ການນຳອີຢູລົງນາມໃນຖະແຫຼງການໂຣມ
ການນຳອີຢູລົງນາມໃນຖະແຫຼງການໂຣມ
(ພາບ: EPA/TTXVN)
(vovworld) - ວັນທີ 25/03, ບັນດາການນຳສະຫະພາບເອີລົບ (ອີຢູ) ໄດ້ລົງນາມໃນ “ຖະແຫຼງການໂຣມ”, ໃນນັ້ນໃຫ້ຄຳໝັ້ນສັນຍາມຸ່ງໄປເຖິງອະນາຄົດລວມ ບໍ່ມີປະເທດອັງກິດ, ໃນສະພາບການທີ່ບັນດາວິກິດການໄດ້ ແລະ ພວມເຮັດໃຫ້ບັນດາຄວາມມານະພະຍາຍາມແນໃສ່ສ້າງຄວາມສາມັກຄີຢູ່ທະວີບນີ້ອ່ອນເພຍລົງ. ຖະແຫຼງການໂຣມ ໄດ້ຮັບຖືວ່າແມ່ນໝາກຜົນຕົ້ນຕໍ່ຂອງກອງປະຊຸມສຸດຍອດອີຢູ ສະເຫຼີມສະຫຼອງ 60 ປີແຫ່ງວັນເຊັນສົນທິສັນຍາໂຣມ ເຊິ່ງໄດ້ຮັບການຈັດຕັ້ງຢູ່ນະຄອນຫຼວງໂຣມ, ປະເທດອີຕາລີ. ຖະແຫຼງການໂຣມ ໄດ້ເນັ້ນໜັກເຖິງສຳພັນທະມິດທີ່ເປັນເອກະລັກສະເພາະ ດ້ວຍບັນດາລະບອບລະບຽບການລວມ ແລະ ບັນດາຄຸນຄ່າຢ່າງແຮງ, ປະຊາຄົມໜຶ່ງສັນຕິພາບ, ເສລພາບີ, ປະຊາທິປະໄຕ, ສິດທິມະນຸດ ແລະ ມີການເຄົາລົບກົດໝາຍ. ບັນດາການນຳອີຢູ ສະແດງຄວາມປາດຖະໜາກ່ຽວກັບສຳພັນທະມິດທີ່ປອດໄພ, ວັດທະນາຖາວອນ, ມີກຳລັງແກ່ງແຍ້ງ, ໝັ້ນຄົງ ແລະ ມີຄວາມຮັບຜິດຊອບຕໍ່ສັງຄົມໃນຮອບເວລາ 10 ປີຈະມາເຖິງ.