ຄະນະນັກຮົບເກົ່າ ຫວຽດນາມ ຢູ່ ແຂວງຊຽງຂວາງ
ພາບ: internet
|
(vovworld) - ຕອນຄ່ຳວັນທີ 1/4 ຢູ່ ນະຄອນຫລວງ ວຽງຈັນ, ມີນັກຮົບເກົ່າ 48 ຄົນແມ່ນຂຶ້ນກັບກອງພັນໃຫຍ່ ປົດປ່ອຍ ຊຽງຂວາງ ໄດ້ມີການພົບປະແລກປ່ຽນກັບພໍ່ແມ່ປະຊາຊົນຊາວຫວຽດນາມ ອາໄສ ຢູ່ຊຽງຂວາງ. ການພົບປະແລກປ່ຽນໄດ້ດຳເນີນໄປໃນບັນຍາກາດຟົດຟື້ນ ຖານນ້ຳໃຈມິດຕະພາບ ຫວຽດນາມ ລາວ ລະຫວ່າງບັນດານັກຮົບທີ່ເຄີຍຕໍ່ສູ້ປົດປ່ອຍແຂວງ ຊຽງຂວາງ ກ່ອນນີ້ 40 ປີ ແລະ ປະຊາຊົນຜູ້ທີ່ເຂົ້າຮ່ວມການຕໍ່ຕ້ານ. ນັກຮົບເກົ່າ, ພັນເອກ Vu Van Luat ເວົ້າວ່າ:
“ປີນີ້ ຂ້າພະເຈົ້າມີ ອາຍຸ 83 ປີແລ້ວ, ສຸຂະພາບກໍບໍ່ດີປານໃດ, ກ່ອນເດີນທາງມາຢ້ຽມຢາມ ຊຽງຂວາງ ຄອບຄົວຍາດຕິພີ່ນ້ອງກໍເປັນຫ່ວງເປັນໄຍຕໍ່ຂ້າພະເຈົ້າຫລາຍ ແຕ່ຂ້າພະເຈົ້າຄິດຮອດຄິດເຖິງສະຫນາມຮົບໃນເມື່ອກ່ອນ ແລະ ຢາກພົບປະກັບພໍ່ແມ່ປະຊາຊົນລາວບັນດາເຜົ່າ ສະນັ້ນ ຈຶ່ງຕັດສິນໃຈຮ່ວມເດີນທາງພ້ອມກັບຄະນະ. ເມື່ອມາແຫ່ງນີ້ເຫັນວ່າ ອຳນາດການປົກຄອງ, ປະຊາຊົນໄດ້ໃຫ້ການຕ້ອນຮັບຢ່າງສະຫນິດສະໜົມ ແລະ ຮູ້ສຶກສຸຂະພາບຂອງຕົນດີຂຶ້ນກວ່າເກົ່າ. ”
ການຢ້ຽມຢາມສະຫນາມຮົບເກົ່າໃນເມື່ອກ່ອນ ແລະ ພົບປະແລກປ່ຽນກັບພໍ່ແມ່ປະຊາຊົນຊາວຫວຽດນາມ ອາໄສຢູ່ ລາວ ຂອງຄະນະນັກຮົບເກົ່າຫວຽດນາມ ແມ່ນການເຄື່ອນໄຫວເພື່ອຂ່ຳນັບຮັບຕ້ອນປີແຫ່ງນ້ຳໃຈສາມັກຄີມິດຕະພາບ ຫວຽດນາມ ລາວ.