ກອງປະຊຸມສຳມະນາ 45 ປີແຫ່ງການ ປະຕິບັດບົດພິໄນກຳ ຂອງປະທານໂຮ່ຈິມິນ
(ພາບປະກອບ: sggp.org.vn)
(vovworld)- ກອງປະຊຸມສຳມະນາ 45 ປີແຫ່ງການປະຕິບັດບົດພິໄນກຳຂອງປະທານໂຮ່ຈິມິນ ໄດ້ຖືກຈັດຂຶ້ນໃນຕອນເຊົ້າ ວັນທີ 27/8, ຢູ່ຮ່າໂນ້ຍ. ບັນດາບົດປະກອບຄວາມເຫັນທີ່ກອງປະຊຸມສຳມະນາຢືນຢັນວ່າ, ບັນດາຄຳສັ່ງສອນຂອງ ປະທານໂຮ່ຈິມິນ ໃນບົດພິໄນກຳມີຄວາມໝາຍປະຫວັດສາດ ແລະ ຍຸກສະໄໝທີ່ເລິກເຊິ່ງ ແລະ ເຕັມໄປດ້ວຍລັກສະນະວັດທະນະທຳມະນຸດອັນສູງສົ່ງ. ນັ້ນແມ່ນແນວຄິດກ່ຽວກັບການກໍ່ສ້າງພັກປອດໄສ, ຂາວສະອາດ, ໝັ້ນຄົງເຂັ້ມແຂງ. ທ່ານ ດຣ ຈູດຶກຕິງ, ອະດີດຜູ້ອຳນວຍການຫໍພິພິຕະພັນໂຮ່ຈິມິນ ວິເຄາະວ່າ:
“ຄຳພິໄນກຳຂອງປະທານໂຮ່ຈິມິນ ໄດ້ຂຽນໃນເວລາ 5 ປີ, ໃນຍາມເພິ່ນຍັງມີສຸຂະພາບແຂງແຮງຢູ່. ນີ້ແມ່ນບົດສຳຫລຸບຕົວຈິງ, ກຳນົດທິດທາງໃນອະນາຄົດ ແລະ ແມ່ນປຶ້ມຄູ່ມືໃຫ້ແກ່ພັກໃນວິວັດການສືບຕໍ່ກ້າວຂຶ້ນ“.
ຕາມທ່ານຮອງສາດສະດາຈານ, ດຣ ເລກວກລີ, ຮອງຜູ້ອຳນວຍການສະຖາບັນການເມືອງແຫ່ງຊາດໂຮ່ຈິມິນ, ແນວຄິດພົ້ນເດັ່ນໃນບົດພິໄນກຳຂອງປະທານໂຮ່ຈິມິນ ແມ່ນແນວຄິດນັບຖື ປຊຊ, ໃກ້ຊິດກັບ ປຊຊ. ທ່ານຮອງສາດສະດາຈານ, ດຣ ເລກວກລີ, ຖືວ່າ:
“ປຊຊ ມີຄວາມຮັ່ງມີ, ປະເທດມີຄວາມເຂັ້ມແຂງແມ່ນຄວາມມຸ້ງຫັວງນັບແຕ່ພັນປີມານີ້ຂອງລຸ້ນພໍ່ລຸ້ນອ້າຍ. ໂດຍໄດ້ປະຕິບັດຕາມຄຳສັ່ງສອນຂອງປະທານໂຮ່ຈິມິນ, ພວກເຮົາຕ້ອງມານະພະຍາຍາມຢ່າງບໍ່ຢຸດຢັ້ງເພື່ອໃຫ້ ປຊຊ ນັບມື້ນັບຮັ່ງມີກ່ວາ, ມີຄວາມຜາສຸກ. ນີ້ແມ່ນເສັ້ນທາງກ້າວເຂົ້າສູ່ສັງຄົມນິຍົມທີ່ພວກເຮົາໄດ້ຄັດເລືອກ. ນັ້ນແມ່ນອະນາຄົດອັນສົດໃສ ຊື່ງຮຽກຮ້ອງໃຫ້ຄວາມມານະພະຍາຍາມຂອງທົ່ວພັກ, ທົ່ວກອງທັບ ແລະ ທົ່ວປວງຊົນໃນໄລຍະປະຈຸບັນ ແລະ ໃນອະນາຄົດ“./.