ການນຳຫວຽດນາມ-ຟີລິບປິນຢັ້ງຢືນຖືເປັນສຳຄັນການຮ່ວມມື2ຝ່າຍ

ວັນພຸດ ທີ 7 ກັນຍາ ຄ.ສ. 2016 | 13:59:06

(vovworld) – ພາຍຫຼັງພິທີໄຂກອງປະຊຸມສຸດຍອດ ອາຊຽນ 28 – 29, ຕອນບ່າຍວັນທີ 6/9, ຢູ່ນະຄອນຫຼວງ ວຽງຈັນ, ປະເທດ ລາວ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ມີການພົບປະກັບທ່ານປະທານາທິບໍດີ ຟີລິບປິນ Rodrigo Durterte. ໃນການພົບປະຄັ້ງທຳອິດລະຫວ່າງການນຳ 2 ປະເທດ, 2 ຝ່າຍຢັ້ງຢືນ, ຖືເປັນສຳຄັນການພົວພັນຮ່ວມມືຍຸດທະສາດລະຫວ່າງ ຫວຽດນາມ ແລະ ຟີລິບປິນ, ສະແດງຄວາມເພິ່ງພໍໃຈຕໍ່ບັນດາບາດກ້າວພັດທະນາຢ່າງແຮງຂອງການພົວພັນ 2 ປະເທດໃນທຸກໆຂົງເຂດຮ່ວມມື. ການນຳ 2 ປະເທດເນັ້ນໜັກເຖິງຄວາມສຳຄັນໃນການຮັກສາສັນຕິພາບ, ຄວາມໝັ້ນຄົງ, ຊຸກຍູ້ການຮ່ວມມືຢູ່ທະເລຕາເວັນອອກ, ແກ້ໄຂການຂັດແຍ້ງກັນໂດຍມາດຕະການສັນຕິພາບ, ເໝາະສົມກັບກົດໝາຍສາກົນ ແລະ ສົນທິສັນຍາກ່ຽວກັບກົດໝາຍວ່າດ້ວຍທະເລປີ 1982, ເຫັນດີເປັນເອກະສັນພ້ອມກັນຮ່ວມມືເພື່ອສູ້ຊົນໃຫ້ເປົ້າໝາຍນັ້ນ. 2 ຝ່າຍໄດ້ແລກປ່ຽນກ່ຽວກັບເລື່ອງ 2 ຝ່າຍເພີ່ມທະວີການສົມທົບ, ໃນນັ້ນມີກົນໄກລະຫວ່າງລັດຖະມົນຕີການຕ່າງປະເທດ 2 ປະເທດ, ຮັກສາບັນດາກົນໄກຮ່ວມມື 2 ຝ່າຍອື່ນໆອີກໃຫ້ເປັນປົກກະຕິ. 2 ຝ່າຍກໍ່ເຫັນດີເປັນເອກະສັນຈະສືບຕໍ່ສະໜັບສະໜູນເຊ່ິງກັນ ແລະ ກັນໃນເລື່ອງ ຫວຽດນາມ ໄດ້ດຳລົງຕຳແໜ່ງບົດບາດເປັນປະທານເວທີປາໄສຮ່ວມມືເສດຖະກິດ ອາຊີ - ປາຊີຟິກ (APEC) ແລະ ຟີລິບປິນ ເປັນປະທານ ອາຊຽນ ໃນປີ 2017.

ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເຊີນທ່ານປະທານາທິບໍດີ ຟີລິບປິນ Rodrigo Durterte ມາຢ້ຽມຢາມ ຫວຽດນາມ ຢ່າງເປັນທາງການ. ທ່ານປະທານາທິບໍດີ Durterte ຮັບຄຳເຊີນດ້ວຍຄວາມພູມໃຈ.