ສຳນັກຂ່າວສານຫວຽດນາມ ປະຈຳເຊີແນວ ໄດ້ສຳພາດທ່ານ Justin Wood, ຜູ້ອຳນວຍການ WEF ພາກພື້ນອາຊີ - ປາຊີຟິກ ກ່ຽວກັບການພົວພັນຮ່ວມມືລະຫວ່າງ WEF ແລະ ຫວຽດນາມ.

ຕາມທ່ານ Justin Wood ແລ້ວ, WEF ແລະ ຫວຽດນາມ ພວມພ້ອມກັນຮ່ວມມືໃນຫຼາຍຂົງເຂດ ດ້ວຍຫຼາຍໂຄງການພວມໄດ້ຮັບການຜັນຂະຫຍາຍຢູ່ຫວຽດນາມ ຄື: ຂະແໜງອຸດສາຫະກຳສະບຽບອາຫານ; ຂົງເຂດພື້ນຖານໂຄງລ່າງ ແລະ ພວມມານະພະຍາຍາມຊອກຫາມາດຕະການເພີ່ມທະວີແຫຼ່ງເງິນລົງທຶນເຂົ້າໃນຂົງເຂດດັ່ງກ່າວຢູ່ຫວຽດນາມ. ທີ່ເວທີປາໄສຄັ້ງນີ້, ທ່ານ Justin Wood ໃຫ້ຮູ້ວ່າ, WEF ຈະເປີດກວ້າງການຮ່ວມມືກັບຫວຽດນາມ ແລະ ນັ້ນຈະແມ່ນທ່າອ່ຽງເພື່ອໃຫ້ 2 ຝ່າຍສາມາດສ້າງການພົວພັນຄູ່ຮ່ວມມືຢ່າງແຮງໃນອະນາຄົດ.