ກອງປະຊຸມສຳມະນາ ສາກົນກ່ຽວກັບການຄຸ້ມ ຄອງສິ່ງເສດເຫຼືອແບບ ຖາວອນເພື່ອຄົນທຸກຍາກ
(ພາບປະກອບ: Danh Lam/TTXVN)
(vovworld) – ກອງປະຊຸມສຳມະນາສາກົນກ່ຽວກັບການຄຸ້ມຄອງສິ່ງເສດເຫຼືອແບບຖາວອນເພື່ອຄົນທຸກຍາກໄດ້ດຳເນີນໃນວັນທີ 24/9, ຢູ່ນະຄອນບິ່ງດິ້ງ ໂດຍມີການເຂົ້າຮ່ວມຂອງຜູ້ແທນກ່ວາ 70 ຄົນຕາງໜ້າໃຫ້ບັນດາອົງການຈັດຕັ້ງ, ອົງການການເງິນ, ອົງການຄົ້ນຄ້ວາບັນດາຄູ່ຮ່ວມມືມາຈາກບັນດາປະເທດ: ບັງກລາເທດ, ກຳປູເຈຍ, ອິນໂດເນເຊຍ, ສີລັງກາ, ປາກີສະຖານ ແລະ ຫວຽດນາມ. ເນື້ອໃນຕົ້ນຕໍຂອງກອງປະຊຸມສຳມະນາແມ່ນເພື່ອແນໃສ່ແບ່ງປັນບັນດາບົດຮຽນຂອງຄູ່ຮ່ວມມື ແລະ ຝ່າຍຕ່າງໆທີ່ກ່ຽວຂ້ອງຢູ່ປະເທດອື່ນໆໃນການປະຕິບັດວິທີການ “ຈາກສິ່ງເສດເຫຼືອກາຍເປັນຊັບພະຍາກອນທຳມະຊາດ“ ແລະ ຍົກອອກບັນດາຂໍ້ສະເໜີທີ່ກ່ຽວຂ້ອງ.
ຮອງສາດສະດາຈານ, ດຣ.ຫວູ້ທິມິງ ເລຂາທິການສະຫະສະມາຄົມບັນດາຕົວເມືອງຫວຽດນາມ ໃຫ້ຮູ້ວ່າ: ວິວັດທະນາການຫັນເປັນຕົວເມືອງ ແລະ ພັດທະນາເສດຖະກິດພວມດຳເນີນໄປຢູ່ບັນດາປະເທດອາຊີ-ປາຊີຟິກ ພາໄປເຖິງການເພີ່ມປະລິມານຂີ້ເຫຍື່ອ, ສິ່ງເສດເຫຼືອຢູ່ບັນດາຕົວເມືອງ, ຄຽງຄູ່ກັນນັ້ນ, ການບຳບັດສິ່ງເສດເຫຼືອນີ້ໄດ້ກາຍເປັນບັນດາການບໍລິການຕົວເມືອງເສຍເງິນຫຼາຍກ່ວາໝູ່ຢູ່ບັນດາປະເທດພວມພັດທະນາ. ສະນັ້ນ, ເພື່ອໜູນຊ່ວຍບັນດາຕົວເມືອງອາຊີ-ປາຊີຟິກແກ້ໄຂຄວາມຫຍຸ້ງຍາກນີ້, ຄະນະກຳມະການເສດຖະກິດສັງຄົມອາຊີ-ປາຊີຟິກ-ສປຊ (ESCAP) ໄດ້ປະຕິບັດໂຄງການ “ຄຸ້ມຄອງສິ່ງເສດເຫຼືອແບບຖາວອນ ແລະ ເພື່ອຄົນທຸກຍາກຢູ່ບັນດາຕົວເມືອງຂະໜາດກາງ ແລະ ນ້ອຍ“ ເພື່ອແນໃສ່ໜູນຊ່ວຍອຳນາດການປົກຄອງທ້ອງຖິ່ນຜັນຂະຫຍາຍບັນດາມາດຕະການຄຸ້ມຄອງສິ່ງເສດເຫຼືອແບບຖາວອນ./.