ການນຳລັດຖະບານ,ນະຄອນຮ່າໂນ້ຍໄປອວຍພອນຊາວຄຼິດເນື່ອງໃນໂອກາດວັນບຸນຄຼິດສມາດ
ທ່ານເລຂາຄະນະພັກ ນະຄອນ ຮ່າໂນ້ຍ ຟ້າມກວາງຫງີ້ ໄດ້ລົງມອບຂອງຂວັນ ແລະ ອວຍພອນເຂດຊາວຄຼິດ
(ພາບ: baomoi.com)
(vovworld) – ທີ່ການພົບປະໃນວັນທີ 21/12, ທ່ານຮອງນາຍົກລັດຖະມົນຕີ ຫງວຽນຊວນຟຸກ ຕີລາຄາສູງການປະກອບສ່ວນຂອງເຂດຊາວຄຼິດ ຊວນໂລກ ໃນພາລະກິດພັດທະນາເສດຖະກິດ - ສັງຄົມຂອງແຂວງ ດົ່ງນາຍ ເວົ້າສະເພາະ ແລະ ທົ່ວປະເທດເວົ້າລວມ. ພິເສດແມ່ນເລື່ອງເຂດຊາວຄຼິດໄດ້ຈັດຕັ້ງກອງປະຊຸມຄັ້ງໃຫຍ່ຄື: ກອງປະຊຸມລະຫວ່າງສະພາສັງຄະລາດ ອາຊີ, ກອງປະຊຸມສະພາສັງຄະລາດ ຫວຽດນາມ ... ທ່ານຮອງນາຍົກລັດຖະມົນຕີ ຫງວຽນຊວນຟຸກ ຫວັງວ່າ: ບັນດາສັງຄະລາດ, ຜູ້ມີຍົດຖາບັນດາສັກສືບຕໍ່ຂົນຂວາຍຊາວຄຼິດມານະພະຍາຍາມໃນບົດບາດເປັນຊາວຄຼິດດີ, ພ້ອມທັງແມ່ນພົນລະເມືອງຜູ້ທີ່ດີ, ເຮັດຫຼ້ອນໜ້າທີ່ຄວາມຮັບຜິດຊອບຂອງຊາວຄຼິດທີ່ມີຕໍ່ປະເທດຊາດ.
ສັງຄະລາດ ດາມິງຫງວຽນຈູຈິງ ຂໍຂອບອົບຂອບໃຈຕໍ່ພັກ ແລະ ລັດ ໃນໄລຍະຜ່ານມາໄດ້ສ້າງເງື່ອນໄຂໃຫ້ແກ່ເຂດຊາວຄຼິດ ເຄື່ອນໄຫວຕາມແນວທາງ, ທິດນຳຂອງສາສະໜາຄຼິດ. ພ້ອມທັງຢັ້ງຢືນຈະສືບຕໍ່ຂົນຂວາຍບັນດາຜູ້ມີຍົດຖາບັນດາສັກ, ຄຸນພໍ່ ແລະ ຊາວຄຼິດດຳລົງຊີວິດດ້ວຍເມດຕາຈິດ, ຮ່ວມແຮງຮ່ວມໃຈສ້າງສາບ້ານເກີດເມືອງນອນ, ປະເທດຊາດໃຫ້ນັບມື້ນັບສີວິໄລ, ຮັ່ງມີ, ສວຍງາມ.
ແລະກໍ່ໃນວັນທີ 22/12, ທ່ານເລຂາຄະນະພັກ ນະຄອນ ຮ່າໂນ້ຍ ຟ້າມກວາງຫງີ້ ໄດ້ລົງມອບຂອງຂວັນ ແລະ ອວຍພອນເຂດຊາວຄຼິດ ຮ່າມລອງ, ເມືອງ ຮ່ວານກຽມ ແລະ ເຂດຊາວຄຼິດ ເກື໋ອບັກ, ເມືອງ ບາດິ່ງ, ຮ່າໂນ້ຍ.