ນາຍົກລັດຖະມົນຕີ ຫງວຽນຊວນຟຸກ ໃນກອງປະຊຸມຂອງລັດຖະບານ
(vovworld) – ທ່ານນາຍົກລັດຖະມົນຕີ ຫງວຽນຊວນຟຸກ ຕົກລົງຈະຈັດຕັ້ງກອງປະຊຸມກັບວິສາຫະກິດປີ 2016 ໃນວັນທີ 29/4/2016 ດ້ວຍຫົວຂໍ້ວ່າ “ວິສາຫະກິດ ຫວຽດນາມ - ກຳລັງໜູນພັດທະນາເສດຖະກິດຂອງປະເທດຊາດ”. ກອງປະຊຸມຈະຍົກອອກສານຂອງທ່ານນາຍົກລັດຖະມົນຕີ ສ້າງເງື່ອນໄຂອຳນວຍຄວາມສະດວກທີ່ສຸດເພື່ອດຳເນີນທຸລະກິດ, ຊຸກຍູ້ບັນດາວິສາຫະກິດພັດທະນາທັງດ້ານປະລິມານ ແລະ ຄຸນນະພາບ. ເນື້ອໃນວາງອອກບັນດາມາດຕະການກໍ່ສ້າງລະບອບລະບຽບການເພື່ອແນໃສ່ສ້າງສະພາບແວດລ້ອມດຳເນີນທຸລະກິດທີ່ສະດວກໃຫ້ແກ່ວິສາຫະກິດ, ແກ້ໄຂບັນດາຄວາມຫຍຸ້ງຍາກ, ຂໍ້ຕິດຂັດ, ຂໍ້ສະເໜີແນະຂອງວິສາຫະກິດ. ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີບັນດາກະຊວງ, ຄະນະກຳມະການປະຊາຊົນແຂວງ, ນະຄອນຕ່າງໆຂຶ້ນກັບສູນກາງ, ລາຍງານສະພາບການແກ້ໄຂຂໍ້ຕິດຂັດ, ຂໍ້ສະເໜີແນະຂອງວິສາຫະກິດ, ສະເໜີມາດຕະການສ້າງສະພາບແວດລ້ອມແຫ່ງການດຳເນີນທຸລະກິດຢ່າງສະດວກຕາມຂົງເຂດຮັບຜິດຊອບ, ໃນບໍລິເວນ, ແລ້ວສົ່ງເຖິງກະຊວງແຜນການ ແລະ ການລົງທຶນເພື່ອຮວບຮ່ວມສົ່ງເຖິງຫ້ອງວ່າການລັດຖະບານ.