(vovworld) - ວັນທີ 11/06, ຢູ່ນະຄອນ Ulyanovsk, ແຂວງ Ulyanovsk, ສະຫະພັນລັດເຊຍ, ໄດ້ດຳເນີນພິທີວາງສີລາລຶກ ແລະ ລົງມືກໍ່ສ້າງອະນຸສາວະລີປະທານໂຮຈິມິນ ແລະ ບໍລິເວນສະໜາມຫຼວງທີ່ໃສ່ຊື່ປະທານໂຮ່ຈິມິນ.
ຕາມການອອກແບບ, ຮູບຫຼໍ່ປະທານໂຮຈິມິນ ເຮັດຕາມແບບຮູບຫຼໍ່ຢູ່ສະໜາມຫຼວງໂຮ່ຈິມິນ ທີ່ແຂວງ ເງະອານ. ຮູບຫຼໍ່ປະທານໂຮຈິມິນ ສູງ 5 ມ, ຖືກຫຼໍ່ດ້ວຍທອງແດງ ແລະ ຕັ້ງຢູ່ເຖິງຖານສູງ 3 ມ, ຢູ່ທາງ 4 ແຍກໂຮ່ຈິມິນ ແລະ ຖະໜົນ Lamyshinslaya, ເມືອງ Zasniazhski, ນະຄອນ Ulyanovsk, ເບື້ອງຫຼັງຮູບຫຼໍ່ປະທານໂຮ່ຈິມິນ ແມ່ນຮູບແກະສະຫຼັກດ້ວຍສັນຍາລັກດອກບົວຄຳ. ທ່ານ ເລງອກຮວາ, ຮອງປະທານຄະນະກຳມະການປະຊາຊົນແຂວງ ເງະອານ ໃຫ້ຮູ້ວ່າ.
“ນີ້ແມ່ນກິດຈະກຳທີ່ມີຄວາມໝາຍຢ່າງເລິກເຊິ່ງ. ກ່ອນອື່ນໝົດແມ່ນນ້ຳໃຈມິດຕະພາບລະຫວ່າງ 2 ປະເທດຫວຽດນາມ - ລັດເຊຍ. ທີ 2 ແມ່ນເປັນສັນຍາລັກແຫ່ງການຮ່ວມມືລະຫວ່າງແຂວງ ເງະອານ - Ulyanovsk. ທີ 3 ແມ່ນ ສະແດງໃຫ້ເຫັນອາລົມຈິດຂອງປະຊາຊົນ ເງະອານ ກໍ່ຄື ປະຊາຊົນແຂວງ Ulyanovsk ທີ່ມີຕໍ່ປະທານໂຮ່ຈິມິນ ຢູ່ບ້ານເກີດເມືອງນອນຂອງການນຳ Vladimir Ilich Lenin, ເຊິ່ງເປັນເພື່ອນ, ເປັນອາຈານຂອງປະທານໂຮ່ຈິມິນ.”
ໂຄງການກໍ່ສ້າງອະນຸສາວະລີ ແລະ ສະໜາມຫຼວງໂຮ່ຈິມິນ ຄາດວ່າຈະສຳເລັດກົງກັບໂອກາດສະເຫຼີມສະຫຼອງ 98 ປີແຫ່ງວັນປະຕິວັດເດືອນຕຸລາລັດເຊຍ (07/11/2015).