ທ່ານເລຂາທິການໃຫຍ່ ເຮັດວຽກຢູ່ກອນຕຸມ
(ພາບ; TTXVN)
(vovworld) - ຕອນເຊົ້າວັນທີ 14/4, ເມື່ອເຮັດວຽກກັບການນຳຫຼັກແຫຼ່ງແຂວງ ກອນຕຸມ, ທ່ານເລຂາທິການໃຫຍ່ ຄະນະບໍລິຫານງານ ສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ ປາຖະໜາວ່າ, ກອນຕຸມ ສືບຕໍ່ປ່ຽນໃໝ່ຈີນຕະນາການ, ແບບວິທີຊີ້ນຳນຳພາ, ແບບແຜນການເຮັດວຽກ, ລະດົມການເຂົ້າຮ່ວມຂອງທັງລະບົບການເມືອງ ແລະ ທົ່ວປວງຊົນ, ນຳ ກອນຕຸມ ພັດທະນາຢ່າງໄວ ແລະ ໝັ້ນຄົງກວ່າ.
ທ່ານເລຂາທິການໃຫຍ່ ຫງວຽນຟູ໋ຈ້ອງ ເຈາະຈີ້ມວ່າ, ການພັດທະນາເສດຖະກິດດ່ານຊາຍແດນ ກໍ່ແມ່ນທິດເດີນຂອງແຂວງ ກອນຕຸມ, ເພື່ອເສີມຂະຫຍາຍບົດບາດເປັນແຫ່ງແລກປ່ຽນການຄ້າກັບ ລາວ, ກຳປູເຈຍ, ໄທ ແລະ ມຽນມາ. ທ່ານຍັງໃສ່ໃຈເປັນພິເສດວ່າ, ກອນຕຸມ ຄວນຂຸດຄົ້ນ, ເສີມຂະຫຍາຍທ່າແຮງຈາກປ່າ, ຊ່ວຍປັບປຸງຊີວິດການເປັນຢູ່ຂອງປະຊາຊົນ ແລະ ປົກປັກຮັກສາສິ່ງແວດລ້ອມຊີວະພາບ. ຄຽງຂ້າງນັ້ນ, ກອນຕຸມ ຄວນປົກປັກຮັກສາ, ຂຸດຄົ້ນ, ເສີມຂະຫຍາຍຄວາມສາມາດບົ່ມຊ້ອນກ່ຽວກັບທີ່ດິນອັນກວ້າງໃຫຍ່ໃນບໍລິເວນ, ຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍໃນທົ່ວສັງຄົມ, ເຮັດວຽກງານການຕ່າງປະເທດໃຫ້ດີ, ຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບ ເພື່ອພັດທະນາ.