ກະຊວງການຕ່າງປະເທດຕັ້ງໜ້າໜູນຊ່ວຍຍາດຕິພີ່ນ້ອງຊາວຫວຽດນາມຖືກເສຍຊີວິດໃນຖ່ຽວບິນ MH17
ຍາດຕິພີ່ນ້ອງຂອງຜູ້ໂດຍສານ
(ພາບ: Reuters)
(vovworld) - ຕາມຂ່າວໃໝ່ສຸດ, ໃນຈຳນວນຜູ້ໂດຍສານ 298 ຄົນທີ່ເສຍຊີວິດ ໃນຖ້ຽວບິນ MH17 ຂອງບໍລິສັດການບິນແຫ່ງຊາດມາເລເຊຍ ທີ່ຖືກຕົກຢູ່ເຂດຕາເວັນອອກ ຢູແກຼນ ນັ້ນ, ມີຊາວຫວຽດນາມ 3 ຄົນ.
ຕອນເຊົ້າວັນທີ 19/7, ຜູ້ຕາງໜ້າ ກະຊວງການຕ່າງປະເທດຫວຽດ ນາມ ໃຫ້ຮູ້ວ່າ, ພາຍຫຼັງໄດ້ຮັບຂ່າວກ່ຽວກັບເລື່ອງພົນລະເມືອງຫວຽດນາມ ທີ່ມີສັນຊາດຮອນລັງ 3 ຄົນ ໃນຖ່ຽວບິນ MH17 ຂອງບໍລິສັດການບິນແຫ່ງຊາດມາເລເຊຍ ຖືກຕົກຢູ່ ຢູແກຼນ ໃນວັນທີ 17/7ນັ້ນ, ກະຊວງການຕ່າງປະເທດຫວຽດນາມໄດ້ຊີ້ນຳໃຫ້ບັນດາອົງການຕາງໜ້າຫວຽດນາມປະຈຳມາເລເຊຍ, ຢູແກຼນ, ຮອນລັງ ຮີບເຮັ່ງຊອກຮູ້ຂໍ້ມູນທີ່ກ່ຽວຂ້ອງເຖິງພົນລະເມືອງຫວຽດນາມທີ່ມີໜ້າໃນຖ້ຽວບິນດັ່ງກ່າວ. ແລະ ແຈ້ງຂ່າວ, ແນະນຳກ່ຽວກັບລະບຽບການນິຕິກຳທີ່ຈຳເປັນໃຫ້ຄອບຄົວຜູ້ປະສົບເຄາະຮ້າຍ. ປະຈຸບັນ, ກົມກົງສູນ (ກະຊວງການຕ່າງປະເທດ), ສະຖານທູດຫວຽດນາມປະຈຳມາເລເຊຍ, ຢູແກຼນ, ຮອນລັງ ພວມຕັ້ງໜ້າເຮັດວຽກກັບບັນດາອົງການທີ່ກ່ຽວຂ້ອງ ເພື່ອຊ່ວຍເຫຼືອຍາດຕິພີ່ນ້ອງຜູ້ປະສົບເຄາະຮ້າຍແກ້ໄຂວຽກງານພາຍຫຼັງອຸປະຕິເຫດໃຫ້ບັນດາຜູ້ປະສົບເຄາະຮ້າຍ.