(vovworld) – ວັນທີ 13/7, ຕຳຫຼວດ ຕວກກີ ອີກເທື່ອໜຶ່ງໄດ້ນຳໃຊ້ທໍ່ສີດນ້ຳ ແລະ ແກັດນ້ຳຕາເພື່ອໃຫ້ເລີກກຸ່ມຄົນແຫ່ຂະວນປະທ້ວງ ທີ່ພວມມານະພະຍາຍາມບຸກເຂົ້າສວນສາທາລະນະ Gezi ລຽບຕາມສະໜາມຫຼວງ Taksim ຢູ່ນະຄອນ Istanbul, ບ່ອນໄດ້ຮັບຖືວ່າແມ່ນ “ຫົວໃຈ” ຂອງກະແສຟອງ ແຫ່ຂະບວນປະທ້ວງຕ້ານລັດຖະບານຂອງນາຍົກລັດຖະມົນຕີ Tayyip Erdogan ທີ່ແກ່ຍາວມາເປັນເວລາ 2 ເດືອນຜ່ານມາ. ການແຫ່ຂະບວນປະທ້ວງໂດຍກຳມະບານສະຫະສະມາຄົມນັກສາຖາປະນິກ ແລະ ນັກວິສະວະກອນ ປຸກລະດົມ, ໂດຍມີການເຂົ້າຮ່ວມຂອງນັບຮ້ອຍຄົນ ແນໃສ່ຄັດຄ້ານຮ່າງກົດໝາຍສະບັບໜຶ່ງທີ່ຈະມີຜົນສັດສິດໃນອາທິດໜ້າ, ຕາມນັ້ນແລ້ວ, ສະຫະສະມາຄົມນີ້ບໍ່ມີຄວາມສາມາດສົ່ງຜົນສະທ້ອນເຖິງບັນດາແຜນການກໍ່ສ້າງຂອງນະຄອນອີກ. ໃນຂະນະນັ້ນ, ຢູ່ນະຄອນ Antakya, ປະຊາຊົນນັບຮ້ອຍຄົນໄດ້ເຕົ້າໂຮມກັນຢູ່ Armutl ເພື່ອອາໄລຫາຊາວທ້ອງຖິ່ນ 2 ຄົນໄດ້ເສຍຊີວິດໃນການແຫ່ຂະບວນປະທ້ວງຄັດຄ້ານລັດຖະບານກ່ອນນັ້ນ. ສ່ວນຢູ່ນະຄອນຫຼວງ Ankara, ປະຊາຊົນນັບຮ້ອຍຄົນກໍ່ໄດ້ເຂົ້າຮ່ວມການແຫ່ຂະບວນປະທ້ວງຢູ່ສະຖານທີ່ຕ່າງໆໃກ້ກັບສະຖານທູດ ອາເມລິກາ.
ແລະກໍ່ໃນວັນດຽວກັນ, ຢູ່ ບຸນກາຣີ, ມີປະມານ 2.500 ຄົນໄດ້ເຂົ້າຮ່ວມການແຫ່ຂະບວນປະທ້ວງຢູ່ນະຄອນຫຼວງ Sophia ເພື່ອຄັດຄ້ານລັດຖະບານ. ບັນດາຜູ້ແຫ່ຂະບວນປະທ້ວງໄດ້ເດີນຂະບວນລຽບຕາມຖະໜົນສາຍຕ່າງໆຢູ່ໃຈກາງ, ຮຽກຮ້ອງໃຫ້ລັດຖະບານຂອງນາຍົກລັດຖະມົນຕີ Plamen Oresharski ລາອອກຈາກຕຳແໜ່ງ. ການແຫ່ຂະບວນປະທ້ວງໄດ້ສົ່ງຜົນສະທ້ອນຢ່າງໜັກໜ່ວງເຖິງສະພາບການສັນຈອນໄປມາ.