(vovworld) – ຕາມບົດລາຍງານກ່ຽວກັບໝາກຜົນແຫ່ງການປະຕິບັດບັນດາມະຕິຊັກຖາມ ແລະ ຕອບຄຳຊັກຖາມຂອງກະຊວງການເງິນທີ່ ຍື່ນສະເໜີຕໍ່ສະພາແຫ່ງຊາດແລ້ວ, ການຊຳລະໜີ້ ແລະ ເງິນຊ່ວຍເຫຼືອ, ຕາມແຜນການແລ້ວແມ່ນ 120.000 ຕື້ດົ່ງ, ໃນໄລຍະປະຕິບັດ 9 ເດືອນແມ່ນກ່ວາ 100.000 ຕື້ດົ່ງ, ເທົ່າກັບ 84,9% ຂອງແຜນການ, ເພີ່ມຂຶ້ນ 30% ເມື່ອທຽບໃສ່ໄລຍະດຽວກັນຂອງປີ 2013. ຄາດວ່າທັງປີຈະບັນລຸໄດ້ 120.000 ຕື້ດົງ, ເທົ່າກັບ 100% ຂອງແຜນການ, ເພີ່ມຂຶ້ນ 14,3% ເມື່ອທຽບໃສ່ປີ 2013.
ທ່ານລັດຖະມົນຕີກະຊວງການເງິນ ຫວຽດນາມ ດິງຕ໋ຽນຢູ້ງ ຢືນຢັນວ່າວຽກງານຄຸ້ມຄອງ, ບໍລິຫານງົບປະມານແຫ່ງລັດຮັບປະກັນຄວາມຄືບໜ້າໃນການປະຕິບັດບັນດາໜ້າທີ່ຈ່າຍຕາມແຜນງົບປະມານທີ່ໄດ້ມອບໝາຍ, ເພີ່ມຄວາມສາມາດຊຳລະໜີ້ສິນຂອງງົບປະມານຫ່ງລັດ, ພ້ອມທັງປະຕິບັດບັນດາໜ້າທີ່ສຳຄັນຄື: ແກ້ໄຂຜົນຮ້າຍຍ້ອນພະຍຸ, ນ້ຳຖ້ວມກໍ່ຂຶ້ນ, ເພີ່ມງົບປະມານປ້ອງກັນ, ຕ້ານໂລກພະຍາດ… ຄຽງຄູ່ກັນນັ້ນ, ອົງການການເງິນທຸກຂັ້ນເພີ່ມທະວີວຽກງານຄຸ້ມຄອງ ແລະ ນຳໃຊ້ທຶນ, ຊັບສົນບັດຂອງລັດຢູ່ບັນດາຫົວໜ່ວຍນຳໃຊ້ງົບປະມານ, ສຸມໃສ່ກວດກາເລື່ອງນຳໃຊ້ລາຍຈ່າຍຈັດຕັ້ງກອງປະຊຸມ, ແຕ່ງຕັ້ງບັນດາຄະນະພົບປະແລກປ່ຽນ, ໄປທັດສະນະສຶກສາທ່ອງທ່ຽວພາຍໃນ ແລະ ຕ່າງປະເທດ.