ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ຕ້ອນຮັບທ່ານນາງ Manuela V. Ferro ຮອງປະທານທະນາຄານໂລກ (WB)

ຕອນບ່າຍວັນທີ 21 ມີນາ, ກ່າວຄຳເຫັນທີ່ການຕ້ອນຮັບທ່ານນາງ Manuela V. Ferro ຮອງປະທານທະນາຄານໂລກ (WB) ຮັບຜິດຊອບພາກພື້ນອາຊີຕາເວັນອອກ ແລະ ປາຊີຟິກ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ເນັ້ນໜັກວ່າ ລັດຖະບານ ຫວຽດນາມ ຍາມໃດກໍ່ຖື WB ແມ່ນຄູ່ຮ່ວມມືພັດທະນາທີ່ສຳຄັນ; WB ໄດ້ສະໜັບສະໜູນ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ - ສັງຄົມຂອງຫວຽດນາມ, ໄດ້ໃຫ້ຄຳປຶກສາຫຼາຍຢ່າງກ່ຽວກັບນະໂຍບາຍມະຫາພາກ ແລະ ຫວ່າງມໍ່ໆມານີ້ ໄດ້ໃຫ້ການສະໜັບສະໜູນຢ່າງມີປະສິດທິຜົນໃນການກໍ່ສ້າງລັດຖະບານເອເລັກໂຕນິກ. ທ່ານນາຍົກລັດຖະມົນຕີ ສະເໜີໃຫ້ WB ຄວນໃຫ້ບຸລິມະສິດແກ່ຫວຽດນາມ ສືບຕໍ່ເຂົ້າເຖິງບ້ວງເງິນຊ່ວຍເຫຼືອຫລ້າ; ຍູ້ແຮງການປຶກສາຫາລື ແລະ ໜູນຊ່ວຍປະສົບການສາກົນ, ສວຍໃຊ້ບັນດາກຳລັງໜູນໃນການເຕີບໂຕໃໝ່ ແລະ ຍືນຍົງໃຫ້ດີທີ່ສຸດ. ສ່ວນຝ່າຍ ຫວຽດນາມ, ລັດຖະບານຈະສືບຕໍ່ໃຫ້ຄຳປຶກສາ WB ແລະ ກຸ່ມ 6 ທະນາຄານພັດທະນາເພື່ອປຶກສາຫາລືບັນດາມາດຕະການລະອຽດ ແນໃສ່ສືບຕໍ່ບູລະນະລະບອບລະບຽບການ, ນະໂຍບາຍ ODA, ແກ້ໄຂບັນດາຂໍ້ຕິດຂັດຢ່າງຮີບດ່ວນຕາມທິດການປະຕິບັດບັນດາລະບຽບການທີ່ອະນຸມັດເປັນງ່າຍດາຍ, ຍູ້ແຮງການແບ່ງຂັ້ນ, ແບ່ງສິດໄປຄຽງຄູ່ກັບການເພີ່ມທະວີການຕິດຕາມກວດກາ, ຫັນການປະຕິບັດລະຫວ່າງບັນດາຝ່າຍຢ່າງກົມກຽມເພື່ອຜັນຍຂະຫຍາຍບັນດາໂຄງການຮັບປະກັນປະສິດທິຜົນ ແລະ ຄວາມຄືບໜ້າ.

ສ່ວນທ່ານນາງ Manuela V. Ferro ໄດ້ເນັ້ນໜັກວ່າ WB ຈະສືບຕໍ່ຮ່ວມເດີນທາງກັບລັດຖະບານ ຫວຽດນາມ ບົນເສັ້ນທາງແຫ່ງການພັດທະນາໃນໄລຍະຈະມາເຖິງ, ພ້ອມແລ້ວທີ່ຈະໜູນຊ່ວຍຢ່າງຕັ້ງໜ້າໃນການສ້າງບົດລາຍງານຫວຽດນາມ 2045. ຜ່ານນັ້ນ ປະກອບສ່ວນຊ່ວຍໃຫ້ ຫວຽດນາມ ບັນລຸໄດ້ບັນດາຍຸດທະສາດ, ແຜນການ, ເປົ້າໝາຍທີ່ວາງອອກ, ພິເສດແມ່ນໃນການລະດົມບັນດາແຫຼ່ງກຳລັງສັງຄົມ, ພັດທະນາພື້ນຖານໂຄງລ່າງ, ປະຕິບັດການຫັນເປັນສີຂຽວ, ຫັນເປັນດີຈີຕອນ.