ພາບປະກອບ
(vovworld) – ກອງປະຊຸມສຳມະນາສາກົນ “ອະທິປະໄຕທີ່ມີຕໍ່ໝູ່ເກາະ ຮ່ວາງຊາ ແລະ ເຈື່ອງຊາ - ບັນດາແງ່ມູມປະຫວັດສາດ ແລະ ກົດໝາຍ” ໂດຍມະຫາວິທະຍາໄລ ຟ້າມວັນດົ່ງ ຈັດຕັ້ງ ຈະໄດ້ຮັບການຈັດຕັ້ງໃນວັນທີ 27 – 28/4, ຢູ່ແຂວງ ກວາງຫງາຍ. ເຂົ້າຮ່ວມກອງປະຊຸມສຳມະນາມີຜູ້ແທນປະມານ 50 ທ່ານເຊິ່ງລວມມີບັນດານັກຮຽນຮູ້ສາກົນ, ນັກຮຽນຮູ້ເຊິ່ງແມ່ນຊາວ ຫວຽດນາມ ທີ່ອາໄສຢູ່ຕ່າງປະເທດ, ບັນດານັກຄົ້ນຄ້ວາ, ທະນາຍຄວາມຢູ່ພາຍໃນປະເທດ ແລະ ຕາງໜ້າໃຫ້ກະຊວງ, ຂະແໜງການ ແລະ ທ້ອງຖິ່ນຕ່າງໆ. ບັນດາຜູ້ແທນເຂົ້າຮ່ວມກອງປະຊຸມສຳມະນາຈະໄດ້ປຶກສາຫາລືກ່ຽວກັບຫຼາຍບັນຫາ, ໃນນັ້ນມີຂໍ້ກຳນົດຂອງກົດໝາຍສາກົນກ່ຽວກັບບັນຫາອະທິປະໄຕປະຫວັດສາດ, ເຮັດໃຫ້ຈະແຈ້ງບັນດາພະຍານຫຼັກຖານດ້ານກົດໝາຍ, ປະຫວັດສາດທີ່ຢັ້ງຢືນວ່າ: ແຕ່ດົນນານມາແລ້ວ ລັດ ຫວຽດນາມ ໄດ້ປະຕິບັດສິດອະທິປະໄຕຢ່າງຕໍ່ເນື່ອງ ແລະ ສັນຕິພາບທີ່ມີຕໍ່ 2 ໝູ່ເກາະ ຮ່ວາງຊາ ແລະ ເຈື່ອງຊາ, ສອດຄ່ອງກັບພຶດຕິກຳກົດໝາຍສາກົນ, ແບບວິທີແກ້ໄຂຄວາມບໍ່ລົງລອຍກັນ, ການພິພາດກັນ ກ່ຽວກັບອະທິປະໄຕທີ່ມີຕໍ່ໝູ່ເກາະ ຮ່ວາງຊາ ແລະ ເຈື່ອງຊາ ແລະ ບັນດາບັນຫາທີ່ກ່ຽວຂ້ອງເຖິງທະເລຕາເວັນອອກໃນປະຈຸບັນໂດຍສັນຕິວິທີ.