ກອງປະຊຸມສະຫລຸບວຽກງານໂຄສະນາສຶກສາປີ2016
ທ່ານ ດິງເທ໋ຮີງ ຜູ້ປະຈຳຄະນະເລຂາ ຍ້ອງຍໍບັນດາຜົນງານ
ຊຶ່ງຂະແໜງໂຄສະນາສຶກສາບັນລຸໄດ້ໃນປີ 2016
(vovworld) - ໃນປີ 2017, ຂະແໜງໂຄສະນາສຶກສາຄວນເພີ່ມທະວີການຊີ້ນຳຄຸ້ມຄອງສື່ມວນຊົນ, ພິທຈຳໜ່າຍ, ກຳນົດຄວາມຮັບຜິດຊອບຢ່າງຈະແຈ້ງຂອງບັນດາອົງການສື່ມວນຊົນ, ອົງການຄຸ້ມຄອງໃນວຽກງານຕໍ່ສູ້ປ້ອງກັນຕ້ານການເສື່ອມທາຂາດຕຸນ “ຜັນແປເອງ”, “ຫັນປ່ຽນເອງ” ພາຍໃນອົງການ. ນີ້ແມ່ນຄຳເຫັນຊີ້ນຳຂອງ ທ່ານ ດິງເທ໋ຮີງ ຜູ້ປະຈຳຄະນະເລຂາ ທີ່ກອງປະຊຸມທົ່ວປະເທດສະຫລຸບວຽກງານໂຄສະນາສຶກສາປີ 2016 ແລະ ຜັນຂະຫຍາຍໜ້າທີ່ປີ 2017.
ກ່າວຄຳເຫັນທີ່ກອງປະຊຸມ, ທ່ານ ດິງເທ໋ຮີງ ຜູ້ປະຈຳຄະນະເລຂາ ຍ້ອງຍໍບັນດາຜົນງານ ຊຶ່ງຂະແໜງໂຄສະນາສຶກສາບັນລຸໄດ້ໃນປີ 2016, ພ້ອມທັງເນັ້ນໜັກວ່າ: ໜ້າທີ່ຂອງຂະແໜງການໃນປີ 2017 ແມ່ນສຳຄັນ ແລະ ໜັກໜ່ວງທີ່ສຸດ, ຮຽກຮ້ອງຂະແໜງໂຄສະນາສຶກສາຕ້ອງຄາດຄະເນສະພາບການໃຫ້ຖືກຕ້ອງ ແລະ ໃກ້ຊິດຕິດກັບໜ້າທີ່ດ້ານການເມືອງຂອງປະເທດຊາດຢ່າງຖືກຕ້ອງ. ທ່ານ ດິງເທ໋ຮີງ ຜູ້ປະຈຳຄະນະເລຂາ ສະເໜີວ່າ:
“ຂະແໜງໂຄສະນາສຶກສາຄວນເພີ່ມທະວີການຊີ້ນຳຄຸ້ມຄອງສື່ມວນຊົນ - ພິມຈຳໜ່າຍ, ເສີມຂະຫຍາຍບົດບາດກຳນົດຄວາມຮັບຜິດຊອບຢ່າງຈະແຈ້ງຂອງບັນດາອົງການສື່ມວນຊົນ, ອົງການຄຸ້ມຄອງໃນວຽກງານຕໍ່ສູ້ປ້ອງກັນຕ້ານການເສື່ອມທາດຂາດຄຸນ “ຜັນແປເອງ”, “ຫັນປ່ຽນເອງ” ພາຍໃນອົງການ. ເປັນເຈົ້າການສະໜອງຂໍ້ມູນຂ່າວເປັນປະຈຳ, ໂຄສະນາແຜນນະໂຍບາຍ, ແນວທາງຂອງພັກ, ນະໂຍບາຍກົດໝາຍຂອງລັດ, ບັນດາຜົນງານປ່ຽນໃໝ່, ບັນດາປັດໃຈໃໝ່.