(vovworld) - ໃນບັນດາເຫດການທີ່ພົ້ນເດັ່ນຂອງເວທີປາໄສຮ່ວມມືເສດຖະກິດເຂດທົ່ງພຽງແມ່ນ້ຳຂອງ, ວັນທີ 6/12, ກະຊວງແຜນການ ແລະ ການລົງທຶນ, ກະຊວງວັດທະນະທຳກິລາ ແລະ ທ່ອງທ່ຽວ, ຄະນະຊີ້ນຳເຂດຕາເວັນຕົກພາກໃຕ້, ຄະນະກຳມະການປະຊາຊົນແຂວງ ຕ່ຽນຢາງ ໄດ້ປະສານສົມສົມທົບກັນຈັດກອງປະຊຸມ “ສົ່ງເສີມການລົງທຶນ, ການຄ້າ ແລະ ທ່ອງທ່ຽວ ຢູ່ເຂດທົ່ງພຽງແມ່ນ້ຳຂອງ”. ກອງປະຊຸມໄດ້ໃຫ້ຂໍ້ສັງເກດວ່າ, ເພື່ອສ້າງບັນດາບາດກ້າວບຸກທະລຸປະກອບສ່ວນສ້າງການພັດທະນາໃຫ້ທົ່ວເຂດ, ນອກຈາກັນຫາການຈັດແບ່ງແຫຼ່ງກຳລັງການລົງທຶນຈາກສູນກາງ ກໍຄືບັນດາກົນໄກ, ນະໂຍບາຍພິເສດສະເພາະແລ້ວ, ບັນຫາໜ້າທີ່ຮັບຜິດຊອບຂອງທ້ອງຖິ່ນໃນການໂຄສະນາ, ປະຕິບັດການເຄື່ອນໄຫວສົ່ງເສີມການລົງທຶນ ແມ່ນໜຶ່ງໃນບັນດາປັດໃຈອັດຕະວິໄສທີ່ມີລັກສະນະຕັດສິນ. ເພາະສະນັ້ນ, ໃນຂອບເຂດເວທີປາໄສຮ່ວມມືເສດຖະກິດເຂດທົ່ງພຽງແມ່ນ້ຳຂອງ ຄັ້ງນີ້, ທົ່ວເຂດພວມສຸມໃສ່ຮຽກຮ້ອງ 137 ໂຄງການລົງທຶນ ດ້ວຍຍອດຈຳນວນເງິນລົງທຶນເກືອບ 120.000 ຕື້ດົງ ແລະ ປະມານ 700 ລ້ານ USD. ຄາດໝາຍຂອງການພັດທະນາເຂດທົ່ງພຽງແມ່ນ້ຳຂອງ ໃນໄລຍະຈະມາເຖິງແມ່ນສືບຕໍ່ກໍ່ສ້າງເຂດນີ້ໃຫ້ກາຍເປັນເຂດເສດຖະກິດ, ຜະລິດທັນຍາຫານ, ສິນໃນນ້ຳຂອງທົ່ວປະເທດ. ທ່ານ ບຸຍຫງອກເຊືອງ (Bui Ngoc Suong), ຮອງຫົວໜ້າຄະນະຊີ້ນຳເຂດຕາເວັນຕົກພາກໃຕ້ ຖືວ່າ.
“ໂດຍສືບຕໍ່ດຶງດູດການລົງທຶນຢ່າງມີຈຸດສຸມ ບັນດາໂຄງການຂຸດຄົ້ນທີ່ມີທ່າແຮງກ່ຽວກັບກະສິກຳ, ສິນໃນນ້ຳ. ຄຽງຂ້າງນັ້ນ, ສຸມໃສ່ປະຕິຮູບລະບຽບການບໍລິຫານ, ແນະນຳໃຫ້ນັກລົງທຶນ, ສ້າງສະພາບແວດລ້ອມທີ່ສະດວກສະບາຍເພື່ອດຶງດູດການລົງທຶນ”.