(vovworld) – “ຄວາມປອດໄພໃນການເດີນທະເລຢູ່ອາຊີຕາເວັນອອກ” ແມ່ນຫົວຂໍ້ຂອງກອງປະຊຸມສຳມະນາສາກົນ, ດຳເນີນໄປໃນວັນທີ 30/09, ຢູ່ບຣຸກແຊນ, ປະເທດແບນຊິກ. ນີແມ່ນເຫດການໂດຍສະຖາບັນຄົ້ນຄວ້າເອີລົບ ກ່ຽວກັບອາຊີ (EIAS) ສົມທົບກັບສະຖານບັນການຕ່າງປະເທດຫວຽດນາມ ແລະ ສະຖາບັນການພົວພັນສາກົນຍີ່ປຸ່ນ ຈັດຕັ້ງ. ບັນດານັກປາຖະກະຖາ ໄດ້ສຸມໃສ່ປຶກສາຫາລືກ່ຽວກັບຄວາມໝາຍທົ່ວໂລກໃນຂົງເຂດການເດີນທະເລຢູ່ອາຊີຕາເວັນອອກ; ບັນດາການຜັນແປ່ຫວ່າງມໍ່ໆມານີ້ຢູ່ທະເລຕາເວັນອອກ ແລະ ທະເລຮວາຕຸງ; ແງ່ມູມດ້ານນິຕິກຳກ່ຽວກັບການເດີນທະເລຢູ່ອາຊີຕາເວັນອອກ ແລະ ບັນດາເຂດທີ່ມີຄວາມສາມາດບົມຊ້ອນຮ່ວມມືເພື່ອສັນຕິພາບ, ຄວາມສະຫງົບ ແລະ ການພັດທະນາ. ທ່ານ Bruno Hellendroff, ສັງກັດກຸ່ມຄົ້ນຄວ້າ ແລະ ສື່ສານກ່ຽວກັບສັນຕິພາບ ແລະ ຄວາມສະຫງົບປອດໄພ (GRIP), ໃຫ້ຮູ້ວ່າ, EU ມີຄວາມວິຕົກກັງວົນທີ່ສຸດກ່ຽວກັບຄວາມຂາດສະຖຽນລະພາບຢູ່ທະເລຕາເວັນອອກ. ສະນັ້ນ, ການຮັກສາສັນຕິພາບ, ຄວາມສະຫງົບປອດໄພ ແລະ ວັດຖະນາຖາວອນຢູ່ພາກພື້ນອາຊີ - ປາຊີຟິກ ແລະ ໃນໂລກເວົ້າລວມ ກໍ່ຄືຮັບປະກັນເຄົາລົບກົດໝາຍສາກົນ, ບັນດາມາດຖານສາກົນ ແມ່ນມີຄວາມຈຳເປັນທີ່ສຸດ. ຕາມຜູ້ຊ່ຽວສານ Nicolas Gosset, ສັງກັດສູນຄົ້ນຄວ້າກ່ຽວກັບການປ້ອງກັນຊາດປ້ອງກັນຄວາມສະຫງົບແລ້ວ, ເພື່ອແກ້ໄຂຄວາມເຄັ່ງຕຶງຢູ່ທະເລຕາເວັນອອກ ແລະ ທະເລຮວາຕຸງ, ບັນດາຝ່າຍທີ່ກ່ຽວຂ້ອງ ຕ້ອງດຳເນີນການເຈລະຈາສັນຕິພາບ. ໃນກໍ່ລະນີຈຳເປັນ, ອາດຈະອາໄສສານສາກົນ. ທ່ານກໍ່ຕີລາຄາສູງຫຼັກໝັ້ນ ແລະ ທັດສະນະຂອງຫວຽດນາມ ຢູ່ບັນດາເວທີປາໄສສາກົນທີ່ກ່ຽວຂ້ອງເຖິງທະເລຕາເວັນອອກ.