ການພົບປະສັງສັນຕົ້ນປີໃໝ່ຂອງຊາວຫວຽດນາມອາໄສຢູ່ແຂວງຊຽງຂວາງ
ພາບປະກອບ
|
(vovworld) – ຕອນຄຳ່ວັນທີ 26/2, ທີ່ນະຄອນຫຼວງ ວຽງຈັນ, ປະເທດ ລາວ, ສະໂມສອນໄທບ້ານດຽວ ຊຽງຂວາງ ໄດ້ຈັດຕັ້ງການພົບປະສັງສັນຕົ້ນປີໃໝ່ ເພື່ອອວຍພອນປີໃໝ່ປີມະແມ 2015, ສະຫຼຸບບັນດາວຽກງານທີ່ໄດ້ເຮັດໃນປີຜ່ານມາ ແລະ ວາງອອກທິດທາງການເຄື່ອນໄຫວໃນປີຈະມາເຖິງ.
ກ່າວຄວາມເຫັນທີ່ການພົບປະສັງສັນ, ທ່ານເອກອັກຄະລັດຖະທູດຫວຽດນາມ ປະຈຳລາວ ຫງວຽນແມ້ງຮຸ່ງ ເຊື່ອໝັ້ນວ່າ: ສະໂມໄທສອນບ້ານດຽວ ຊຽງຂວາງ ຈະສືບຕໍ່ເສີມຂະຫຍາຍມູນເຊື້ອຂອງຕົນກ່ວາອີກ, ບໍ່ພຽງແຕ່ປະກອບສ່ວນສ້າງການສະໜິດຕິດພັນ ລະຫວ່າງບັນດາຄອບຄົວຊາວ ຫວຽດ ນາມ ອາໄສຢູ່ຕ່າງປະເທດທີ່ມີກົກເຄົ້າ ຊຽງຂວາງ ເທົ່ານັ້ນ, ຫາກຍັງແມ່ນປັດໄຈ ເພື່ອກໍ່ສ້າງກຸ່ມກ້ອນສາມັກຄີຂອງປະຊາຄົມຊາວ ຫວຽດນາມ ຢູ່ ວຽງຈັນ ເວົ້າສະເພາະ ແລະ ປະຊາຄົມຊາວ ຫວຽດນາມ ຢູ່ ລາວ ເວົ້າລວມ. ເນື່ອງໃນໂອກາດນີ້, ທ່ານເອກອັກຄະລັດຖະທູດ ໄດ້ອວຍພອນບັນດາຄອບຄົວໃນສະໂມສອນໄທບ້ານດຽວ ຊຽງຂວາງ ເວົ້າສະເພາະ ແລະ ປະຊາຄົມຊາວ ຫວຽດນາມ ຢູ່ລາວ ເວົ້າລວມ ມີຊີວິດການເປັນຢູ່ອິ່ມໜຳສຳລານ, ມີຄວາມຜາສຸກ, ພ້ອມກັນສາມັກຄີ, ຊວ່ຍເຫຼືອເຊິ່ງກັນ ແລະ ກັນ ໃນການທຳມາຫາກິນ, ຮັກສາວັດທະນະທຳຂອງປະເທດຊາດ, ປະຕິບັດກົດໝາຍຂອງປະເທດລາວ ເປັນ ຢ່າງດີ, ປະກອບສ່ວນເພີ່ມພູນຄູນສ້າງສາຍພົວພັນມິດຕະພາບແບບພິເສດ ລະຫວ່າງ ຫວຽດນາມ-ລາວ