ກະຊວງການຄ້າ ອາເມລິກາ ຈັດວາງອັດຕາພາສີສູງໃຫ້ປະຈາຂອງ ຫວຽດນາມ
ການປຸງແຕ່ງ ປາບາຊາ, ປາຈາ
(ພາບປະກອບ)
(vovworld) – ວັນທີ 5/9, ກະຊວງການຄ້າ ອາເມລິກາ ໄດ້ປະກາດຜົນເບື້ອງຕົ້ນຂອງການກວດກາບໍລິຫານຄັ້ງທີ 9 ສຳລັບປາຈາ, ປາບາຊາສົ່ງອອກຈາກ ຫວຽດນາມ. ຕາມນັ້ນແລ້ວ, ປະເພດປາຈາ... ເຊເຢັນຂອງ ຫວຽດນາມ ສົ່ງເຖິງ ອາເມລິກາໃນໄລຍະແຕ່ວັນທີ 1/8/2011 ຮອດ 31/7/2012 ຖືກຈັດວາງພາສີຕ້ານຂາຍບຸບລາຄາສູງສຸດ. ລະອຽດຄື, ອັດຕາພາສີສົ່ງອອກສຳລັບຜະລິດຕະພັນຂອງບໍລິສັດຫຸ້ນສ່ວນ ຫວີງຮ່ວານ ແລະ ບໍລິສັດ ຮູ່ງເວືອງ ລ້ວນແຕ່ເພີ່ມຂຶ້ນທົບ 2 ເທົ່າເມື່ອທຽບໃສ່ການກວດກາຄັ້ງທີ 8, ແມ່ນຂຶ້ນເຖິງ 0,42 USD/kg ດ້ວຍຜະລິດຕະພັນຂອງບໍລິສັດ ຫວິງຮ່ວານ ແລະ 2,15 USD/kg ສຳລັບບໍລິສັດ ຮູ່ງເວືອງ. ອັດຕາພາສີສຳລັບບັນດາຫົວໜ່ວຍສະໝັກໄຈອື່ນໃນການກວດກາຄັ້ງນີ້ເຖິງວ່າຢູ່ໃນອັດຕາຕຳ່ກ່ວາ, ແຕ່ກໍ່ຂຶ້ນເຖິງ 0,99 USD/kg , ສ່ວນບັນດາບໍລິສັດອື່ນແມ່ນ 2,11 USD/kg. ກະຊວງການຄ້າ ອາເມລິກາ ໄດ້ເລືອກເຟັ້ນ ອິນໂດເນເຊຍ ເປັນພື້ນຖານເພື່ອຄິດໄລ່ລະດັບການຂ້າຍບຸບລາຄາ ແລະ ຈັດວາງອັດຕາພາສີຂາຍບຸບລາຄາ, ເຖິງວ່າ ອິນໂດເນເຊຍ ບໍ່ຢູ່ໃນບັນຊີລາຍຊື່ບັນດາປະເທດໂດຍກະຊວງດັ່ງກ່າວປະກາດໃນເດືອນ 11/2011. ສະຫະສະມາຄົມປຸງແຕ່ງ ແລະ ສົ່ງອອກສິນໃນນ້ຳ ຫວຽດນາມ (Vasep) ໄດ້ຄັດຄ້ານຄຳຕັດສິນໂດຍບັງເອີນ ແລະ ຍັງມີຄວາມຂັດແຍ່ງກັນນີ້ໃນທັນທີ. ທ່ານ ເຈືອງດິ່ງແຮ່ວ (Trương Đình Hòe), ເລຂາທິການໃຫຍ່ສະຫະສະມາຄົມປຸງແຕ່ງ ແລະ ສົ່ງອອກສິນໃນນ້ຳ ຫວຽດນາມ, ໃຫ້ຮູ້ວ່າ:
“Vasep ບໍ່ພໍໃຈຕໍ່ວິທີປ່ຽນແປງຢ່າງກະທັນຫັນ ແລະ ວິທີເລືອກເຟັ້ນປະເທດປ່ຽນແທນ. ບາງເທື່ອກະຊວງການຄ້າ ອາເມລິກາ ພວມຖືກກຳລັງດັ່ນດ້ານການເມືອງແລະ ບັນດາເຈົ້າຂອງຟາມລ້ຽງປາໜັງ. ພວກຂ້າພະເຈົ້າຄິດວ່າ, ກະຊວງການຄ້າ ອາເມລິກາ ຕ້ອງມີວິໄສທັດພາວະວິໄສກ່ວາ, ຍຸຕິທຳກ່ວາໃນການພິຈາລະນາກໍລະນີຮ້ອງຟ້ອງ.”
