(vovworld) - ຕອນເຊົ້າວັນທີ 2 ສິງຫາ, ຢູ່ຮ່າໂນ້ຍ, ກຳມາທິການວິທະຍາສາດເຕັກໂນໂລຊີ ແລະ ສິ່ງແວດລ້ອມ ຂອງສະພາແຫ່ງຊາດ ໄດ້ຈັດກອງປະຊຸມສຳມະນາວິທະຍາສາດກ່ຽວກັບຮ່າງກົດໝາຍວ່າດ້ວຍການກໍ່ສ້າງ (ສະບັບປັບປຸງ). ທີ່ກອງປະຊຸມສຳມະນາ, ບັນດາຜູ້ແທນໄດ້ສຸມໃສ່ເຮັດແຈ້ງຂອບເຂດການປັບປຸງຂອງຮ່າງກົດໝາຍວ່າດ້ວຍການກໍ່ສ້າງ. ປະກອບຄຳເຫັນ, ກ່ຽວກັບການສ້າງການກວດກາ, ການອະນຸມັດຜ່ານໂຄງການລົງທຶນກໍ່ສ້າງກິດຈະກຳ ແລະ ອອກແບບພື້ນຖານ, ຜູ້ແທນຫຼາຍທ່ານໄດ້ຖືວ່າ ຮ່າງກົດໝາຍວ່າດ້ວຍການກໍ່ສ້າງຕ້ອງມີບັນດາຂໍ້ກຳນົດຢ່າງແໜ້ນແຟ້ນ ຕາມທິດເພີ່ມທະວີການຕິດຕາມກວດກາວິວັດການລົງທຶນກໍ່ສ້າງ ກອນທີ່ກິດຈະກຳໄດ້ຮັການກໍ່ສ້າງສຳເລັດ. ກ່ຽວກັບບັນຫານີ້, ທ່ານລັດຖະມົນຕີກະຊວງກໍ່ສ້າງ ຈິ້ງດິ່ງຢຸງ ໃຫ້ຮູ້ວ່າ.
“ຮ່າງກົດໝາຍຄັ້ງນີ້ ຈະປ່ຽນໃໝ່ດ້ານເນື້ອໃນ, ວິທີການຄຸ້ມຄອງໂຄງການລົງທຶນກໍ່ສ້າງຕາມລັກສະນະ ແລະ ແຫຼ່ງທຶນກໍ່ສ້າງ. ແຫຼ່ງທຶນແຕກຕ່າງກັນການຄຸ້ມຄອງກໍ່ຈະແຕກຕ່າງກັນ. ສະເພາະທຶນຂອງລັດ ຕ້ອງຄຸ້ມຄອງຢ່າງແໜ້ນແຟ້ນກ່ຽວກັບລາຍຈາຍ ຜ່ານບັນດາການເຄື່ອນໄຫວກວດາກ່ອນ. ກ່ອນນີ້, ເມື່ອກິດຈະກຳໄດ້ຮັບການກໍ່ສ້າງຮຽບຮ້ອຍແລ້ວ ຈຶ່ງກວດກາ, ເມື່ອພົບເຫັນມັນຈະກໍ່ຜົນຮ້າຍຢ້ອນຫຼັງຢ່າງໜັກໜ່ວງ, ສະນັ້ນ, ຄວນກວດກາກ່ອນ ເພື່ອຈຳກັດບັນດາຜົນຮ້າຍ ບໍ່ພຽງແຕ່ດ້ານຄຸນນະພາບເທົ່ານັ້ນ ຫາກທັງປະສິດທິຜົນຂອງການລົງທຶນອີກດ້ວຍ”.
ກ່ຽວກັບການປ່ຽນໃໝ່ຮູບແບບຄຸ້ມຄອງໂຄງການລົງທຶນກໍ່ສ້າງກິດຈະກຳ, ບັນດາຜູ້ແທນຖືວ່າ ຮ່າງກົດໝາຍກຳນົດຮູບແບບຈັດຕັ້ງຄະນະຄຸ້ມຄອງໂຄງການຕາມເຂດ ຫຼື ຕາມຮູບແບບຄະນະຄຸ້ມຄອງໂຄງການສະເພາະຂະແໜງ ແມ່ນເໝາະສົມກັບທຳນຽມສາກົນ. ແຕ່ວ່າ, ຮ່າງກົດໝາຍຕ້ອງເຮັດແຈ້ງຕື່ມກ່ຽວກັບບົດບາດ, ໜ້າທີ່ຮັບຜິດຊອບ, ສິດຂອງເຈົ້າຂອງລົງທຶນ, ຂອງຄະນະຄຸ້ມຄອງໂຄງການ ແລະ ບັນດາຝ່າຍເຂົ້າຮ່ວມການປະຕິບັດໂຄງການກໍ່ສ້າງ.