ການນຳສປປລາວຕ້ອນຮັບຄະນະຜູ້ແທນຂັ້ນສູງນະຄອນໂຮ່ຈິມິນ
ມິ້ບິ່ງ, ນັກຂ່າວ VOV ປະຈຳລາວ -
ການນຳລາວ ຕ້ອນຮັບ
ທ່ານເລຂາຄະນະພັກນະຄອນໂຮ່ຈິມິນ ເລແທງຫາຍ
(ພາບ: kpl.gov.la)
(vovworld) – ໂດຍສືບຕໍ່ການຢ້ຽມຢາມ ແລະ ເຮັດວຽກຢູ່ ສປປ.ລາວ ຂອງຄະນະຜູ້ແທນຂັ້ນສູງນະຄອນໂຮ່ຈິມິນ ໂດຍທ່ານ ເລແທງຫາຍ ເລຂາຄະນະພັກນະຄອນນຳໜ້າ, ວັນທີ 8/4, ຄະນະຜູ້ແທນໄດ້ພົບປະເຈລະຈາກັບທ່ານນາຍົກລັດຖະມົນຕີ ສປປ.ລາວ ທອງສິງ ທຳມະວົງ, ທ່ານຮອງປະທານປະເທດ ສປປ.ລາວ ບຸນຍັງ ວໍລະຈິດ. ກ່ອນໜ້ານັ້ນ, ວັນທີ 7/4 ຄະນະໄດ້ເຂົ້າຢ້ຽມຂ່ຳນັບ ທ່ານເລຂາທິການໃຫຍ່, ປະທານປະເທດ ຈູມມາລີ ໄຊຍະສອນ.
ທີ່ການພົບປະຕ່າງໆ, ທ່ານເລຂາຄະນະພັກນະຄອນໂຮ່ຈິມິນ ເລແທງຫາຍ ຢືນຢັນວ່າ: ນະຄອນໂຮ່ຈິມິນ ຖືເປັນສຳຄັນ ແລະ ເຮັດຈົນສຸດຄວາມສາມາດຂອງຕົນ ເພື່ອຮັກສາ, ປັບປຸງ, ພັດທະນາການພົວພັນພິເສດກັບ ສປປ.ລາວ ເວົ້າລວມ ແລະ ບັນດາທ້ອງຖິ່ນ ລາວ ເວົ້າສະເພາະ; ຮັກສາ ແລະ ເສີມຂະຫຍາຍການພົວພັນແຮກສ່ຽວກັບນະຄອນຫຼວງ ວຽງຈັນ ແລະ ແຂວງ ຈຳປາສັກ ຢ່າງບໍ່ຢຸດຢັ້ງ.
ທ່ານເລຂາຄະນະພັກນະຄອນໂຮ່ຈິມິນ ເລແທງຫາຍ ປາດຖະໜາວ່າ: ລັດຖະບານ ລາວ ສືບຕໍ່ສ້າງເງື່ອນໄຂສະດວກໃຫ້ບັນດາວິສາຫະກິດ ຫວຽດນາມ ກໍ່ຄືວິສາຫະກິດນະຄອນ ໂຮ່ຈິມິນ ລົງທຶນດຳເນີນທຸລະກິດ, ຜັນຂະຫຍາຍບັນດາໂຄງການລົງທຶນຢູ່ ລາວ ຢ່າງມີປະສິດທິຜົນ. ທ່ານກໍ່ໄດ້ສະແດງຄວາມພາກພູມໃຈເມື່ອເຫັນວ່າການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ນັບມື້ນັບໄດ້ຮັບການເພີ່ມທະວີ, ພັດທະນາຢ່າງເລິກເຊິ່ງ, ກ້ວາງຂວາງໃນທຸກຂົງເຂດ, ມີປະສິດທິຜົນ ແລະ ແທດຈິງ.
ມິ້ບິ່ງ, ນັກຂ່າວ VOV ປະຈຳລາວ