ກອງປະຊຸມລັດຖະບານປະຈຳເດືອນ 1/2013
(ພາບ: VGP/Nhật Bắc)
(vovworld) - ວັນທີ 29/1, ທີ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢູງ ເປັນປະທານກອງປະຊຸມປະຈຳເດືອນ 1/2013 ຂອງລັດຖະບານ. ບົນພື້ນຖານຮັບຟັງຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນເຕີນຢຸ້ງ ສະເໜີໃຫ້ບັນດາກະຊວງ, ຂະແໜງການ, ຕ້ອງຖິ່ນຕ່າງໆ ສືບຕໍ່ປະຕິບັດບັນດາມາດຕະການຕົ້ນຕໍ່ທີ່ລັດຖະບານໄດ້ວາງອອກຢ່າງເຂັ້ມງວດ, ຂ້ຽວຂາດ ແລະ ມີປະສິດທິຜົນ. ທ່ານນາຍົກລັດຖະມົນຕີ ຫງວຽນເຕີນຢູງ ຊີ້ແຈ້ງທັດສະນະ, ໜ້າທີ່ ແລະ ບັນດາມາດຕະການເຊິ່ງບັນດາກະຊວງ, ຂະແໜງການ, ອຳນາດການປົກຄອງທຸກຂັ້ນຄວນສຸມໃສ່ປະຕິບັດຢ່າງຄົບຊຸດເພື່ອໃຫ້ປະຊາຊົນໃນທົ່ວປະເທດຕ້ອນຮັບບຸນປີໃໝ່ປະຈຳຊາດ ປີມະເສງ 2013 ຢ່າງເບີກບານມ່ວນຊື່ນ, ໂປ່ງໃສ, ປອດໄພ, ປະຢັດ ແລະ ເຂັ້ມຂົ້ນໄປດ້ວຍສີສັນວັດທະນະທຳຂອງຊາດ. ທ່ານກ່າວວ່າ:
“ສະເໜີໃຫ້ບັນດາສະຫາຍ, ບັນດາກະຊວງ, ຄະນະກຳມະການປະຊາຊົນທ້ອງຖິ່ນຕ່າງໆຈຶ່ງເສີມຂະຫຍາຍວຽກງານຮັບໃຊ້ບຸນປີໃໝ່ເປັນຢ່າງດີ. ນັ້ນແມ່ນສິນຄ້າຕ້ອງພຽງພໍ, ບໍ່ປະໃຫ້ສິນຄ້າຂາດແຄນ, ຂຶ້ນລາຄາ. ໜຶ່ງໃນບັນດາປັດໄຈແມ່ນການຂາດແຄນສິນຄ້າ ພາໃຫ້ລາຄາເພີ່ມຂຶ້ນ. ທີ່ 2 ແມ່ນການໄປມາຂອງປະຊາຊົນ, ຮັບປະກັນຄວາມປອດໄພ, ບໍ່ປະໃຫ້ເກີດສະພາບການຂົນສົ່ງຜູ້ໂດຍສານເກີນຂອບເຂດ. ປະຈຸບັນຍານພາຫະນະໄດ້ດີແລ້ວ. ທີ່ 3 ແມ່ນການເບິ່ງແຍງດູແລກະກຽມບຸນປີໃໝ່ໃຫ້ແກ່ພໍ່ແມ່ປະຊາຊົນຊົນເຜົ່າ, ຄອບຄົວນອນໃນ ເປົ້າໝາຍນະໂຍບາຍເປັນຢ່າງດີ. ຄວນເພີ່ມເຕີມນະໂຍບາຍເພື່ອຍູ້ແຮງການຫຼຸດຜ່ອນ ຄວາມທຸກຍາກ, ເບິ່ງແຍງດູແລກະກຽມບຸນເຕັດໃຫ້ແກ່ທະຫານ, ບັນດາກົມກອງ ກຽມພ້ອມສູ້ຮົບ.”
ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ມອບໝາຍໃຫ້ກະຊວງຕຳຫຼວດ ປະຕິບັດບັນດາມາດຕະການປ້ອງກັນ, ຕ້ານການຈຸດໝາຍກະໂພກ ແລະ ອາດຊະຍາກຳ ຢ່າງເດັດຂາດ, ຮັບປະກັນຄວາມເປັນລະບຽບຮຽບຮ້ອຍທາງສັງຄົມ ໄລຍະບຸນປີໃໝ່ປະຈຳ ຊາດ, ພິເສດແມ່ນການເພີ່ມທະວີມາດຕະການຕ່າງໆ ເພື່ອຈຳກັດອຸບັດຕິເຫດທາງຄົມມະນາຄົມ ແລະ ອື່ນໆ.