ແລະກໍ່ກ່ຽວຂ້ອງເຖິງບັນຫານີ້, ເມື່ອຕອບສຳພາດນັກຂ່າວວິທະຍຸກະຈາຍສຽງ ຫວຽດນາມ ປະຈຳ ອາເມລິກາ, ທ່ານ Matthew McConkey, ທະນາຄວາມທີ່ປຶກສາຂອງ ຫວຽດນາມ ໃຫ້ຮູ້ວ່າ:
“ຂ້າພະເຈົ້າແປກປະຫຼາດໃຈເມື່ອກະຊວງການຄ້າ ອາເມລິກາ ເລືອກເຟັ້ນ ອິນໂດເນເຊຍ ແມ່ນປະເທດເພື່ອສົມທຽບເພື່ອຄິດໄລ່ອັດຕາພາສີນຳເຂົ້າສຳລັບປາຈາ ແລະ ປາບາຊາຂອງ ຫວຽດນາມ. ຕາມທຳນຽມແລ້ວ, ກ່ອນດຳເນີນບັນດາການກວດກາ, ກະຊວງການຄ້າ ອາເມລິກາ ລ້ວນແຕ່ປະກາດບັນຊີລາຍຊື່ບັນດາປະເທດອາດຈະໄດ້ຮັບການເລືອກເຟັ້ນເພື່ອສົມທຽບໃນການກວດກາຄັ້ງທີ 9 ນີ້, ອິນໂດເນເຊຍ ບໍ່ມີຊື່ໃນບັນຊີລາຍຊື່ດັ່ງກ່າວໂດຍກະຊວງການຄ້າ ອາເມລິກາ ເລືອກເອົາປະເທດເພື່ອສົມທຽບໂດຍອີງໃສ່ຍອດລາຍຮັບຂອງທົ່ວປະເທດ, ໃນຂະນະທີ່ຍອດລາຍຮັບທົ່ວປະເທດຂອງ ຫວຽດນາມ ແລະ ອິນໂດເນເຊຍ ແມ່ນແຕກຕ່າງກັນ”
ຕາມທະນາຍຄວາມ Matthew McConkey, ເລື່ອງ ອິນໂດເນເຊຍ ບໍ່ມີຊື່ໃນບັນຊີລາຍຊື່ດັ່ງກ່າວ ແມ່ນປັດໄຈສຳຄັນເພື່ອໃຫ້ ຫວຽດນາມ ສືບຕໍ່ຕໍ່ສູ້ກັບກະຊວງການຄ້າ ອາເມລິກາ ໃນໄລຍະຈະມາເຖິງ. ຍ້ອນຕາມແຜນການແລ້ວ, ກະຊວງການຄ້າ ອາເມລິກາ ຈະຍົກອອກຄຳຕັດສິນສຸດທ້າຍໃນເດືອນ 3/2014. ໃນໄລຍະຈະມາເຖິງ, ຫວຽດນາມ ຄວນມີບັນດາການເຄື່ອນໄຫວລະອຽດເພື່ອສາມາດປ່ຽນແປງຄຳຕັດສິນບໍ່ຖືກຕ້ອງຕາມກົດໝາຍນີ້.