ການຕ່າງປະເທດ ປະຊາຊົນສືບຕໍ່ປະຕິບັດ ຕາມແຜນນະໂຍບາຍ ເຊື່ອມໂຍງເຂົ້າກັບສາກົນ
(ພາບປະກອບ)
(vovworld) - ໂດຍສືບຕໍ່ເສີມຂະຫຍາຍບັນດາຜົນງານທີ່ບັນລຸໄດ້ໃນວຽກງານການຕ່າງປະເທດປະຊາຊົນອາຍຸການ 2003 – 2013, ໃນອາຍຸການ 5 ປີຈະມາເຖິງ. ສະຫະພັນບັນດາອົງການມິດຕະພາບຫວຽດນາມ ຈະສືບຕໍ່ພັດທະນາວຽກງານຂອງຕົນຕາມແຜນນະໂຍບາຍລວມຂອງພັກ, ລັດຫວຽດນາມ ແມ່ນເຊື່ອມໂຍງເຂົ້າກັບສາກົນຢ່າງຮອບດ້ານ. ທ່ານຮອງປະທານຜູ້ປະຈຳການສະຫະພັນບັນດາອົງການມິດຕະພາບຫວຽດນາມ ດົນຕ໋ວນຟອງ ຢືນຢັນຄືດັ່ງກ່າວທີ່ການພົບປະກັບສື່ມວນຊົນໃນວັນທີ 24/12, ເພື່ອໃຫ້ຂ່າວກ່ຽວກັບໝາກຜົນວຽກງານການຕ່າງປະເທດປະຊາຊົນອາຍຸການ 2008 – 2013 ແລະ ກອງປະຊຸມໃຫຍ່ຜູ້ແທນທົ່ວປະເທດສະຫະພັນຄັ້ງທີ 5 ອາຍຸການ 2013 – 2017, ເຊິ່ງຈະດຳເນີນຢູ່ຮ່າໂນ້ຍ ໃນວັນທີ 30/12 ຈະມາເຖິງ.
ຕາມທ່ານ ດົນຕ໋ວນຟອງ ແລ້ວ, ການເຄື່ອນໄຫວຂອງສະຫະພັນບັນດາອົງການມິດຕະພາບ ໃນ 5 ປີຜ່ານມາ ໄດ້ຮັບການພັດທະນາຢ່າງແຮງ, ຕັ້ງໜ້າ, ມີລັກສະນະກະໂດດຂັ້ນໃນວຽກງານສັນຕິພາບ, ສາມັກຄີ, ຮ່ວມມືກັບປະຊາຊົນ ແລະ ຂົນຂວາຍການອຸປະຖຳບໍຂຶ້ນກັບລັດຖະບານຂອງຕ່າງປະເທດ. ໃນ 5 ປີຈະມາເຖິງສະຫະພັນບັນດາອົງການມິດຕະພາບຫວຽດນາມ ຈະປະກອບສ່ວນເຂົ້າໃນພາລະກິດພັດທະນາເສດຖະກິດ, ສັງຄົມຂອງປະເທດຊາດ. ທ່ານ ດົນຕ໋ວນຟອງ ເນັ້ນໜັກວ່າ.
“ໃນອາຍຸການຈະມາເຖິງ, ສະຫະພັນຈະສືບຕໍ່ປິຕິບັດແຜນນະໂຍບາຍລວມ ແມ່ນເຊື່ອມໂຍງເຂົ້າກັບສາກົນຢ່າງຮອບດ້ານ. ພວກເຮົາສຸມໃສ່ເຂົ້າໃນບັນດາປະເທດບ້ານໃກ້ເຮືອງຄຽງ, ບັນດາປະເທດທີ່ມີການພົວພັນຄູ່ຮ່ວມມືຍຸດທະສາດ, ຄູ່ຮ່ວມມືຮອບດ້ານ, ໃຫ້ບຸລິມະສິດແກ່ການພົວພັນກັບບັນດາປະເທດອາຊຽນ. ສື່ຂ່າວການຕ່າງປະເທດ, ໂຄສະນາກ່ຽວກັບປະເທດຊາດ ແລະ ຊາວຫວຽດນາມ, ປະກອບສ່ວນຮັກສາສິດຜົນປະໂຫຍດອັນສອບທຳຂອງຫວຽດນາມ ເມື່ອເຊື່ອມໂຍງເຂົ້າກັບສາກົນ”.
ຄາດວ່າ, ກອງປະຊຸມໃຫຍ່ທົ່ວປະເທດຄັ້ງທີ 5 ສະຫະພັນບັນດາອົງການມິດຕະພາບຫວຽດນາມ ຈະມີຜູ້ແທນກວ່າ 500 ທ່ານທັງຢູ່ພາຍໃນ ແລະ ຕ່າງປະເທດເຂົ້າຮ່ວມ.