໂດຍລັດຖະບານຝ່າຍຂວາຂອງທ່ານນາຍົກລັດຖະມົນຕີ Mariano Rahoi ຍົກອອກມາ, ໃນນັ້ນມີເລື່ອງບໍ່ປະຕິບັດຄຳໝັ້ນສັນຍາເພີ່ມເງິນອຸດໜູນເບ້ຍບຳນານ.