ກອງປະຊຸມສຳມະນາ ນະໂຍບາຍການສຶກສາ ອາຊຽນ
ບັນດາຜູ້ແທນທີ່ກອງປະຊຸມ
(ພາບ: .baomoi.com)
(vovworld) –ຕອນເຊົ້າວັນທີ 22/8, ຢູ່ຮ່າໂນ້ຍ, ໄດ້ຈັດກອງປະຊຸມສຳມະນານະໂຍບາຍການສຶກສາອາຊຽນ-ທັກສະການຮຽນແບບລົງເລິກໃຫ້ແກ່ນັກຮຽນສັດຕະວັດທີ 21 ໂດຍກະຊວງສຶກສາ ແລະ ບຳລຸງສ້າງຫວຽດນາມ, Microsoft ຫວຽດນາມ ແລະ ສະພາອັງກິດສົມທົບກັນຈັດຕັ້ງຂຶ້ນ.
ເນື້ອໃນຂອງກອງປະຊຸມສຳມະນາສຸມໃສ່ບັນດາທັກສະການຮ່ຳຮຽນລົງເລິກຕ້ອງປະກອບໃຫ້ນັກຮຽນຂັ້ນມັດທະຍົມຕອນຕົ້ນຄື: ກໍລະນີຕົວຈິງ, ການປະກິດສ້າງ, ຈິນ ຕະນາການ, ສຶກສາບຸກຄະລິກ, ການນຳໃຊ້ເຕກໂນໂລຊີເຂົ້າໃນການຮ່ຳຮຽນ, ຊີວິດ…ຕາມບັນດາຜູ້ແທນ, ບັນດານັກຮຽນຫວຽດນາມ ບໍ່ທັນເປັນເຈົ້າການໃນການຮ່ຳຮຽນ, ຂາດບັນດາທັກສະຈຳເປັນເພື່ອຮຽນດ້ວຍຕົນເອງ ແລະ ບັນດາທັກສະເຮັດວຽກທີ່ເໝາະສົມ, ຈາກຕົວຈິງດັ່ງກ່າວ, ຜູ້ແທນ 120 ທ່ານແມ່ນບັນດາຜູ້ກຳນົດນະໂຍບາຍ, ນັກຄຸ້ມຄອງການສຶກສາ, ອາຈານສອນຢູ່ໂຮງຮຽນຕ່າງໆຂອງຫວຽດນາມ, ອັງກິດ ແລະ ບາງປະເທດອາຊຽນ ໄດ້ແບ່ງປັນບັນດາວິທີສິດສອນໃໝ່ ດ້ວຍການໜູນຊ່ວຍຂອງເຕັກໂນໂລຊີຂໍ້ມູນຂ່າວສານ, ວິທີສອນໃຫ້ນັກຮຽນບັນດາທັກສະທີ່ຈຳເປັນໃນການຮ່ຳຮຽນ ແລະ ເຮັດວຽກໃນໄລຍະເຊື່ອມຕົວເຂົ້າກັບສາກົນໃນປະຈຸບັນ./.