ທ່ານປະທານປະເທດຫວຽດນາມເຈີນດ້າຍກວາງ , ຫົວໜ້າຄະນະຊີ້ນຳການປະຕິຮູບດ້ານຕຸລາການຂັ້ນສູນກາງ |
(vovworld)- ວັນທີ 15/2, ຢູ່ຮ່າໂນ້ຍ, ບັນດາຂະແໜງຕຸລາການ, ການເມືອງພາຍໃນສູນກາງໄດ້ຈັດການປະຊຸມແລກປ່ຽນສົມທົບວຽກງານລະຫວ່າງບັນດາອົງການສຳນັກງານທີ່ມີການເຄື່ອນໄຫວຕຸລາການ ແລະ ການເມືອງພາຍໃນສູນກາງປີ 2016 ແລະ ຜັນຂະຫຍາຍໜ້າທີ່ວຽກງານປີ 2017. ກ່າວຄຳເຫັນທີ່ການເຮັດວຽກ, ທ່ານປະທານປະເທດຫວຽດນາມເຈີນດ້າຍກວາງ , ຫົວໜ້າຄະນະຊີ້ນຳການປະຕິຮູບດ້ານຕຸລາການຂັ້ນສູນກາງສະເໜີບັນດາອົງການຕຸລາການ ແລະ ການເມືອງພາຍໃນສູນກາງສຸມໃສ່ສ້າງນະໂຍບາຍກົດໝາຍ, ກົນໄກສົມທົບວຽກງານໃຫ້ສົມບູນແບບ, ຍູ້ແຮງການຕໍ່ສູ້, ແກ້ໄຂອາດຊະຍາກຳ, ຮັກສາຄວສາມສະຫງົບແຫ່ງຊາດ, ຄວາມເປັນລະບຽບຮຽບຮ້ອຍ, ຄວາມປອດໄພສັງຄົມໃຫ້ສົມບູນແບບ. ທ່ານປະທານປະເທດຫວຽດນາມເຈີນດ້າຍກວາງ ສະເໜີຈົ່ງຍູ້ແຮງວຽກງານປະຕິຮູບດ້ານຕຸລາການ, ເພີ່ມທະວີການປ້ອງກັນ ແລະ ຕ້ານການສໍ້ລາດບັງຫຼວງ, ການຟຸ່ມເຟືອຍ, ນຳໃຊ້ກົດໝາຍຢ່າງພາວະວິໄສ, ຊັດເຈນ, ຮັບປະກັນການຕັດສິນລົງໂທດໃຫ້ຖືກຕ້ອງຕາມລະບຽບກົດໝາຍ.